ۇكىمەت • 22 اقپان، 2020

قارۋلى كۇشتەردە سىبايلاس جەمقورلىققا قارسى باتىل شارالار قابىلدادى

32 رەتكورسەتىلدى

قورعانىس مينيسترلىگىندە جەمقورلىققا قارسى زاڭنامانىڭ ورىندالۋىن باقىلاۋ كوميسسياسىنىڭ كەڭەيتىلگەن وتىرىسى ءوتتى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.

قورعانىس ءمينيسترى گەنەرال-مايور ن.ەرمەكباەۆتىڭ توراعالىعىمەن وتكەن كەڭەيتىلگەن وتىرىسقا قازاقستاننىڭ سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى و.بەكتەنوۆ پەن قازاقستاننىڭ قك باس شتابى جانە قم قۇرىلىمدىق بولىمشەلەرى باسشىلارى قاتىستى.

كەڭەيتىلگەن وتىرىستا قم ورىنباسارى گەنەرال-مايور ت.داندىباەۆ كوميسسيانىڭ جاڭا توراعاسى رەتىندە تانىستىرىلدى.

وتىرىستا قك سىبايلاس جەمقورلىقتى ازايتۋ مەن الدىن-الۋ شارالارىن ودان ءارى جەتىلدىرۋدىڭ جاڭا ادىستەرى ۇسىنىلىپ، كوميسسيا قىزمەتى قورىتىندىلاندى. اسكەري قىزمەتشىلەردىڭ قاۋىپسىزدىگىن قامتاماسىز ەتۋ جانە سىبايلاس جەمقورلىقتان قورعاۋدى قامتاماسىز ەتۋ ءۇشىن جۇيەلى شارالار جاريالاندى، ولار جاقىن ارادا قابىلاداناتىن بولادى.

ءبىراز ۋاقىت بۇرىن ءمينيستردىڭ شەشىمىمەن ءاسكەري پوليتسيا باس باسقارماسىنىڭ سىبايلاس جەمقورلىققا قارسى ءىس-قيمىل جونىندەگى باسقارماسىنا ىشكى قاۋىپسىزدىك وكىلەتتىكتەرى مەن فۋنكتسيالارىن بەرۋ قابىلدانعان بولاتىن.

بۇدان باسقا، سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە اسكەري ورتادا سىبايلاس جەمقورلىقتىڭ الدىن الۋعا وزگە دە تۇردە جاردەمدەسەتىن ادامداردى كوتەرمەلەۋ جۇيەسىن بەلسەندى پايدالانۋ ۇسىنىلدى.

«قارۋلى كۇشتەر قاتارىندا بولىپ جاتقان سىبايلاس جەمقورلىق فاكتىلەرىنە ەشكىم توزۋگە نيەتتى ەمەس. ءبىز ءۇنسىز قالماۋىمىز كەرەك. اسكەردى وسىنداي الەۋمەتتىك ز ۇلىمدىقتان تازارتۋ شارالارىن قولدانۋىمىز كەرەك. لاۋازىمدى تۇلعالار ءۇشىن «جەمقورلىق» ءسوزى توزبەۋشىلىك پەن سىبايلاس جەمقورلىققا قارسى تۇراقتىلىق سەزىمىن تۋدىرۋى كەرەك.قارۋلى كۇشتەر – مەملەكەت تۇراقتىلىعىنىڭ نەگىزى، سوندىقتان ءبىزدىڭ قاتارىمىزدا سىبايلاس جەمقورلىقتى ازايتۋ ماڭىزدى»، - دەپ اتاپ ءوتتى قورعانىس ءمينيسترى.

سونىمەن قاتار، وتىرىس بارىسىندا مەملەكەت باسشىسىنىڭ جولداۋىن جۇزەگە اسىرۋ اياسىندا اسكەري قىزمەتشىلەردىڭ سىبايلاس جەمقورلىققا قارسى مادەنيەتىن قالىپتاستىرۋ جانە ازاماتتاردىڭ سەنىمىن ارتتىرۋ ءۇشىن «قارۋلى كۇشتەر - ادالدىق الاڭى» جوبالىق كەڭسەسى، جەكە جانە زاڭدى تۇلعالاردىڭ كەدەرگىسىز قول جەتكىزۋ تەرەزەسى اشىلدى. وندا بارلىق نيەت بىلدىرۋشىلەر 442570، 442571، 442575، 474937 سەنىم تەلەفوندارى ارقىلى سىبايلاس جەمقورلىقتىڭ كەز كەلگەن فاكتىلەرى تۋرالى حابارلاي الادى.

بۇدان بولەك اسكەري اسكەري قىزمەتتىڭ قاۋىپسىزدىگى جانە ەڭبەكتى قورعاۋدى باسقارماسى قۇرىلعان بولاتىن. اتالعان باسقارمانىڭ مىندەتىنە اسكەري قىزمەتتەگى قاۋىپ-قاتەرلەردى انىقتاپ، قاۋىپسىزدىكتى قامتاماسىز ەتۋ بولىپ تابىلادى.

وتىرىس قورىتىندىسى بويىنشا بارلىق دارەجەدەگى جانە دەڭگەيدەگى كومانديرلەرگە اسكەري ورتاداعى سىبايلاس جەمقورلىقتى جويۋ بويىنشا جۇمىستى جانداندىرۋ تاپسىرىلدى.سىبايلاس جەمقورلىقتى جويۋدا ءاربىر اسكەري قىزمەتشىنىڭ جەكە جاۋاپكەرشىلىگى مەن ءتارتىبى ماڭىزدى ءرول اتقارۋى ءتيىس. ول ءۇشىن قر قك-ءدىڭ جۇيەسىندە سىبايلاس جەمقورلىققا قارسى ستاندارتتار، ادەپ نورمالارى، سونداي-اق سىبايلاس جەمقورلىق تاۋەكەلى جوعارى لاۋازىمعا تاعايىنداۋ كەزىندە كانديداتۋرالاردى قاراستىراتىن اتتەستاتتاۋ كوميسسيالارىنىڭ قىزمەتى ۇيىمداستىرىلىپ،قولدانىلادى.

ايتا كەتۋ كەرەك، سىبايلاس جەمقورلىقتى ازايتۋ قورعانىس مينيسترلىگىنىڭ باسىم باعىتتارىنىڭ ءبىرى بولىپ تابىلادى. قورعانىس ۆەدومستۆوسى سىبايلاس جەمقورلىقتى ەلىمىزدىڭ قورعانىس قابىلەتىنە قاۋىپ رەتىندە قاراپ،  سىبايلاس جەمقورلىققا قارسى ءىس-قيمىل اگەنتتىگىمەن تىعىز بايلانىستا جۇمىس جاسايدى. اسكەري قىزمەتشىلەر تاراپىنان، سونداي-اق باسقا دا مەملەكەتتىك ورگانداردىڭ وكىلدەرى مەن ازاماتتار تاراپىنان سىبايلاس جەمقورلىقپەن قۇقىقبۇزۋشىلىققا جول بەرىلگەنى تۋرالى تۇسكەن اقپارات قۇزىرلى ورگاندارعا بەرىلەدى. بىرلەسىپ ازىرلەنگەن شارالار ەڭ الدىمەن اسكەري ورتاداعى سىبايلاس جەمقورلىقتىڭ الدىن الۋعا باعىتتالادى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار