ايماقتار • 27 اقپان، 2020

سىبايلاس جەمقورلىقتىڭ الدىن الۋ – باستى مىندەت

51 رەتكورسەتىلدى

بۇگىن سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى باسشىسىنىڭ ءبىرىنشى ورىنباسارى ت.سەرىكباەۆ جانە «شىمكەنت-ادالدىق الاڭى» جوبالىق كەڭسەسىنىڭ باسشىسى ە.تولەباەۆ اقپاراتتىق كوممۋنيكاتسيالار ورتالىعىندا بريفينگ بەردى.

فوتونى تۇسىرگەن بەرەكە سەيىتجاپپار

بريفينگ بارىسىندا ت.سەرىكباەۆ «سىبايلاس جەمقورلىققا قارسى ءىس-قيمىل مەملەكەتتىك ساياساتتىڭ نەگىزگى باسىمدىقتارىنىڭ ءبىرى رەتىندە بەلگىلەنگەندىگىن اتاپ ءوتتى. باستى باعىت رەتىندە پرەۆەنتسيا، ياعني سىبايلاس جەمقورلىقتىڭ الدىن الۋ بولىپ تابىلادى.

سىبايلاس جەمقورلىقتىڭ الدىن الۋدا سىبايلاس جەمقورلىققا قارسى مادەنيەتتى قالىپتاستىرۋعا، مەملەكەتتىك ورگاندار مەن ۇيىمداردا پاراساتتىلىق پەن اشىقتىق قاعيداتتارىن ەنگىزۋگە، سونداي-اق لاۋازىمدى تۇلعالار تاراپىنان اكىمشىلىك كەدەرگىلەردى جويۋ مەحانيزمدەرى ارقىلى ىسكە اسىرىلادى» - دەدى ت.سەرىكباەۆ.

سونداي-اق سپيكەر سىبايلاس جەمقورلىقتىڭ الدىن الۋ ماقساتىندا جۇزەگە اسىرىلىپ وتىرعان «بيزنەس پەن ينۆەستورلاردى قورعاۋ»، «ساپالى جول»، «اشىق بيۋدجەتتىڭ ينتەراكتيۆتى كارتاسى» جوبالارىنا توقتالىپ ءوتتى.

سىبايلاس جەمقورىلقىتڭ الدىن الۋدا باستى نازار سىرتقى تالداۋعا اۋدارىلادى. وتكەن جىلى 11 سىرتقى تالداۋ (ەڭبەك جانە الەۋمەتتىك قوعاۋ، كەدەن، جەر قاتىناستارى، مەترولوگيالىق قىزمەت، مەملەكەتتىك ساراپتاما، مۇمكىندىگى شەكتەۋلى ازاماتتارعا كورسەتىلەتىن الەۋمەتتىك كومەك، قۇرىلىس، تۇرعىن ءۇي جانە تۇرعىن ءۇي قاتىناستارى، ەنەرگەتيكا سالالارىندا) جۇرگىزىلگەن.

سىرتقى تالداۋ قورىتىندىسى بويىنشا مەملەكەتتىك ساتىپ الۋ، مەملەكەتتىك قىزمەت كورسەتۋ، جەر ۋچاسكەلەرى مەن تۇرعىن ءۇي سالاسىنداعى بۇزۋشىلىقتار، سونداي-اق ەڭبەك زاڭناماسىنىڭ تالاپتارىن ساقتاۋ ءتان تاۋەكەلدەر انىقتالدى.

سىبايلاس جەمقورلىق تاۋەكەلدەرىنە جۇرگىزىلگەن سىرتقى تالداۋلاردىڭ قورىتىندىسى بويىنشا بارلىعى 84 ۇسىنىس ەنگىزىلدى، ونىڭ 65-ءى ورىندالعان.

ت.سەرىكباەۆ حالىقپەن سىندارلى ديالوگ قۇرۋ جانە كەڭەيتىلگەن اقپاراتتىق ءىس-شارالار ارقىلى پاراساتتىلىق قاعيداتتارىن دامىتۋ ماقساتىندا قۇرىلعان اقپاراتتىق-اعارتۋشىلىق شتابتىڭ جۇمىسىنا توقتالدى.

سونىمەن قاتار،ازاماتتاردىڭ قۇقىقتىق ساۋاتتىلىعىن ارتتىرۋ، سونىمەن قاتار ومىرلىك ماڭىزدى ماسەلەلەردى شەشۋ ءۇشىن حالىقتىڭ الەۋمەتتىك ءالسىز توپتارىنا قۇقىقتىق كومەك كورسەتۋ ماقساتىندا «Adal kómek» جوباسى جۇزەگە اسىرىلىپ وتىرعاندىعىن جەتكىزدى.

