قوعام • 27 اقپان، 2020

ەلوردادا اۆتوبۋستارعا تەگىن اۋىسىپ وتىرۋ جەڭىلدىگى وزگەردى

272 رەتكورسەتىلدى

«City Transportation Systems» («استانا LRT») كومپانياسى نۇر-سۇلتاندا ءبىر اۆتوبۋستان ەكىنشىسىنە ءبىر ساعات ىشىندە تەگىن اۋىسىپ وتىرۋ تارتىبىنە وزگەرىس ەنگىزدى.

 

ەسكە سالا كەتسەك بۇعان دەيىن قوعامدىق كولىكتەر جۇيەسى بويىنشا جاڭا تاريفتەر كۇشىنە ەنەتىنىن حابارلاعان ەدىك. سونىمەن قاتار جاڭا جۇيە بويىنشا 60 مينۋت ىشىندە ءبىر رەت اۋىسىپ وتىرۋ مۇمكىندىگى ەكى ءتاريفتىڭ (15 ساپار – 2 000 تەڭگە جانە 30 ساپار – 4 000 تەڭگە) ءبىرىن قولدانعاندا عانا كۇشىندە قالادى.
 
«جاڭا تاريفتىك جوسپارلاردى قالىپتاستىرۋ كەزىندە وتباسىلاردىڭ قاراجاتىنا كوڭىل ءبولىندى. وقۋشىلار مەن زەينەتكەرلەر ءۇشىن جول ءجۇرۋدىڭ تەگىن بولۋى شىعىنداردى ايتارلىقتاي ۇنەمدەۋگە كومەكتەسەتىنىن تۇسىنەمىز. سونداي-اق، ەرەسەكتەرگە ارنالعان ايلىق جول ءجۇرۋدى ساتىپ الۋ مۇمكىندىگى دە نازارعا الىندى. ول سول 7500 تەڭگە دەڭگەيىندە قالدى»، - دەپ حابارلايدى كومپانيادان.
 
ەسكە سالا كەتسەك بۇگىنگى كورمە-كونفەرەنتسيا بارىسىندا «City Transportation Systems» باسشىسى بەكمىرزا يگەنبەردينوۆ ەلوردادا كامەلەتكە تولماعان بالالار قالاىشىلىك قوعامدىق كولىكپەن تەگىن جۇرەتىنىن حابارلاعان ەدى.
 
سونىمەن قاتار حالىقتىڭ التى ساناتىنا كىرەتىن ازاماتتارعا قالا ماڭى باعدارى بويىنشا قوعامدىق كولىك تەگىن بولادى. ول التى ساناتتىڭ ىشىنە زەينەتكەرلەر، مۇگەدەكتەر، سوعىس ارداگەرلەرى، مۇگەدەكتەردى الىپ جۇرگەن ادامدار، كوپبالالى انالار جانە كوپبالالى وتباسىلاردىڭ مۇشەلەرى كىرەدى.
سوڭعى جاڭالىقتار

ۇقساس جاڭالىقتار