پارلامەنت • 24 اقپان، 2020

قىزىلوردا وبلىسىنىڭ جەتىستىكتەرى تانىستىرىلدى

448 رەتكورسەتىلدى

سەناتتا ايماقتار كۇندەرى اياسىندا قىزىلوردا وبلىسى تانىستىرىلدى، وندا ءوڭىردىڭ الەۋمەتتىك-ەكونوميكالىق دامۋ جەتىستىكتەرى كورسەتىلدى، دەپ حابارلادى سەناتتىڭ ءباسپاسوز قىزمەتى.

ءىس-شارا اياسىندا جەڭىل ونەركاسىپ پەن شاعىن جانە ورتا بيزنەس ونىمدەرىنىڭ، يننوۆاتسيالىق جوبالاردىڭ، سونداي-اق ايماقتىڭ دامۋ كەزەڭدەرىن كورسەتەتىن تاريحي-ارحەولوگيالىق ەكسپوناتتاردىڭ كورمەسى ۇيىمداستىرىلدى.

سەنات توراعاسى داريعا نازارباەۆا وتىرىستى اشا كەلىپ، ايماق كۇندەرىن وتكىزۋدىڭ ماقساتى مەملەكەتتىك جانە وڭىرلىك باعدارلامالاردىڭ جۇزەگە اسۋ بارىسىن زەردەلەۋ، حالىقتى تولعاندىراتىن اقپاراتتارمەن تانىسۋ جانە ولاردى شەشۋ جونىندەگى جەرگىلىكتى بيلىك وكىلدەرىنىڭ شارالارىنا تالداۋ جاساۋ ەكەنىن اتاپ ءوتتى.

قىزىلوردا وبلىسى اكىمىنىڭ ورىنباسارى باقىت جاقانوۆ دەپۋتاتتار الدىندا بايانداما جاسادى. ول ءوز سوزىندە وبلىستىڭ ەكونوميكاسى، اگروونەركاسىپ كەشەنى جانە شاعىن بيزنەس، قۇرىلىس، تۇرعىن ءۇي-كوممۋنالدىق شارۋاشىلىق، كولىك، ءبىلىم بەرۋ، دەنساۋلىق ساقتاۋ، الەۋ­مەتتىك قامتاماسىز ەتۋ سالالار­ىن­داعى اتقارىلعان جۇمىستارعا توقتالدى.

ب.جاقانوۆتىڭ ايتۋىنشا، سوڭعى 5 جىلدا ءوڭىر ەكونوميكاسىنا 1،5 ترلن تەڭگە ينۆەستيتسيا تارتىلدى، 3 ملن شار­شى مەتردەن استام تۇرعىن ءۇي پايدا­لانۋعا بەرىلدى. «وڭدەۋ ونەركاسىبىندە 600 ملرد تەڭگەنىڭ ءونىمى، ال اۋىل شا­رۋاشىلىعىندا 500 ملرد تەڭگەنىڭ ءونىمى ءوندىرىلدى. وسى كەزەڭدە 65 مىڭنان استام جاڭا جۇمىس ورنى اشىلدى، ونىڭ
55 مىڭى تۇراقتى جۇمىس ورىندارى بولىپ تابىلادى»، دەدى ول.

دەپۋتاتتار تالقىلاۋ بارىسىندا وڭىرلەردەن تۇسەتىن ستراتەگيالىق مالى­مەت­تەر مەن اقپاراتتاردىڭ ساپاسىنا نازار اۋداردى، سونداي-اق مەملە­كەتتىك باع­دارلامالاردى ازىرلەۋگە اكىم­دىك­تەردىڭ بەلسەندى قاتىسۋى قاجەتتىگىن اتاپ ءوتتى.

«ەگەر جەرگىلىكتى بيلىك زاڭداعى كەم­شى­لىكتەر تۋرالى ۋاقىتىندا حابارلاسا، وندا جۇمىس ناتيجەلى بولادى. باعدار­لامالار ولاردىڭ ماقساتتارى مەن مىن­دەتتەرىمەن ءوزارا بايلانىستى بولۋى ءتيىس»، دەدى ول.

سەناتورلاردىڭ پىكىرىنشە، سالالىق مينيسترلىكتەر ءوز كەزەگىندە ماڭىزدى قۇجاتتاردى قابىلداۋ كەزىندە وبلىستىق ستراتەگيالىق جانە بيۋدجەتتىك جوسپارلاۋ دەپارتامەنتتەرىن كەڭىنەن تارتۋ قاجەت.

