قازاقستان • 27 اقپان، 2020

قۇلدىقتا بولعان قازاقستاندىق قىزدار ەلگە قايتارىلدى

35 رەتكورسەتىلدى

باحرەيندە سەكسۋالدى قۇلدىقتا بولعان قازاقستاندىق قىزدار ەلگە قايتارىلدى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ بريفينگتە جاريا ەتتى.

«ەستەرىڭىزدە بولسا، ءبىر اپتا بۇرىن باحرەيندەگى سەكسۋالدى قۇلدىقتان قازاقستاننىڭ 21 ازاماتىن بوساتىپ العانىمىزدى حابارلاعان ەدىك. بۇل جۇمىس باحرەيننىڭ قۇقىق قورعاۋ ورگاندارى جانە ساۋد ارابياسىنىڭ ەلشىلىگىمەن بىرگە جۇرگىزىلدى. قازىر ول قىزدار قازاقستاندا. ءبارىنىڭ جاعدايى جاقسى. بۇگىنگى كۇنى تەرگەۋ امالدارى جۇرگىزىلىپ جاتىر»، - دەدى ايبەك سمادياروۆ.

ول سونىمەن قاتار قىلمىستىق توپتىڭ قۇرامىندا قازاقستان ازاماتى بولعانىن دا ايتىپ ءوتتى. ء«ىستىڭ ءمان-جايىن تولىق ايتا المايمىن. ول ىسكە شەتەل ازاماتتارى عانا ەمەس، قازاقستان ازاماتتارىنىڭ دا قاتىسى بار. ولار ءدال وسى ىسپەن اينالىسقان ءىرى ۇيىمداسقان قىلمىستىق توپ بولعان. تەرگەۋ اياقتالىپ، قاجەتتى اقپارات دايىن بولعاندا مىندەتتى تۇردە ول تۋرالى حابارلايمىز»، - دەدى ءسىم وكىلى.

سوڭعى جاڭالىقتار

ۇقساس جاڭالىقتار