قازاقستان • 27 اقپان، 2020

قاراعاندىدان 8 جاڭا اۋە رەيسى ىسكە قوسىلادى

29 رەتكورسەتىلدى

«FlyArystan» - قازاقستاندىق العاشقى لوۋكوستەر قاراعاندىدان سەگىز جاڭا اۋە رەيسىن ىسكە قوسادى. ءساۋىر ايىنان باستاپ شىمكەنت، اقتاۋ، اتىراۋ، سەمەي، قىزىلوردا، قوستاناي، اقتوبە جانە رەسەيدىڭ ماسكەۋ قالاسىنا ۇشۋعا بولادى. ال جولاۋشىلاردىڭ كوپتەگەن وتىنىشتەرى بويىنشا قاراعاندى اۋەجايىنا جاڭا اۆتوبۋس جۇرەتىن بولادى.

20 ساۋىردەن باستاپ دۇيسەنبى جانە بەيسەنبى كۇندەرى قاراعاندى قالاسىنىڭ «سارى-ارقا» اۋەجايىنان ۇشاقتار اقتاۋعا ۇشىرىلاتىن بولادى. بيلەتتىڭ ەڭ تومەنگى قۇنى – 11 999 تەڭگە. سونداي-اق، 20 ساۋىردەن باستاپ FlyArystan قاراعاندى-قوستاناي-قاراعاندى تۇراقتى رەيستەرىن ىسكە قوسادى. بيلەتتەر باعاسى 8 999 تەڭگەدەن باستالادى. ۇشۋلار اپتاسىنا ەكى رەت – دۇيسەنبى جانە جۇما كۇندەرى ورىندالادى. اتىراۋعا العاشقى رەيس 21 ساۋىرگە جوسپارلانعان. ۇشۋدىڭ باستاپقى باعاسى-11 999 تەڭگە. ۇشاقتار اپتاسىنا ءۇش رەت – سەيسەنبى، سارسەنبى جانە جەكسەنبى كۇندەرى ۇشادى.
بۇدان بولەك، 21 ءساۋىر كۇنى FlyArystan بورتى العاش رەت قاراعاندى قالاسىنان شىمكەنتكە رەيس جاسايدى. ول قالاعا سەيسەنبى، بەيسەنبى، جۇما جانە سەنبى كۇندەرى ۇشادى. بيلەتتىڭ ەڭ تومەنگى قۇنى - 6 999 تەڭگەدەن. 22 ساۋىردەن باستاپ «سارىارقا» اۋەجايىنان قىزىلورداعا 6 999 تەڭگەگە جانە اقتوبەگە 8 999 تەڭگەگە جەتۋگە بولادى. قىزىلورداعا رەيستەر سارسەنبى جانە جەكسەنبى كۇندەرى، اقتوبەگە سارسەنبى جانە سەنبى كۇندەرى جاسالادى. قاراعاندى-سەمەي-قاراعاندى العاشقى رەيسى 23 ساۋىرگە جوسپارلانعان. بيلەتتىڭ ەڭ تومەنگى قۇنى – 5 999 تەڭگەدەن. ۇشۋ ۋاقىتى - دۇيسەنبى جانە بەيسەنبى. قاراعاندىدان ماسكەۋدىڭ جۋكوۆسكي اۋەجايىنا ۇشاقتار 16 مامىردان باستاپ ۇشا باستايدى.
 
بيلەتتىڭ ەڭ تومەنگى قۇنى 19 999 تەڭگەدەن باستالادى. رەيستەر سەيسەنبى جانە سەنبى كۇندەرگە جوسپارلانعان. قاراعاندى وبلىسىنىڭ اكىمى جەڭىس قاسىمبەك قازاقستاندىق لوۋكوستەردىڭ جاڭا اۆيامارشرۋتتارىنىڭ تانىستىرىلىمىنا قاتىستى. «مەنىڭ ويىمشا، ءبىزدىڭ ءوڭىر ءۇشىن جاڭا مۇمكىندىكتەر اشىلۋدا. ءبىر جىل بۇرىن ەلباسىنىڭ تاپسىرماسى بويىنشا FlyArystan كومپانياسى قۇرىلىپ، بۇگىننىڭ وزىندە لوۋكوستەر بازاسىنىڭ ءبىرى قاراعاندىدا ورنالاساتىنى تۋرالى حابارلاندى. ءدال وسى جەردەن قازاقستاننىڭ باسقا قالالارىنا دا، رەسەيگە دە ۇشۋعا بولادى. ءبىز اتقارۋشى ورگان رەتىندە وبلىسىمىزدا كومپانيانىڭ جەمىستى جۇمىس ىستەۋىنە بارىنشا جاردەمدەسەتىن بولامىز.
 
اتاپ ايتقاندا، «قازاۆتوجول« كومپانياسىمەن بىرلەسىپ، قالا تۇرعىندارىنا اۋەجايعا دەيىن ىڭعايلى جانە قىسقا جولدى قامتاماسىز ەتۋ ءۇشىن اينالمالى جولداعى كوپىردىڭ قۇرىلىسىن اياقتايمىز»، - دەدى ول. قاراعاندى قالاسىنىڭ اكىمى نۇرلان اۋباكىروۆتىڭ مالىمدەۋىنشە، بيىلعى جىلدىڭ ءساۋىر ايىنان باستاپ وبلىس ورتالىعىندا «سارىارقا» اۋەجايىنا دەيىن اۆتوبۋستار قاتىنايتىن بولادى. مارشرۋتتا ءتورت ايالداما بولادى: ۆوكزال، گوگول كوشەسى بويىنداعى بوۋلينگ، وڭتۇستىك-شىعىس اۆتوستانتسياسى. جول ءجۇرۋ قۇنى - 200 تەڭگە. اۆتوبۋستاردىڭ كەستەسى اۆيارەيستەرگە سايكەس كەلەدى جانە جولاۋشىلار اۋەجايعا ۇشۋدان 1،5-2 ساعات بۇرىن كەلە الاتىنداي ەتىپ جاسالادى. اۆتوبۋستار تاۋلىك بويى جۇرەدى. «الدىمەن ءبىز 49 ورىنعا ارنالعان ءبىر اۆتوبۋستى ىسكە قوسامىز. ەگەر مارشرۋت سۇرانىسقا يە بولسا، ءبىز تاعى دا ەكەۋىن ىسكە قوسۋعا دايىنبىز. ولاردىڭ بارلىعى جاڭا جانە جايلى. اۆتوبۋستاردى بىزگە №3 اۆتوپارك ۇسىنادى»، - دەپ ءتۇسىندىردى نۇرلان اۋباكىروۆ.
 
FlyArystan ىشكى رەيستەرىنە بيلەتتەر ەڭ تومەنگى باعامەن flyarystan.com سايتىندا ساتىلىمدا بار. ماسكەۋگە دەيىن ۇشاققا بيلەتتەر كەيىنىرەك پايدا بولادى. بيلەت قۇنىنا ۇشۋ جانە بەس كيلوگرامم قول جۇگىن تاسىمالداۋ كىرەدى.
سوڭعى جاڭالىقتار

ۇقساس جاڭالىقتار