د.نازارباەۆا رەسپۋبليكالىق جانە وب­لىستىق مەكەمەلەردىڭ ءوزارا تىعىز ءىس-قيمىل جاساۋى جونىندەگى باستا­ماعا قولداۋ ءبىلدىردى جانە ءبىر وڭىردەگى ءبىر-ءبىرىن قايتالايتىن دامۋ باعدار­لا­مالارىن جويۋ قاجەتتىگىنە ەرەكشە نازار اۋداردى جانە ول ىسكە اسىرۋ بارىسى مەن ەسەپ-قي­ساپ­تى شاتاستىرۋعا اكەلىپ سوعاتىنى اي­تىلدى.

دەپۋتات نۇرلان بەكنازاروۆ تالقىلاۋ بارىسىندا الەۋمەتتىك سالاعا قاتىستى، اتاپ ايتقاندا كوپ بالالى جانە از قامتىلعان وتباسىلارعا م ۇلىكتىك كومەك بەرۋدىڭ ساپاسى مەن ۇيىمداستىرىلۋى تۋرالى ماسەلەلەردى كوتەردى. دەپۋتاتتار، سونىمەن قاتار بايقوڭىر قالاسىنىڭ كەيبىر مەكتەپتەرىندە قازاق ءتىلى مەن قا­زاق ادەبيەتىن وقىتۋعا ءتيىستى كوڭىل بو­لىن­بەيتىندىگىنە الاڭداۋشىلىق ءبىلدىردى جا­نە بۇل ماسەلەنىڭ تۇلەكتەردىڭ وقۋعا تۇ­سەر كەزىندە كەرى اسەرى بولاتىنىن ايتتى.

دەپۋتات ەرىك سۇلتانوۆ قورقىت اتا اۋەجايىنداعى جاڭا جولاۋشىلار تەرمينالىنىڭ قۇرىلىسى تۋرالى سۇرادى. باقىت جاقانوۆ قازىرگى ۋاقىتتا جوبانىڭ قۇنى 14 ملرد تەڭگەدەن اسپايتىنداي ەتىپ قايتا قارالاتىنىن، ايتپەسە بۇل وبلىس ءۇشىن ءتيىمسىز ەكەنىن ايتتى.

داريعا نازارباەۆا ءوز كەزەگىندە اكىم ورىنباسارىنا قۇرىلىس ساپاسىنا نازار اۋدارۋ تۋرالى كەڭەس بەردى. ء«بىز ءبارىمىز، دەپۋتاتتار، قىزىلوردادا جاڭا اۋەجاي سالۋ يدەياسىن قولدايمىز. تەك جوباعا، ونىڭ ەسەپ-قيسابىنا وتە مۇقيات قاراۋ كەرەك. ساراپتاما بولۋى كەرەك جانە باعا مەن ساپانىڭ اراسى تەڭ بولۋى ءتيىس. ۇنەمدەۋ كەرەك ەكەن دەپ ۇنەمدەي بەرۋدىڭ كەرەگى جوق. ءبىر جىلدان كەيىن شاشىلىپ قالماۋ ءۇشىن ساپالى ەتىپ ءبىر-اق رەت سالۋ كەرەك»، دەدى د.نازارباەۆا.

داريعا نازارباەۆا ءسوز سوڭىندا جەرگىلىكتى بيۋدجەتتىڭ ورىندالۋىن باقىلاۋ جانە وبلىستىق تەكسەرۋ كوميس­سيالارىنىڭ ءرولى ماسەلەسىنە توقتالدى. «جەرگىلىكتى بيۋدجەتتەر ۇل­عايۋ­دا، تەك تەكسەرۋ كوميسسيالارى عانا شىعىنداردىڭ تيىمدىلىگىن قاداعا­لاۋى ءتيىس. وسى كوميسسيالاردىڭ زاڭنا­مالىق بازاسىن تاعى دا تەكسەرىپ، ولار­دىڭ قىزمەت ساپاسىن جاقسارتۋ بويىنشا ۇسىنىستار ازىرلەۋ، سونداي-اق اقپاراتتىڭ شىنايىلىعى مەن ساپاسىنا كوميسسيا مۇشەلەرىنىڭ جاۋاپكەرشىلىگىن ارتتىرۋ جونىندە ەرەجە ەنگىزۋ كەرەك»، دەدى د.نازارباەۆا.

داريعا نازارباەۆا كەزدەسۋدى قورى­تىن­دىلاي كەلىپ، باسقا وبلىستاردىڭ الەۋمەتتىك-ەكونوميكالىق ماسەلەلەرىن تالقىلاۋ كەزىندە ايماقتار كۇندەرىنىڭ اياسىندا جۇمىستار ودان ءارى جالعاساتىنىن اتاپ ءوتتى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار