ۇكىمەت • 23 اقپان، 2020

اقتوتى رايىمقۇلوۆا «جانۇيا» وتباسىن قولداۋ ورتالىعىندا ازاماتتاردى قابىلدادى

40 رەتكورسەتىلدى

ءمينيستردىڭ قابىلداۋىنا كەلگەن يبراگيم ادىلەتباەۆ ۇلت ۇستازى  احمەت بايتۇرسىن ۇلى قىزمەت ەتكەن قالالار مەن ەلدى-مەكەندەرگە عىلىمي ەكسپەديتسيا ۇيىمداستىرىپ، ونىڭ قورىتىندىسى رەتىنە كىتاپ باسىپ شىعارۋ تۋرالى پىكىرىن ايتتى. 

ا.راحمەتوللاقىزى بۇل ماسەلەنى قازاقستان رەسپۋبليكاسى ءبىلىم جانە عىلىم مينيسترلىگىمەن بىرلەسە وتىرىپ جۇزەگە اسىرۋعا بولاتىنىن جەتكىزدى. سونىمەن قاتار بۇل ۇسىنىسقا ا. بايتۇرسىن ۇلى اتىنداعى ءتىل ءبىلىمى ينستيتۋتى بەي-جاي قارامايتىنىن اتاپ ءوتتى.

قانات الپىسباەۆ پەتروپاۆل قالاسىنداعى جالپى ءبىلىم بەرەتىن مەكتەپتەن بالالارعا ارنالعان سپورت مەكتەپ-ينتەرناتىنا 8-سىنىپتا وقيتىن ۇلىن اۋىستىرۋ تۋرالى ماسەلەگە تياناقتى جاۋاپ الدى.

ء«سىزدىڭ ۇلىڭىز جاڭا وقۋ جىلىندا كونكۋرستىق نەگىزدە اتالعان ءبىلىم بەرۋ ۇيىمدارىنا قابىلداۋعا قاتىسا الادى. بالانىزدىڭ سپورتتا شىمىر بولۋىنا تىلەك بىلدىرەمىن،»-دەدى مينيستر. جانە دە بۇل ماسەلەدە ەشقانداي كۇردەلى ءتۇيىن جوق ەكەنىن، جاس سپورتشىعا ءتيىستى مەكەمەلەر بارىنشا قولداۋ بىلدىرەتىنىن ايتتى.

زاڭگەر، ساياساتتانۋشى  ناقىپبەك سادۋاقاسوۆ  مينيسترگە قازاقتىڭ الىپ تۇلعالارى ءاليحان بوكەيحان ۇلى، ءالىمحان ەرمەكوۆ، كۇلاش بايسەيىتوۆا جانە ت.ب. دۇنيەگە كەلگەن قاراعاندى وبلىسىنىڭ اقتوعاي اۋدانى تۋرالى دەرەكتى فيلم ءتۇسىرۋ بويىنشا ۇسىنىس ءبىلدىردى.

ا.رايىمقۇلوۆا ۇلت تاريحىنا بەي-جاي قاراماعان ازاماتقا ريزاشىلىعىن بىلدىرە وتىرىپ، «كينەماتوگرافيا تۋرالى» قازاقستان رەسپۋبليكاسى زاڭىنىڭ 12 بابىنا سايكەس ۇلتتىق فيلمدەر دەپ تانىلۋعا ءۇمىتتى كينوجوبالاردى قارجىلاندىرۋ تۋرالى شەشىم ساراپتاما كەڭەسىنىڭ وڭ قورىتىندىسى جانە ۇلتتىق فيلمدەردى مەملەكەتتىك قارجىلىق قولداۋ ماسەلەلەرى جونىندەگى ۆەدومستۆوارالىق كوميسسيانىڭ ۇسىنىمى نەگىزىندە قابىلداناتىندىعىن ءتۇسىندىردى. قولدانىستاعى زاڭناماعا سايكەس وتىنىمدەر ساراپتامالىق كەڭەستىڭ جانە ۆەدومستۆوارالىق كوميسسيانىڭ قاراۋىنا «ۇلتتىق كينونى قولداۋ مەملەكەتتىك ورتالىعى» كەاق-مەن اشىق كونكۋرس جاريالاۋ جولىمەن ەنگىزىلەتىنىن، وسىعان وراي، اۆتورعا اقتوعاي اۋدانى تۋرالى دەرەكتى فيلم ءتۇسىرۋ بويىنشا اتالعان ورتالىققا ءتيىستى وتىنىش بەرۋ كەرەكتىگىن ايتتى.

نۇر-سۇلتان قالاسىنىڭ تۇرعىنى ە.ەسجانوۆ مادەنيەت جانە سپورت مينيسترىنە قالانىڭ ىرگەسىندەگى ءوندىرىس ەلدى مەكەنىندە بالالارعا ارنالعان سپورت مەكتەبىن سالۋ تۋرالى وتىنىشپەن كەلگەن. مينيستر ەلىمىزدەگى بۇقارالىق سپورتتىڭ دامۋىنا جەرگىلىكتى جەردەگى بيلىك ءتيىستى دارەجەدە نازار اۋدارىپ وتىرعانىن، ءوندىرىس اۋىلىندا سپورتتىق دەنەشىنىقتىرۋ-ساۋىقتىرۋ كەشەنى سالىناتىنى قالانىڭ جوسپارىندا بار ەكەندىگىن ايتتى.

ءىت مامانى ارالباي قۋانىشبەك ۇلى اقىن، ويشىل اباي قۇنانباي ۇلىنىڭ 175 جىلدىق مەرەيتويىنا وراي سۋۆەنيرلىك ءونىم دايىنداعان.   ۇلى تۇلعانىڭ مەرەيتويىنا ارنالعان قولونەر تۋىندىسىمەن تانىسقان مينيستر قاجەت بولعان جاعدايدا دايىن ءونىمدى ساتىپ الۋ ماسەلەسى بويىنشا الداعى ۋاقىتتا مينيسترلىكتىڭ ارنايى ماماندارى حابارلاساتىنىن جەتكىزدى.

مينيسترمەن جەكە ماسەلە بويىنشا كەزدەسكەن ەل ازاماتتارى دا ءتيىستى جاۋاپ الدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار