قوعام • 28 اقپان، 2020

نۇر-سۇلتاندا العىس ايتۋ كۇنىنە ارنالعان جيىن ءوتتى

29 رەتكورسەتىلدى

ەلوردادا دوستىق ۇيىندە العىس ايتۋ كۇنىنە ارنالعان دوڭگەلەك ۇستەل ءوتتى. شاراعا قازاقستان حالقى اسسامبلەياسى توراعاسىنىڭ ورىنباسارى جانسەيىت تۇيمەباەۆ، قالا اكىمىنىڭ ورىنباسارى باقتيار ماكەن، قازاقستان رەسپۋبليكاسى پارلامەنتىنىڭ دەپۋتاتتارى، مەملەكەتتىك ورگانداردىڭ وكىلدەرى مەن جاستار قاتىستى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


شارا بارىسىندا العىس ايتۋ كۇنىنىڭ ماڭىزدىلىعى، قازاقستان حالقى اسسامبلەياسىنىڭ 25 جىلدىق قىزمەتى، قازاقستاندىق قۇندىلىقتار تالقىلاندى.

«2016 جىلدان باستاپ وسىمەن بەسىنشى جىل قاتارىنان 1 ناۋرىز – العىس ايتۋ كۇنى بولىپ اتالىپ كەلەدى. بۇل – زامان تالابى تۋىنداتقان قازاقستاندىقتار ءۇشىن ءمانى زور مەرەكە. ەلباسى ايتقانداي، باقىت باعالاي كەلگەننىڭ باسىندا تۇراقتايدى. ەڭ اسىل قازىنامىز – بىرلىگىمىزدى كوزدىڭ قاراشىعىنداي ساقتاي بىلسەك بارلىق اسۋلاردان اسامىز» دەدى جانسەيىت تۇيمەباەۆ.

شارا بارىسىندا ءارتۇرلى ەتنوس وكىلدەرى ەلىمىزدىڭ ءتۇرلى سالالارىندا ەڭبەك ەتىپ، ەكونوميكامىزدىڭ ورلەۋىنە ىقپال ەتىپ جاتقاندىعى اتاپ ءوتىلدى.

«تۇڭعىش پرەزيدەنت– ەلباسى نۇرسۇلتان ءابىش ۇلى نازارباەۆتىڭ جارلىعىنا سايكەس 1 ناۋرىز العىس ايتۋ كۇنى بولىپ بەلگىلەنگەن. ەلباسى اتاپ وتكەندەي، العىس ايتۋ كۇنى ورتاق تاريحىمىزعا كورسەتىلگەن قۇرمەتتىڭ، بۇكىل قازاقستاندىقتاردىڭ ءوز شاڭىراعىنا اينالعان كيەلى قازاق جەرىنە دەگەن ريزاشىلىقتىڭ بەلگىسى دەپ اتاپ وتكەن. بۇل بۇكىل قازاقستاندىقتىڭ ءبىر-بىرىنە دەگەن مەيىرىمدىلىك، دوستىق پەن سۇيىسپەنشىلىكتىڭ جارقىن مەرەكەسى بولىپ سانالادى. ءبىزدىڭ ورتاق ەلىمىزگە ءوزارا كومەك پەن قولداۋ كورسەتە وتىرىپ، شىنايى بىرلىگىمىز بەن دوستىعىمىزدى ايقىندايتىن، وتكەن كۇنىمىزدى ەسكە الاتىن، جاس ۇرپاققا ۇلگى بولاتىن جارقىن مەرەكەلەردىڭ ءبىرى دەپ ايتامىز» دەيدى قالا اكىمىنىڭ ورىنباسارى باقتيار ماكەن.

دوڭگەلەك ۇستەل بارىسىندا جۇمىسشى كاسىپتەردىڭ، قۇقىق قورعاۋ ورگاندارىنىڭ، جاستار ۇيىمدارىنىڭ وكىلدەرى ءسوز سويلەدى. ولار وزدەرىنىڭ جەتىستىكتەرىمەن ءبولىسىپ، ريزاشىلىقتارىن ءبىلدىردى.


سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار