ەلوردا • 23 اقپان، 2020

ەلوردادا جابىق ساۋدا ورىنى قىزمەتكەرلەرى ءۇشىن جاتاقحانا سالىندى

12 رەتكورسەتىلدى

بيىل نۇر-سۇلتاندا جابىق ۇلگىدەگى بازار اشىلادى. ەلوردا اكىمى التاي كولگىنوۆ اۋماعى 18،5 مىڭ شارشى مەتردى قۇرايتىن «وردا» («بيگ شانحاي») كوتەرمە-بولشەك ساۋدا بازارىنىڭ قۇرىلىسىمەن تانىستى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.

قىزمەتكەرلەرگە جاعداي جاساۋ ءۇشىن جۇمىس بەرۋشى ەسەبىنەن جاتاقحانا سالىندى.

سونداي-اق الەۋمەتتىك نىساندار سالۋ جوسپارلانىپ وتىر. قالا اكىمى التاي كولگىنوۆ اشىق بازار فورماتىنان جابىق ۇلگىدەگى بازارلارعا كوشۋ قاجەتتىگىن اتاپ ءوتتى. بۇل تاۋارلاردىڭ ساپاسى مەن قاۋىپسىزدىگىن جاقسارتاتىنى ءسوزسىز.

«مەملەكەتتىڭ اشىق بازارلاردى زاماناۋي ۇلگىدەگى ساۋدا فورماتتارىنا كوشىرۋ جونىندەگى تاپسىرماسىن جۇزەگە اسىرۋ ءۇشىن بازارلاردى جاڭعىرتۋ، جاڭا ساۋدا نىساندارىن سالۋ بويىنشا جۇمىستار جۇرگىزىلىپ جاتىر. قالادا 26 بازار بار. ونىڭ 14 – جابىق، 12 – قۇرامداستىرىلعان. وسى باعىتتاعى جۇمىستاردى بەلسەندى جۇرگىزۋ كەرەك. ءوز تاراپىمىزدان بارىنشا قولداۋ كورسەتەمىز. وتكەن جىلى ەكى جابىق بازاردىڭ قۇرىلىسى اياقتالدى»، - دەدى قالا اكىمى التاي كولگىنوۆ.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار