رۋحانيات • 23 اقپان، 2020

باقىت اسانوۆ ەرىكتى جاستارمەن بىرىگىپ ەل ارالادى

15 رەتكورسەتىلدى

ماقتاارال اۋدانىنىڭ اكىمى باقىت اسانوۆ ەرىكتى جاستارمەن بىرىگىپ ەل ارالادى. ەڭ الدىمەن ءوڭىر باسشىسى اۋداندىق «مىرزاكەنت» اۋرۋحاناسىندا ەمدەلىپ جاتقان كوپ بالالى انا، ءى توپتىڭ مۇگەدەگى پەريزات قاراباەۆانىڭ احۋالىنان حابار الدى. بۇل تۋرالى ماقتاارال اۋدانى اكىمىنىڭ ءباسپاسوز قىزمەتى حابارلادى.

بۇعان دەيىن باقىت ناسىرحان ۇلى دوستىق اۋىلدىق وكرۋگىندە تۇراتىن قاراباەۆتار وتباسىنا بارىپ، وتاناسىنىڭ جاعدايىمەن تانىسقان بولاتىن. پ.قاراباەۆا وسىدان 3 جىل بۇرىن جول اپاتىنا ۇشىراپ، توسەك تارتىپ قالعان. ناۋقاستىڭ جاي-كۇيىمەن تانىسقان اۋدان باسشىسى كۆوتا قاراستىرىپ، دەمەۋشىلەر ۇيىمداستىرۋ ءۇشىن ءتيىستى ءبولىم باسشىلارىنا تاپسىرما بەرگەن بولاتىن. وسىلايشا قاراباەۆتار وتباسى «قامقورلىق» باعدارلاماسىنىڭ قامقورلىعىنا ىلىككەن.

مۇنان سوڭ اۋدان باسشىسى مىرزاكەنت كەنتىندە تۇراتىن ۇلى وتان سوعىسىنىڭ ارداگەرى سەيىتمۇرات قۇزجانوۆتىڭ شاڭىراعىنا بارىپ، ارداگەردىڭ مەرەيلى مەرەيتويىمەن قۇتتىقتاپ قايتتى. 1926 جىلى دۇنيەگە كەلگەن ارداگەر 94 جاسقا تولىپ وتىر. سونىمەن قاتار، اۋدان اكىمى 73 جاسقا تولىپ وتىرعان جالعىزىلىكتى قاريا ۆالەري تسويدىڭ ۇيىنە دە باردى. ويلاماعان جەردەن سىيعا بولەنگەن قاريالاردىڭ قۋانىشىندا شەك بولمادى.

1

ايتا كەتەيىك، «ەرىكتىلەر جىلى» اياسىندا اۋدانىمىزدىڭ ەرىكتى جاستارى تىل ارداگەرلەرى مەن جالعىزىلىكتى قارتتاردىڭ ءۇي جۇمىستارىنا كومەكتەسىپ، جاعدايلارىنان ءجيى حابار الىپ تۇرادى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار