قازاقستان • 28 اقپان، 2020

قونىس اۋدارۋشىلارعا 8،5 ملرد تەڭگە بولىنەدى

319 رەتكورسەتىلدى

2020 جىلى رەسپۋبليكالىق بيۋدجەتتەن جۇمىس كۇشى مول ايماقتاردان كەلگەن قونىس اۋدارۋشىلار ءۇشىن باسپانا ساتىپ الۋعا 8،5 ملرد تەڭگە بولىنەدى.

قارجى مينيسترلىگىنىڭ تالداۋ اقپاراتىنا سايكەس، قارجىلاندىرۋ ەكى وبلىس اراسىندا بولىنەتىن بولادى. سولتۇستىك قازاقستان وبلىسىن جاڭا مەكەن-جاي رەتىندە تاڭدايتىندار 4،8 ملرد تەڭگە الادى. 3،7 ملرد تەڭگە پاۆلودار وبلىسىنا باعىتتالماق.

بۇدان باسقا، ەرىكتى تۇردە قونىس اۋدارۋ باعدارلاماسى بويىنشا بەس ايماققا 1،6 ملرد تەڭگە ءبولىندى. ەڭ ۇلكەن سوما پاۆلودار وبلىسىنا جىبەرىلەدى – 702،4 ملن تەڭگە. سولتۇستىك قازاقستان وبلىسىنا 382،2 ملن تەڭگە. سونداي-اق قوستاناي وبلىسى 256،8 ملن تەڭگە جانە شىعىس قازاقستان وبلىسى 237،1 ملن تەڭگە الادى. ەڭ از قاراجات اقمولا وبلىسىنا جوسپارلانعان – نەبارى 24 ملن تەڭگە.

سونىمەن قاتار قازاقستاندا ەڭبەك نارىعىن دامىتۋعا جالپى 18،3 ملرد تەڭگە باعىتتالادى. ەڭ ۇلكەن ۇلەس تۇركىستان وبلىسىنا تيەسىلى – 3،7 ملرد تەڭگە. سونداي-اق، 8،4 ملرد تەڭگە الەۋمەتتىك قىزمەتكەرلەردىڭ ەڭبەكاقىسىنا قوسىمشا تولەم ترانسفەرتتەرىن قۇرايدى.

جالپى، 2020 جىلى "ەڭبەك" ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ مەملەكەتتىك باعدارلاماسىن ىسكە اسىرۋعا رەسپۋبليكالىق بيۋدجەتتەن 26،8 ملرد تەڭگە قاراستىرىلعان. وسىعان دەيىن   ورالماندار قازاقستاننىڭ قاي وڭىرىنە باراتىنىن ءوزى تاڭدايدى  دەگەن پىكىر باسىم بولىپ كەلگەن. سوندىقتان تەڭ جارتىسى الماتى، جامبىل، وڭتۇستىك قازاقستان جانە ماڭعىستاۋ وبلىستارىنا شوعىرلاندى. بۇل وبلىستاردا تۇرعىن سانى ونسىز دا كوپ. جۇمىس، باسپانا ماسەلەسىن شەشۋ قيىنداۋ. سوندىقتان ورالماندار وڭتۇستىككە قونىستانعانىمەن، ودان كەيىنگى تۇرمىس-تىرشىلىگىندە قيىنشىلىقتار تۋدى.  ەكىنشىدەن، ورالماندارعا بۇل وبلىستاردا باسپانالى بولۋعا، شارۋاشىلىقپەن شۇعىلدانۋعا مۇمكىندىك مول. بۇل رەتتە ورالمانداردىڭ شىققان جەرى دە ەسكەرىلىپ وتىر. مىسالى، قاراقالپاقستان مەن تۇرىكمەنستاننان كەلەتىن ورالماندار نەگىزىنەن ماڭعىستاۋ وبلىسىنا شوعىرلاندى. ويتكەنى كوبىنىڭ وسى جەردەگى تۇرعىندارمەن تۋىستىق بايلانىستارى بار. تۋىستارىنان تىم الىسقا ۇزاعىسى كەلمەيتىن ورالماندار نارازى بولۋى دا مۇمكىن. سوندىقتان ولاردىڭ اتىراۋ، باتىس قازاقستان وبلىستارىنا بارۋىنا مۇمكىنشىلىكتەرى بار. بىراق بۇلاردىڭ بارلىعى دا – شەكارالىق وبلىستار.

جۋرناليستەردىڭ «شەكارالىق وبلىستار» دەگەن تىركەسكە باسىمدىق بەرۋىنىڭ سالماقتى سەبەبى بار. سەبەبى ەل ىشىندە، قازاق باسىلىمدارىندا، قازاق كوشىن سولتۇستىك وڭىرلەرگە قاراي بۇراتىن كەز كەلدى» دەگەن پىكىر كوپتەن ايتىلىپ جۇرگەن. بۇل – ءبىر. ەكىنشىدەن، شەكاراسىن جەرگىلىكتى ۇلت وكىلدەرىنىڭ قاراسىن كوبەيتۋ ارقىلى بەكىتىپ جاتقان ەلدىڭ العاشقىسى دا، سوڭى دا ءبىز ەمەسپىز.

دەمەك، ۇكىمەت، بيلىك بۇل شەشىمى ارقىلى كوپتىڭ مۇددەسىنە كەلگەندە قالعىپ كەتە المايتىنىن، قوعامدىق پىكىردى قاجەت كەزىندە قاپەرگە الىپ جۇرەتىنىن كورسەتتى.

ەستەرىڭىزگە سالا كەتەيىك، بۇعان دەيىن 2020 جىلى قازاقستاندا 32،8 مىڭ سۋبسيديالاناتىن جۇمىس ورىنىن قۇرۋعا 12 ملرد تەڭگە جۇمسالاتىنىن حابارلاعان بولاتىن.

سونىمەن قاتار قازاقستاندىقتار جۇمىسپەن قامتۋ باعدارلاماسىنىڭ تيىمدىلىگىنە الاڭداۋشىلىق بىلدىرۋدە.

سوڭعى جاڭالىقتار

ۇقساس جاڭالىقتار