تۇساۋكەسەر كەزدەسۋدە الەمنىڭ 55 راكەتكاسى اتانىپ وتىرعان جەرلەسىمىز اتر رەيتينگىندە 73 ورىندا تۇرعان ماجارستاننىڭ وكىلى مارتون ءفۋچوۆيچتى جەڭسە, ەكىنشى اينالىمدا ۇزدىكتەر تىزىمىندە 20 ساتىعا جايعاسقان فرانتسيا تەننيسشىسى بەنۋا پەردەن ايلاسىن اسىردى.
شيرەك فينالدا الەكساندر بۋبليك الەمدىك رەيتينگتە 15 ورىندا تۇرعان كانادالىق دەنيس شاپوۆالوۆقا شاڭ قاپتىرىپ كەتتى.
جارتىلاي فينالدا جەرلەسىمىز الەمنىڭ التىنشى راكەتكاسى ستەفانوس تسيتسيپاسپەن كەزدەستى. بىلتىر اۋستراليانىڭ اشىق بىرىنشىلىگىندە ۇزدىك تورتتىكتىڭ قاتارىنان كورىنگەن گرەكيانىڭ اتاقتى تەننيسشىسىنە بۋبليكتىڭ ءالى جەتپەدى. 1 ساعات 8 مينۋتقا سوزىلعان بۇل سايىس 7:5, 6:3 ەسەبىمەن اياقتالدى.
