قازاقستان • 23 اقپان، 2020

قازاقستان بويىنشا جەتىلدىرىلگەن ۆيرۋس تاراپ ءجۇر

525 رەتكورسەتىلدى

«KZ-CERT» كومپيۋتەرلىك ينتسيدەنتتەرگە ارەكەت ەتۋ قىزمەتى «قۇمسالعىش» تيپىندەگى قورعاۋ شارالارىن ەلەمەي Word قۇجاتى رەتىندە تاراعان ۆيرۋستىڭ تابىلعاندىعىن حابارلادى.

945kaz اتتى Word قۇجاتى قوسىمشا رەتىندە تىركەلگەن سىلتەمەنىڭ  كۇندەلىكتى كەلىپ تۇسەتىنى جايلى ءوتىنىش «KZ-CERT»قىزمەتىنە كەلىپ ءتۇستى.

«KZ-CERT» ساراپشىلارى جۇرگىزگەن اناليز ناتيجەسى بويىنشا،  سىلتەمە قۇرامى اق ينتسيدەنتتەرىنىڭ ءبىرى «زياندى بەلسەندىلىك» تۇرىندە سارالاندى.

زياندى ۆيرۋستاردىڭ Word قۇجاتى رەتىندە تارالۋى تاڭ قالارلىق نارسە ەمەس جانە وسى سياقتى اق ينتسيدەنتتەرى ءجيى كەزدەسەدى. الايدا وسى قۇجاتتىڭ ءوز ەرەكشەلىگى بولدى، قۇجاتتاعى ۆيرۋس كومپيۋتەردى ءۇشىنشى رەت قايتا جۇكتەگەندە عانا تارالاتىن. بۇل ءوز كەزەگىندە ۆيرۋسقا قارسى باعدارلامالاردىڭ، ينتسيدەنتتى زەرتتەۋ  جۇمىستارىن قيىنداتادى. قىسقاشا ايتقاندا، ۆيرۋس قوسىلعاننان كەيىن، كومپتەردە نەگىزگى زياندى باعدارلامالىق قامسىزداندىرۋدى ورنالاستىرۋعا كىرىسكەن. ونىڭ ۇستىنە، وسى ءۇردىس ءوزىن-ءوزى انىقتاۋ بارىنشا قيىنداتىلعان.

كومپتەردىڭ ءۇش رەت قايتا جۇكتەلگەنىنە دەيىن (ماكروستاردىڭ قۇجاتتا جاندانعان ساتتەن باستاپ)، زياندى باعدارلامانىڭ قىزمەتى باستالمايدى.

زيانكەستەردىڭ قايتا جاڭداۋدىڭ بىرنەشە رەت قايتالانۋىن پايدالانۋداعى ءوز سەبەبى بار – اۆتوماتتاندىرىلعان تالداۋ ايالارى (قۇمسالعىش) قايتا جاندانعاننان كەيىن جۇرگىزىلەتىن شارالاردى قاداعالاي المايدى. سارالاۋدى قيىنداتۋ ءۇشىن كانداي دا ءبىر كەزەڭدە ء(بىرىنشى قايتا جۇكتەۋدەن كەيىن)، زيانكەستەر  جاڭدانۋ ءساتتى اياقتالۋدىڭ دالەلى رەتىندە بەلگىلى ءبىر تىزبەنى شىعارعان.  زيانكەستەردىڭ باستى قۋلىعى، وسىنداي العاشقى ارەكەتتەردى زياندى دەپ سارالاۋ مۇمكىندىگىنىڭ وتە تومەن بولۋى.  

زياندى وبەكتىنىڭ باستى قىزمەتى، زيانكەستەردىڭ سەرۆەرىنان ەركىن كودتى جۇكتەپ، ورىنداۋ. سونىمەن قاتار، انىقتاۋعا قارسى ارەكەتتەردىڭ ارقاسىندا، زيانكەستەر سەرۆەردى اۆتوماتتى سارالاۋدا انىقتالاتىن شىنايى كودتتاردى جاسىرا الادى.

وسىنداي ارەكەتتەرگە كۋا بولىپ وتىرعاننان كەيىن، ينتسيدەنتتى وتە زياندىلار قاتارىنا قوسۋعا بولادى. سەبەبى، وسى ۇلگى كەز كەلگەن كودتتاردى ورىنداپ، وپەراتسيالىق وزگەرىستەر جاساۋعا  مۇمكىندىك بەرەدى.

قاۋىپسىزدىكتىگىڭىزدى قامتاماسىز ەتۋ ءۇشىن «KZ-CERT» قىزمەتى جاڭارتىلعان انتيۆيرۋستىق باعدارلامانى ورناتۋعا جانە قۇجاتتاردى زياندى قاۋىپ-قاتەرگە تەكسەرۋدى اۆتوماتتاندىرۋعا كەڭەس بەرەدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار