ايماقتار • 24 اقپان، 2020

اقپاننىڭ بورانى اشۋلى

45 رەتكورسەتىلدى

سولتۇستىك قازاقستان وبلىسىندا جەلدىڭ قاتتى كۇشەيۋىمەن بىرگە جولدىڭ كوكتايعاققا اينالۋ قاۋپى زور بولىپ تۇر. اقپاننىڭ بورانى بيىل تىپتەن اشۋلى. اۋا رايى كۇرت وزگەرگەن ۋاقىتتا وقىس جاعدايلاردى بولدىرماۋ ءۇشىن ءتارتىپ ساقشىلارى جانە توتەنشە جاعداي قىزمەتكەرلەرى جول قىزمەتتەرىنىڭ، جەرگىلىكتى اتقارۋشى ورگانداردىڭ وكىلدەرىمەن بىرگە تىعىز بايلانىستا جۇمىس ىستەۋدە.

بوران قاۋپى بولۋى سەبەپ­تى الىس جولعا شىعۋدان باس تارتۋ تۋرالى ەسكەرتۋلەر مەن ۇسى­نىمدار SMS-حا­بار­­لامالار مەن الەۋمەتتىك جە­لىلەر ارقىلى جاپ­پاي جىبە­رىلىپ جاتىر. بىراق وبلىس تۇرعىندارىنىڭ كەيبىرى بۇعان قاراماي جولعا شىعىپ، قار قۇرساۋىندا قالىپ قويۋدا. سو­نىڭ ءبىرى – عابيت مۇسىرەپوۆ اۋدانىنىڭ 55 جاستاعى تۇر­عىنى سەرگەي تاراسوۆ. ول  كەش­كىسىن تاحتابرود اۋىلى­نان نو­ۆويشيم اۋىلىنا بارا جات­قان. «ەكاتەرينبۋرگ-ال­ما­تى» تاس جولىنداعى رۋزاەۆكا اۋى­لىنىڭ ماڭىندا بوراننىڭ قۇر­ساۋىنا ءتۇسىپ، العا جۇرۋگە مۇم­كىندىگى بولماي تۇرىپ قا­لادى. وسى جەردە سەرگەي تا­راسوۆ باسقا ازاماتتاردىڭ قا­ۋىپسىزدىگىن ويلاپ، سمارتفونىنا بەينەۇندەۋ جازىپ الىپ، ءوز تاراپىنان جەرلەستەرىنە وزىنە تونگەن قاۋىپتى كورسەتە وتىرىپ، جولعا شىعۋدىڭ قاۋىپتى ەكەنىن ەسكەرتكەن.

وسى اۋداننىڭ پوليتسيا ءبولىمىنىڭ باستىعى، پوليتسيا پودپولكوۆنيگى ايدوس ءىدىرى­سوۆتىڭ ايتۋىنا قاراعاندا، 18 اقپان كۇنى قار قۇرساۋىنان 6 فۋر، 6 «كاماز»، 10 جە­ڭىل كولىك پەن 2 «گازەل» اۆتو­كو­­لىگى شىعارىلعان. جۇرگى­زۋ­شىلەر مەن جولاۋشى­لار­دىڭ ءبىرشاماسى رۋزاەۆكا اۋى­لىن­­داعى قوناقۇيگە، قال­عان­دارى ليتسەي جاتاقحاناسىنا ور­نا­لاستىرىلدى. بارلىعى ىس­تىق تاماقپەن قامتاماسىز ەتىلدى.

ال جامبىل اۋدانىندا پا­ترۋلدىك پوليتسەيلەر مەن تو­تەن­شە جاعداي قىز­مەت­­كەر­لەرى قحر ازاماتىنا دا كو­مەك كورسەتكەن. بوراننىڭ بولاتىنىن ايتقان ەسكەرتۋلەرگە قاراماي نۇر-سۇل­تان قالاسىنان اۆتوكولىگىمەن قاي­رانكول اۋىلىنا شىعىپ كەتكەن 32 جاستاعى دجان سياوبو جولداعى «ۋكراينسكوە» اۋىلى­نا 5 شاقىرىم قالعاندا قالىڭ قارعا كەپتەلىپ قالعان. ساقشىلار مەن قۇتقارۋشىلاردىڭ، جەرگى­لىكتى اتقارۋشى ورگاندار­دىڭ كۇشىمەن ارنايى تەحنيكا جۇمىلدىرىلىپ، قى­تاي­لىقتىڭ كولىگى قاردان شى­عارىلدى. دجان سياوبو دا بەينەجازبا ءتۇسىرىپ، وزىنە كومەك كورسەتكەندەرگە شىن جۇرەكتەن العىسىن ايتتى.

وڭىردە بوران ءالى دە تىنشىماي تۇر. وبلىستىق پد باس­تىعى، پوليتسيا پولكوۆنيگى مارات تولەباەۆ اۋا رايىنىڭ قولاي­سىزدىعىنا بايلانىستى جەكە قۇرامعا قالا سىر­تىنداعى جولداردى تاۋلىك بو­يى با­قى­لاۋدى جانە كومەك­كە مۇقتاج ازاماتتارعا جەدەل تۇردە قول ۇشىن بەرۋدى تاپ­سىر­دى. باستى ماق­سات – بوران سالدارىنان ەشكىمنىڭ زارداپ شەكپەۋىن قام­تاماسىز ەتۋ.

 

سولتۇستىك قازاقستان وبلىسى

 

سوڭعى جاڭالىقتار

ۆەتەريناريا ادامزاتتى ەمدەيدى...

ايماقتار • بۇگىن، 15:55

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ۇقساس جاڭالىقتار