قوعام • 27 اقپان، 2020

«رۋحاني جاڭعىرۋ» جوبالىق كەڭسەسىنىڭ جۇمىس جوسپارى تالقىلاندى

23 رەتكورسەتىلدى

نۇر-سۇلتاندا «رۋحاني جاڭعىرۋ» جوبالىق كەڭسەسىنىڭ 2017-2019 جىلدار ارالىعىندا اتقارىلعان جۇمىستارى بويىنشا ءباسپاسوز ءماسليحاتى ءوتتى. شارا بارىسىندا 2020 جىلعا بەكىتىلگەن جۇمىس جوسپارى تالقىلاندى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.

2017 جىلدىڭ 12 ساۋىرىندە قوعامدىق سانانى جاڭعىرتۋعا بايلانىستى قازاقستان رەسپۋبليكاسى تۇڭعىش پرەزيدەنتى ن.ءا.نازارباەۆتىڭ «رۋحاني جاڭعىرۋ» ماقالاسى جاريالاندى. بۇگىنگى كۇنى «رۋحاني جاڭعىرۋ» جوبالىق كەڭسەسى باعدارلامالىق ماقالاداعى 6 نەگىزگى باعىت بويىنشا 13 ارنايى جوبانى جۇزەگە اسىرىپ جاتىر. نۇر-سۇلتان قالاسى بويىنشا «رۋحاني جاڭعىرۋ» جوبالىق كەڭسەسى جانىندا «رۋحاني جاڭعىرۋ» وقۋ ورتالىعى جۇمىس ىستەيدى. جوبالىق كەڭسە 2019 جىلى 275-تەن استام ءىس-شارالار جۇزەگە اسىردى، 1 253 424 ادام باعدارلامامەن قامتىلدى. ءبىلىم بەرۋ ورتالىعىنىڭ «رۋحاني جاڭعىرۋ» باعدارلاماسىنىڭ ماقساتى مەن مىندەتتەرىن قامتيتىن وقۋ باعدارلاماسى دايىندالدى. بىلتىر سەمينار-ترەنينگپەن قالانىڭ 32 كوللەدجى، 87 جالپى ءبىلىم بەرۋ مەكەمەلەرى، 11 قوسىمشا ءبىلىم بەرۋ جانە 17 مادەني نىساندارىنىڭ 250 قىزمەتكەرى قامتىلدى. ال ەلوردانىڭ ساكرالدى نىساندارى بويىنشا ەكسكۋرسياعا 450 ادام قاتىستى.

سونىمەن قاتار قالانىڭ ورتا جانە ءبىلىم بەرۋ مەكەمەلەرىندە 51 كوشپەلى-ءدارىس ۇيىمداستىرىلىپ، جالپى 4 050 ادام قامتىلدى. بيىل ورتالىق 600 ادامعا كۋرس ۇيىمداستىرىپ، كوشپەلى ءدارىس ارقىلى 5 000 ادامعا «رۋحاني جاڭعىرۋ» باعدارلاماسىنىڭ باعىتتارىن ءتۇسىندىرۋدى كوزدەپ وتىر. كىتاپ وقۋ مادەنيەتىن قالىپتاستىرۋ ءۇشىن، قالا تۇرعىندارىنا ارنالعان «پاراسات» وقىرمان كلۋبى مەن «امانات» ۇيىرمەسى اپتا سايىن جۇرگىزىلەدى. وقىرمان كلۋبىنىڭ جۇمىسى بارىسىندا زيالى قاۋىم وكىلدەرىمەن كەزدەسۋ، شەبەرلىك سىنىپتارىن وتەدى.

«رۋحاني جاڭعىرۋ» جوبالىق كەڭسەسىنىڭ باسشىسى اقەركە جۇمانباەۆا ءسوز اراسىندا العىس ايتۋ كۇنىنە وراي 2 ناۋرىزدا «العىس ايتۋ كۇنى – ۇرپاقتى دوستىق پەن تولەرانتتىلىققا تاربيەلەۋ مەرەكەسى» اتتى سەمينار-ترەنينگ وتكىزىلەتىندىگىن مالىمدەدى. «العىس ايتۋ كۇنىنە وراي وتەتىن قازاقستان حالقى اسسامبلەياسىنىڭ «قازاق ەلىنە مىڭ العىس!»، «راحمەت ساعان...» چەللەندج-روليگى، قازاقستان مەديتسينا جاستارىنىڭ «ارداگەرلەرگە مىڭ العىس!»، «استانا جاستارى» جاستار رەسۋرستىق ورتالىعى بەلسەنە اتسالىسقان ء«بىز بىرگەمىز!» اكتسياسى – بۇل شارالاردىڭ بارلىعى «رۋحاني جاڭعىرۋ» باعدارلاماسىنىڭ اياسىندا قوعامدىق سانانى جاڭعىرتۋعا باعىتتالعان ءىس-شارالار دەپ تۇسىنەمىز»، - دەدى ول.

سونداي-اق كەڭسە باسشىسى «100 جاڭا ەسىمگە» ەنگەن تۇلعالاردىڭ جەتىستىككە جەتۋ جولىن ناسيحاتتاۋ ءۇشىن جاستارعا ارنالعان كەزدەسۋلەر ۇيىمداستىرتىندىعىن تىلگە تيەك ەتتى. بەكىتىلگەن جوسپارعا ساي وسى جىلى «تۇلعانى دامىتۋ» باعىتى بويىنشا 19 شارا، «ۇلتتىڭ دامۋى» باعىتى بويىنشا 16 شارا، «مەملەكەتتىڭ، ازاماتتىق قوعامنىڭ، جەرگىلىكتى قوعامداستىقتاردىڭ دامۋى» بويىنشا 17 شارا جوسپارلانعان.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار