ۇكىمەت • 22 اقپان، 2020

قازاقستان ۇكىمەتى مەن دۇنيەجۇزىلىك بانك تىكەلەي شەتەلدىك ينۆەستيتسيالاردى تارتۋ ماسەلەلەرىن تالقىلادى

19 رەتكورسەتىلدى

پرەمەر-مينيستر اسقار مامين دۇنيەجۇزىلىك بانك پەن قازاقستان رەسپۋبليكاسىنىڭ ۇكىمەتىنىڭ تىكەلەي شەتەلدىك ينۆەستيتسيالاردى تارتۋ ماسەلەلەرى تۋرالى پىكىرتالاس سەسسياسىنا قاتىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

«1992 جىلدان بەرى دۇنيەجۇزىلىك بانكپەن بىرلەسىپ ءبىز قارجى، ينفراقۇرىلىم، ەنەرگەتيكا، شاعىن جانە ورتا بيزنەس سالالارىندا جالپى سوماسى $8 ملرد جۋىق بولاتىن 47 جوبانى، سونداي-اق $40 ملن-عا 250-دەن اسا تەحنيكالىق كومەك جوباسىن ءساتتى ىسكە اسىردىق، بۇل قازاقستاندىقتاردىڭ ءومىر ءسۇرۋ ساپاسىن جاقسارتۋعا، سونداي-اق قازاقستاننىڭ جەكەمەنشىك جانە مەملەكەتتىك سەكتورلارىندا جاڭا مۇمكىندىكتەردى اشۋعا ىقپال ەتتى»، - دەدى ا. مامين.

ۇكىمەت باسشىسى 2019 جىلدىڭ قورىتىندىسى بويىنشا قازاقستاننىڭ ءجىو 4،5%-عا وسكەنىن اتاپ ءوتتى، تارتىلعان شەتەلدىك ينۆەستيتسيالار كولەمى $25 ملرد-تان استى، ال شەتەلدەرمەن ساۋدا اينالىمى $96 ملرد-قا جەتتى. دۇنيەجۇزىلىك بانكتىڭ «Doing Business» رەيتينگىندە بيزنەستى جۇرگىزۋ جەڭىلدىگى بويىنشا قازاقستان 28-ءشى ورىننان 25-ءشى ورىنعا كوتەرىلدى.

ء«بىزدىڭ باسىمدىعىمىز  - وسى ترەندتى ساقتاۋ جانە كۇشەيتۋ. وسى ماقساتتا ءبىز كۇش-جىگەرىمىزدى شەتەلدىك ينۆەستيتسيالار مەن وزىق تەحنولوگيالاردى تارتۋعا شوعىرلاندىرىلاتىن بولامىز. ءبىزدىڭ ستراتەگيالىق مىندەتىمىز - نەگىزگى كاپيتالعا ينۆەستيتسيالار كولەمىن كەمىندە ءجىو-گە شاققاندا 30%-عا دەيىن جەتكىزۋ، بۇل ەنەرگەتيكا، كولىك، ينفراقۇرىلىم، اۋىل شارۋاشىلىعى، تۋريزم جانە باسقا دا سالالاردا قوسىلعان قۇندى قالىپتاستىرۋدى ارتتىرۋعا مۇمكىندىك بەرەدى»، - دەدى ا. مامين.

كەزدەسۋگە قاتىسۋشىلار تىكەلەي شەتەلدىك ينۆەستيتسيالار اعىمىنا ىقپال ەتەتىن مودەلدەر مەن فاكتورلاردى، قازاقستاننىڭ ينۆەستيتسيالىق ساياساتىن كۇشەيتۋ بويىنشا مىندەتتەردى، قۇقىقتىق رەتتەۋ ماسەلەلەرىن، سونداي-اق جەكەشەلەندىرۋ مەن مەملەكەتتىك-جەكەشەلىك ارىپتەستىك الەۋەتىن قاراستىردى.  

پىكىرتالاس سەسسياسىنا ۇكىمەت مۇشەلەرى، ۇلتتىق حولدينگتەر مەن دامۋ ينستيتۋتتارنىڭ باسشىلارى، سونداي-اق ينۆەستيتسيالار تارتۋ سالاسىنداعى جەتەكشى ساراپشىلار - دۇنيەجۇزىلىك بانكتىڭ ورتالىق ازيا بويىنشا ايماقتىق ديرەكتورى ل. بۋرۋنچۋك، «Czechinvest» ستراتەگيالىق جوبالاردى باسقارۋ ديرەكتورى ۆ. زايتسوۆا، شەتەلدىك ينۆەستيتسيالاردى تارتۋ جونىندەگى يرلانديا اگەنتتىگىنىڭ (IDA) باسقارۋشى قۇرامىنىڭ بۇرىنعى مۇشەسى د. بەننەت، دۇنيەجۇزىلىك بانك ساراپشىلارى ۆب ح. يەدليچكا، پ. كوررەا جانە باسقالارى قاتىستى.

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار