ايماقتار • 26 اقپان، 2020

الماتىدا ءمامس ەنگىزگەلى بەرى كت مەن مرت قىزمەتىن پايدالانۋ 54%-عا ارتتى

11 رەتكورسەتىلدى

بۇگىن الماتى قالاسى اكىمدىگىنىڭ ءباسپاسوز ورتالىعى الاڭىندا الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ پەن الماتى قالاسى «الەۋمەتتىك مەديتسينالىق ساقتاندىرۋ قورى» كەاق فيليالىنىڭ ديرەكتورى نۇرلىبەك قابدىقاپاروۆ مىندەتتى الەۋمەتتىك مەديتسينالىق ساقتاندىرۋ جۇيەسى اياسىندا قىزمەت كورسەتۋ تۋرالى باياندادى.

ءمامس – بۇل قازاقستاننىڭ بارلىق ساقتاندىرىلعان ازاماتتارىنا جىنىسىنا، جاسىنا، الەۋمەتتىك مارتەبەسىنە، تۇراتىن جەرىنە جانە تابىسىنا قاراماستان كەپىلدىك بەرىلگەن مەديتسينالىق جانە دارىلىك كومەككە تەڭ قولجەتىمدىلىك.                                                                                                      

«جالپى العاندا، ءمامس ەنگىزۋمەن سالانى قارجىلاندىرۋ ورتا ەسەپپەن 52%-عا ارتتى، كلينيكالىق - دياگنوستيكالىق قىزمەتتەردىڭ كولەمى 5،2 ەسەگە، قالپىنا كەلتىرۋ ەمى مەن پاللياتيۆتىك كومەك 7،8 ەسەدەن اسا ءوستى»، – دەدى الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ. ول ءمامس بويىنشا بارلىق قاراجات تۇسىمدەرىنىڭ شامامەن 22%-ى الماتىعا تيەسىلى ەكەندىگىن اتاپ ءوتتى.

سونداي-اق، 2020 جىلى مرت، كت جانە ستوماتولوگيا سياقتى قىزمەتتەر ءۇشىن تولەم كەستەسى وزگەردى.

«ەگەر بۇرىن تولەم تىكەلەي كەڭەستىك-دياگنوستيكالىق قىزمەت كورسەتەتىن كلينيكالاردا جۇرگىزىلسە، بيىلعى جىلدىڭ باسىنان باستاپ بۇل ەمحانالار ارقىلى جۇرگىزىلەدى. ول ءۇشىن قوسىمشا ورىندالاتىن كەلىسىم-شارتتار جاسالادى»، – دەپ اتاپ ءوتتى الماتى قالاسى «الەۋمەتتىك مەديتسينالىق ساقتاندىرۋ قورى» كەاق فيليالىنىڭ ديرەكتورى نۇرلىبەك قابدىكاپاروۆ.

سونىمەن ء مامس ەنگىزىلگەلى بەرى كت جانە مرت قىزمەتتەرىن تۇتىنۋ 54%-عا، ۋدز – 21%- ا ارتتى. ەسكە سالساق، كت، مرت، پتر جانە يفت-تالداۋلارى سياقتى قىزمەتتەر بۇرىن تەك جەڭىلدىكتەگى ساناتتارعا عانا كورسەتىلەتىن، قازىر ءمامس جۇيەسىندە دە قولجەتىمدى.

 

الماتى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار