قوعام • 22 اقپان، 2020

قورداي تۇرعىندارى تۇيتكىلدى ماسەلەلەردى كوتەردى

354 رەتكورسەتىلدى

جامبىل وبلىستىق پوليتسيا دەپارتامەنتىنىڭ باستىعى، پوليتسيا گەنەرال-مايورى جانات سۇلەيمەنوۆ قورداي اۋدانىندا بولىپ، ازاماتتاردى جەكە سۇراقتارى بويىنشا قابىلدادى. اۋداندا ورىن العان سوڭعى جاعدايلارعا بايلانىستى ءوڭىردىڭ باس پوليتسەيى تۇرعىنداردىڭ ءتۇرلى ماسەلەلەرىن تىڭدادى.

قابىلداۋعا كەلگەن قورداي اۋدانىنىڭ تۇرعىنى الەكساندرا يۆانوۆا جانات سۇلەيمەنوۆتەن جۇرگىزىلىپ جاتقان قىلمىستىق ءىستىڭ تەرگەۋ بارىسى مەن ءمان-جايىن ءتۇسىندىرۋدى سۇرادى. تۇرعىننىڭ ءوتىنىشىن تىڭداعان دەپارتامەنت باستىعى ءىستى جەكە تەكسەرۋگە ۋادە بەردى. سونداي-اق، الاياقتارعا الدانىپ قالعان اۋداننىڭ ءۇش تۇرعىنى دا جەر تەلىمىنە قاتىستى ماسەلە بويىنشا قابىلداۋعا كەلدى.

جالپى، قابىلداۋعا تۇرعىندار ءتۇرلى ماسەلەلەر بويىنشا كەلگەن. ماسانچي اۋىلىندا ورنالاسقان ءدارىحانا يەسى ارايلىم المەنوۆا قوردايداعى قاقتىعىس كەزىندە ءورت سالدارىنان كاسىبىمەن بىرگە جەكە باسىن كۋالاندىراتىن بارلىق قۇجاتتارىنىڭ دا جويىلىپ كەتكەنىن ايتىپ، كومەك سۇرادى. بۇل ماسەلە بويىنشا «ءبىز ءوز قۇزىرەتىمىزدە جانە زاڭ شەڭبەرىندە قاجەتتى كومەكتەردى كورسەتەتىن بولامىز»، دەدى جانات سۇلەيمەنوۆ.

 ايتا كەتەيىك، اعىمداعى جىلدىڭ 8 جانە 20 اقپان كۇندەرى ارالىعىندا جامبىل وبلىسى پوليتسيا دەپارتامەنتى كوشى-قون قىزمەتى باسقارماسىنىڭ قىزمەتكەرلەرى 57 جەكە كۋالىكتى قالپىنا كەلتىرگەن. سونىمەن قاتار، دەپارتامەنت باستىعىنا بىرقاتار ازامات ءىشكى ىستەر ورگاندارىنا جۇمىسقا ورنالاسۋ بويىنشا ساۋال قويدى. بۇل بويىنشا جانات سۇلەيمەنوۆ ءوتىنىش جازىپ، قاجەتتى قۇجاتتاردى جيناۋى كەرەكتىگىن ءتۇسىندىرءدى. سونداي-اق، قورداي اۋدانىنىڭ كەيبىر تۇرعىندارى اۋداندىق پوليتسيا ءبولىمىنىڭ قىزمەتكەرلەرىنە قاتىستى شاعىمداندى. اتالعان ماسەلە بويىنشا ءوڭىردىڭ باس پوليتسەيى جەكە تەكسەرۋ جۇمىستارىن جۇرگىزەتىنىن ايتتى. قابىلداۋ بارىسىندا تۇرعىندارعا قاجەتتى جان-جاقتى قۇقىقتىق كەڭەستەر بەرىلىپ، بارلىق ءوتىنىشتەر پوليتسيا دەپارتامەنتى باستىعىنىڭ قاتاڭ باقىلاۋىنا الىندى.

 

جامبىل وبلىسى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار