ايماقتار • 26 اقپان، 2020

الماتىداعى ءمامس 173 قىزمەت كورسەتۋشىمەن كەلىسىمشارت جاسادى

15 رەتكورسەتىلدى

بۇگىن الماتى قالاسى اكىمدىگىنىڭ ءباسپاسوز ورتالىعى الاڭىندا الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ پەن الماتى قالاسى «الەۋمەتتىك مەديتسينالىق ساقتاندىرۋ قورى» كەاق فيليالىنىڭ ديرەكتورى نۇرلىبەك قابدىقاپاروۆ مىندەتتى الەۋمەتتىك مەديتسينالىق ساقتاندىرۋ جۇيەسى اياسىندا قىزمەت كورسەتۋ تۋرالى باياندادى.

جاڭا رەفورمانىڭ ارقاسىندا بيىل الماتى قالاسىنىڭ دەنساۋلىق ساقتاۋ سالاسىنداعى قارجىلاندىرۋ كولەمى 1،5 ەسەگە ءوستى.

بۇگىنگى كۇنى الماتى قالاسىنداعى الەۋمەتتىك مەديتسينالىق ساقتاندىرۋ قورى 173 قىزمەت كورسەتۋشىمەن كەلىسىمشارت جاسادى. ونىڭ ىشىندە 144 مەديتسينالىق مەكەمە مەملەكەتتىك تاپسىرىس اياسىندا قىزمەت كورسەتەدى. مىندەتتى مەديتسينالىق ساقتاندىرۋ اياسىندا 152 ۇيىمدارمەن شارتتار جاسالدى، ونىڭ 55% -ى جەكە مەنشىك.

مەديتسينالىق ساقتاندىرۋ جۇيەسىندە جەتكىزۋشىلەرمەن بىرگە مەديتسينالىق قىزمەتتەر كورسەتۋدى ىسكە اسىرۋ جالعاسۋدا. 2020 جىلى ءمامس ەنگىزۋمەن وڭالتۋ جانە قالپىنا كەلتىرۋ كومەگىن كورسەتۋ بويىنشا مەديتسينالىق ۇيىمداردىڭ سانى ارتتى. بۇگىنگى تاڭدا الماتى قالاسى بويىنشا ولاردىڭ سانى 62-گە جەتتى،ونىڭ 25-ءى جەكە مەنشىك كلينيكالار. سالىستىرۋ ءۇشىن 2019 جىلى بۇل قىزمەتتى كەپىلدى كولەم شەڭبەرىندە بار بولعانى 4 مەكەمە بولعانىن اتاپ وتكەن ءجون.

دسب باسشىسىنىڭ ايتۋىنشا، بۇگىنگى تاڭدا بارلىق مەديتسينالىق مەكەمەلەر تەگىن مەديتسينالىق كومەكتىڭ كەپىلدىك بەرىلگەن كولەمى مەن ءمامس اياسىندا ازاماتتارعا ۋاقىتىلى مەديتسينالىق كومەك كورسەتۋ ءۇشىن قاجەتتى ينفراقۇرىلىممەن جابدىقتالعان.

پاتسيەنتتەرگە ىڭعايلى بولۋ ءۇشىن قازىر بارلىق مەديتسينالىق ۇيىمدار، قور جەتكىزۋشىلەرى ءمامس-كە جارنالاردى تولەۋ ءۇشىن تولەم تەرمينالدارىن بەلسەندى تۇردە ورناتۋدا. مۇنداي وزىنە-ءوزى قىزمەت كورسەتۋ اپپاراتتارى ءمامس جۇيەسىندە مەديتسينالىق قىزمەت كورسەتۋدى تالاپ ەتەتىن، ساقتاندىرىلماعان ادامعا مەديتسينالىق مەكەمە عيماراتىنان شىقپاي-اق تەرمينال ارقىلى تولەم جۇرگىزۋگە جانە ءمامس جۇيەسىندە بىردەن «ساقتاندىرىلعان» بولۋعا مۇمكىندىك بەرەدى.

ءوز بەتىنشە تابىس تاباتىندار ەكى جولمەن ءمامس-كە  قاتىسا الادى: ەڭ تومەنگى جالاقىنىڭ (ەتج) 5%-ىن، ياعني ايىنا 2 125 تەڭگە تولەي وتىرىپ نەمەسە بىرىڭعاي جيىنتىق تولەم (بجت) تولەي ارقىلى. الماتى ءۇشىن تولەم ­­­­­ ­2 651 تەڭگەنى قۇرايدى.

الماتى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار