ارينە, قىلمىسكەرلەر اناۋ ايتقانداي اككى باۋكەسپەلەر ەمەس, قاتارداعى قاسكۇنەمدەر. بىراق سولاردىڭ ءوزى كەيدە ۇستاتپاي, سان سوقتىرىپ كەتەدى ەمەس پە؟ اسىرەسە, قولدان ج ۇلىپ اكەتەتىن تەلەفونداردىڭ زاردابى اۋىر. وندايدا زارداپ شەگۋشى تەلەفونىنىڭ قۇنىنا ەمەس, ۇرىنىڭ باسىنعان قاسىرەتىنە قاراداي كۇيىنەدى. جەكسەنبى كۇنى دە ءدال سونداي وقيعا بولعان.
پەتروپاۆل قالاسىنىڭ كوشەلەرىندە قازىر قول كوتەرىپ تاكسي توقتاتۋ مۇمكىن ەمەس, تەك قانا شاقىرۋ كەرەك. قالانى وتە «ىڭعايسىز» شاھارعا اينالدىرىپ جىبەرگەن پىسىقتار وسىنداي كەسىرتتىكتى ويلاپ تاپقان. كەشكى ساعات التىنىڭ شاماسىندا تاكسي شاقىرتپاقشى بولىپ, تەلەفونىن قولىنا العان 61 جاستاعى ايەل ادامنىڭ قولىنان قاسكۇنەم ونى ج ۇلىپ اكەتىپ, قاشا جونەلەدى. قۇنى 25 مىڭ تەڭگە تۇراتىن Nokia تەلەفونىنان ايرىلعانىنا ەمەس, قاراجۇرەكتىڭ ايدىڭ-كۇننىڭ امانىندا باسىنعانىنا قاراداي كۇيىنگەن ايەلدىڭ قايعىسىنا ءوتىپ بارا جاتقان تاعى ءبىر ايەل ادام ورتاقتاسىپ, دەرەۋ پوليتسياعا حابارلاسادى. ول ءتىپتى جەدەل كەلگەن پاترۋلدىك پوليتسيا قىزمەتكەرلەرىنە قاسكۇنەمنىڭ ءتۇر-سيپاتىن, قاشقان باعىتىن دا ايتىپ بەرەدى. وسىنىڭ ارقاسىندا پوليتسەيلەر كۇدىكتىنى ەكى-ءۇش كوشە اينالىپ وتپەي جاتىپ, 10 مينۋتتىڭ ىشىندە ۇستاعان.
جاس بالا-شاعا ەمەس, 42 جاسقا كەلگەنشە اقىل-ەسى جەتىلمەگەن كۇدىكتىگە قازىر بۇلتارتپاۋ شاراسى بەلگىلەنىپ, قىلمىستىق كودەكستىڭ «توناۋ» بابى بويىنشا سوتقا دەيىنگى تەرگەپ-تەكسەرۋ امالدارى جۇرگىزىلۋدە.
كەلەسى توناۋ دۇيسەنبى كۇنى تاڭەرتەڭ ورىن العان. تاڭعى ساعات 05.30-دا كوشەدەگى دۇڭگىرشەكتەردىڭ بىرىندەگى 57 جاسار ساتۋشى اۋىستىرۋعا كەلگەن ارىپتەسى ەكەن دەگەن ويمەن قاعىلعان ەسىكتى اشقان. سويتسە, كەلىپ تۇرعان ىشىمدىككە تويىپ العان بەلگىسىز ەر ادام ەكەن. ساتۋشىنى قورقىتقان ول 15 قوراپ تەمەكى مەن كاسساداعى 37 700 تەڭگەنى قولدى قىلعان. ساتۋشى پوليتسياعا حابارلاپ, قاسكويدىڭ ەرەكشە بەلگىلەرىن ايتقان. شابۋىل فاكتىسى بويىنشا پوليتسيانىڭ كەشەندى كۇشتەرى جۇمىلدىرىلىپ, ماسكۇنەمدى تەز ارادا قۇرىققا ءتۇسىردى. ول بۇرىن بىرنەشە رەت ءىستى بولعان 1991 جىلى تۋعان قالا تۇرعىنى بولىپ شىقتى. بۇل فاكتى بويىنشا قىلمىستىق كودەكستىڭ قىزمەتتىك ءۇي-جايعا زاڭسىز كىرىپ, توناۋشىلىق جاساعان دەگەن بابى بويىنشا ءىس قوزعالدى. قازىر كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى قولدانىلعان. «ەگەر, ءسىز توناۋشىلاردىڭ قۇربانىنا اينالعان بولساڭىز, قارسىلىق كورسەتپەي, تەك باس سالعان ادامنىڭ ەرەكشە بەلگىلەرىن ەستە ساقتاپ, ورىن العان وقيعا جايلى دەرەۋ پوليتسياعا حابارلاعانىڭىز دۇرىس», دەپ كەڭەس بەرەدى پەتروپاۆل قالاسى پب باستىعى, پوليتسيا پولكوۆنيگى جاندوس مۇقاتوۆ.
اشىلعان ەكەۋىنە دەيىنگى ءۇشىنشى قىلمىس قاڭتار ايىنىڭ باسىندا, ساعات 10 شاماسىندا اۋەزوۆ كوشەسىنىڭ بويىنداعى ءبىر ءۇيدىڭ اۋلاسىندا بولىپ, وندا 1937 جىلى تۋعان قالا تۇرعىنى تونالعان ەدى. ونىڭ پاكەتىندە سوماسى 5 مىڭ 700 تەڭگەنىڭ زاتى بولعان. مىنە, وسى قىلمىس بەينەكامەرالارعا ءتۇسىپ قالعان كورىنىستەردىڭ كومەگىمەن جان-جاقتى جۇرگىزىلگەن جۇمىستىڭ ناتيجەسىندە جۋىردا اشىلدى. قازىر بۇرىن قىلمىستىق جاۋاپكەرشىلىككە تارتىلعان 29 جاستاعى كۇدىكتى ۇستالعان.
پەتروپاۆل