كەڭەستەر اگەنتتىكتىڭ شىمكەنت قالاسى بويىنشا دەپارتامەنتى عيماراتىندا (قازىبەك بي كوشەسى،3) اپتا سايىن سەنبى كۇنى ساعات 11-00-دەن 13-00-گە دەيىن بەرىلەتىنىن حابارلادى.

ودان ءارى، سىبايلاس جەمقورلىق كورىنىستەرىنە تاپ بولعان كەز كەلگەن ازامات دەپارتامەنتكە نەمەسە 1424 ءنومىرى بويىنشا CaII-ورتالىققا حابارلاسۋ قاجەتتىگى ايتىلدى.

سىبايلاس جەمقورلىق فاكتىلەرى بويىنشا حابارلامالارى ءۇشىن ازاماتتاردى كوتەرمەلەۋدىڭ جاڭا جۇيەسىنە توقتالدى. وسى جىلدان باستاپ، ەگەر ادام سىبايلاس جەمقورلىق قىلمىسى تۋرالى حابارلاعان بولسا، وندا ول ايىپتاۋ ۇكىمى شىعارىلعاننان كەيىن پارا سوماسىنىڭ 10 پايىزىن الا الاتىندىعىن جەتكىزدى.

«پارا نەمەسە كەلتىرىلگەن زالال سوماسى نەمەسە ۇسىنىلعان جەڭىلدىكتەر نەمەسە كورسەتىلگەن قىزمەتتەر قۇنى 1 000 ايلىق ەسەپتىك كورسەتكىشتەن (اەك) (2 651 000 تەنگە) اساتىن سىبايلاس جەمقورلىق قۇقىق بۇزۋشىلىقتار بويىنشا بىرجولعى اقشالاي سىياقى پارا نەمەسە كەلتىرىلگەن زالال نەمەسە ۇسىنىلعان جەڭىلدىكتەر نەمەسە كورسەتىلگەن قىزمەتتەر سوماسىنىڭ ون پايىزىن قۇرايدى، بىراق 4 000 ايلىق ەسەپتىك كورسەتكىشتەن (10 604 000 تەڭگە) اسپايدى»، دەدى تالعار سەرىكباەۆ.

وتكەن جىلى بارلىعى 14 ادام كوتەرمەلەنىپ، ولاردىڭ وتىنىشتەرى بويىنشا سىبايلاس جەمقورلىق قۇقىق بۇزۋشىلىقتىڭ جولدارى كەسىلگەن. تولەمدەردىڭ جالپى سوماسى 2 ملن. 137 مىڭنان استام تەڭگەنى قۇرادى.

بريفينگتە ءسوز العان «شىمكەنت-ادالدىق الاڭى» جوبالىق كەڭسەسىنىڭ باسشىسى ە.تولەباەۆ ءبىرىنشى باسشىلاردىڭ قولجەتىمدىلىگىن، اشىقتىعىن قامتاماسىز ەتۋ ماقساتىندا اتقارىلىپ وتىرعان جۇمىستارمەن تانىستىردى.

بۇگىنگى تاڭدا ءبىرىنشى قاباتتارعا كوشكەن باسشىلار سانى 109-عا جەتتى. «Open Space» فورماتىندا 46 مەكەمە جۇمىس جاساپ جاتقاندىعىنا توقتالدى.

««شىمكەنت – ادالدىق الاڭى» جوبالىق كەڭسەسىنىڭ باستاماسىمەن «اشىق ميكروفون» جوباسى قولعا الىندى. كەزدەسۋلەر اشىق ديالوگ فورماتىندا جانە بەيرەسمي جاعدايدا وتەدى.

«اشىق ميكروفون» جوباسىنىڭ ماقساتى - مەملەكەتتىك جانە قۇقىق قورعاۋ ورگاندارىنىڭ ءبىرىنشى باسشىلارى مەن قالا جاستارىن ەركىن پىكىرتالاس الاڭىندا كەزدەستىرىپ، ولاردىڭ پىكىرلەرىن، ويلارىن تىڭداپ، بىرلەسە جۇمىس جاساۋعا شاقىرۋ بولىپ تابىلادى»، دەدى ە.تولەباەۆ.

 

 

شىمكەنت

سوڭعى جاڭالىقتار

ۇقساس جاڭالىقتار