ايماقتار • 26 اقپان، 2020

جاڭا جاتاقحانا 288 ستۋدەنتتىڭ باسپانا ماسەلەسىن شەشەدى

20 رەتكورسەتىلدى

تالدىقورعان قالاسىنداعى «قاراتال» شاعىن اۋدانى اۋماعىندا سالىنىپ جاتقان جاستار جاتاقحاناسى جاقىن كۇندەرى قولدانىسقا بەرىلەدى. جاڭا نىسان 288 ستۋدەنتتىڭ باسپانا ماسەلەسىن بىردەن شەشەتىن بولادى.

بۇگىن جاتاقحانا عيماراتىنداعى قۇرىلىس بارىسىن كورىپ، جۇمىس ساپاسىن تەكسەرگەن وبلىس باسشىسى اماندىق باتالوۆ بىرقاتار ەسكەرتۋ جاسادى. باس جوسپاردا كورسەتىلگەندەي، مۇندا جاتاقحانا ماڭى عانا ەمەس، وعان ىرگەلەس ورنالاسقان اۋماقتىڭ بارلىعى ارداگەرلەر پاركىنە دەيىن تۇتاس اباتتاندىرىلماق. وندا بالالار ويىن الاڭدارى، ەرەسەكتەردىڭ تىنىعاتىن ورىن، جۇگىرۋ جولى، ۆوركاۋت، سپورت الاڭى سياقتى بارلىق قاجەتتىلىكتەر قاراستىرىلاتىن بولادى.

وبلىس باسشىسى عيماراتتىڭ ءىشىن ارالاپ كورىپ، فويەنى بەزەندىرۋ مەن جابدىقتاۋ تۋرالى ۇسىنىستارىن ايتتى. سول سياقتى جاتىن بولمەلەردەگى قوس يارۋستى توسەكتىڭ ساپاسىن سىنعا الىپ، زامان تالابىنا ساي باسقا كەرەۋەتپەن اۋىستىرۋدى تاپسىردى. اسحانانى، وقىرمان زالىن، كينوزال، دەمالىس بولمەلەرىن ارالادى. ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ رەكتورى قۋات بايمىرزاەۆقا وقۋ ورنىنىڭ ينجەنەرلىك جەلىلەرگە جانە باسقا دا تەحنيكالىق جاعىنان جاۋاپتى ماماندارىنىڭ عيماراتتى تىڭعىلىقتى قابىلداپ الۋىن تاپسىردى.

 

الماتى وبلىسى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار