قوعام • 22 اقپان، 2020

اكىم جانە الەۋمەت: كوپتىڭ ماسەلەسى قالاي شەشىمىن تابادى؟

42 رەتكورسەتىلدى

بۇگىندە وڭىرلەردى دامىتۋ جۇمىستارى جوعارى دەڭگەيدە جۇرگىزىلۋدە. سونىمەن قاتار، كءوپتىڭ كوكەيىندە جۇرگەن ماسەلە دە كوپ. ال، بۇل ماسەلەلەر قالاي شەشىمىن تابادى؟ جامبىل وبلىسىنىڭ اكىمى بەردىبەك ساپارباەۆ اۋىلدىق جەرلەردىڭ الەۋمەتتىك-ەكونوميكالىق احۋالىن بارلاۋ ماقساتىنداعى جۇمىس ساپارىن جامبىل اۋدانىنان باستادى.

قازىرگى كەزدە جالپاقتوبە اۋىلىندا 10 مىڭنان استام تۇرعىن بار. بۇل اۋىلدا ء«شارىپوۆ» شارۋا قوجالىعىنىڭ باسشىسى فاحريددين ءشارىپوۆ 270 گەكتارعا پياز، كارتوپ، ءسابىز، قانت قىزىلشاسىن ەگەدى. اكىم اتالعان شارۋاقوجالىقتىڭ سىيىمدىلىعى 1200 توننا بولاتىن كوكونىس ساقتاۋ قويماسىمەن تانىستى. سونداي-اق، شارۋاشىلىقتىڭ 16 تراكتورى، باسقا دا قوسالقى تەحنيكالارى مەن ليزينگكە ساتىپ الىنعان قىزىلشا جيناۋ كەشەندەرى بار ەكەن. الايدا، شەشىلمەي وتىرعان ماسەلەلەر دە بار. ماسەلەن، شارۋا قانت قىزىلشاسىن العان قانت زاۋىتتارىنىڭ ءبىرى وزىنە 25 ميلليون تەڭگە قارىز ەكەندىگىن ايتتى. بەردىبەك ساپارباەۆ بۇل ماسەلەدەن حاباردار ەكەندىگىن، ءتاتتى ءتۇبىر ەگۋمەن اينالىسىپ وتىرعان شارۋالارمەن كەزدەسىپ، وڭىردە قالىپتاسقان جاعدايدى جانە ودان شىعۋ جولدارىن تالقىلايتىنىن جەتكىزدى.

بەردىبەك ساپارباەۆ ۆ.چكالوۆ اتىنداعى مەكتەپتە كوپشىلىكپەن كەزدەستى.   تۇرعىندار اۋىلداعى شارۋاشىلىقتى دامىتۋ، جەكە تۇرعىن ءۇي قۇرىلىسىن جۇرگىزۋ ءۇشىن تۋىنداپ وتىرعان جەر تاپشىلىعى ماسەلەلەرءىن كوتەردى. سونىمەن قاتار، اۋىلدىقتار مادەنيەت ءۇيى كەرەك دەگەن تىلەكتەرىن دە ءبىلدىردى. «جەر قورىنا تالداۋ جۇرگىزەمىز، پايدالانىلماي جاتقان جەرلەردى مەملەكەت مەنشىگىنە قايتارىپ، ناقتى جۇمىس ىستەگىسى كەلەتىندەرگە بەرەتىن بولامىز.  جالپى، وبلىس بويىنشا اعىمداعى جىلى وسىنداي 70 مىڭ گەكتار جەردى مەملەكەتكە قايتارۋدى جوسپارلاپ وتىرمىز»، دەدى بەردىبەك ساپارباەۆ. سونداي-اق، تۇرعىندارمەن وتكەن كەزدەسۋدە اكىم حالىق بىرلىگىن كوزدىڭ قاراشىعىنداي ساقتاۋ كەرەكتىگىن ايتتى. اۋداندىق ارداگەرلەر كەڭەسىءنىڭ توراعاسى مايفەي ءابدىحاليل بۇل ويدى قۋاتتاسا، وبلىستىق قازاقستان حالقى اسسامبلەياسىنىڭ مۇشەسى رۋسلان يسمازوۆ اۋىل تۇرعىندارىن قازاق ءتىلىن بەلسەندءى مەڭگەرۋگە شاقىردى.

بەردىبەك ساپارباەۆ «Super-pharm» ءبىر رەتتىك مەديتسينالىق بۇيىمداردى ءوندىرۋ زاۋىتىندا بولدى. كاسىپورىن مەديتسينالىق حالات، بينت، ءبىر رەتتىك باحيلدەر، مەديتسينالىق بەتپەردەلەر، توسەنىش سياقتى 300-گە جۋىق ءونىم تۇرلەرىن شىعارادى. الايدا، «Super-pharm» جشس ديرەكتورى قايرات قايمولداەۆ دوللار باعامى مەن ينفلياتسيانىڭ ءوسۋىن ەسكەرە وتىرىپ، ءونىمنىڭ باعاسىن كوتەرۋ، دەنساۋلىق ساقتاۋ سالاسىنداعى ۋاكىلەتتى ورگاننىڭ زاۋىت ءونىمىنە شەكتى باعانى بەكىتۋگە قاتىستى قولداۋعا ءزارۋ ەكەندىگىن ءبىلدىردى.

اسا اۋىلىندا ورنالاسقان «امانگەلدى گوز» جشس تاراز فيليالى مۇناي وندەۋ زاۋىتىنىڭ ديرەكتورى ورالباي يساقاەۆ كاسىپورىن 18 ءونىم ءتۇرىن، ونىڭ ىشىندە ءۇش ماركالى بەنزين مەن مازۋت، ءتورت ديزەل وتىنى مەن اۆياكەروسين شىعاراتىنىن اتاپ ءوتتى. الايدا، شيكىزات تاپشىلىعىنان زاۋىت قولدا بار قۋاتتىڭ 10 پايىزىمەن عانا  جۇمىس ىستەۋگە ءماجبۇر بولىپ وتىر. زاۋىتقا ايىنا 15 مىڭ توننا مۇناي قاجەت، بىراق گاز وڭدەۋ كاسىپورنى شيكىزاتتى جەڭىلدەتىلگەن باعامەن ساتىپ الا الاتىندار تىزىمىنە ەنگىزىلمەگەن. سونداي-اق، ەكسپورتقا رۇقساتتىڭ بولماۋى دا زاۋىتتىڭ جۇمىسىنا كەدەرگى كەلتىرۋدە ەكەن. بەردىبەك ساپارباەۆ قالىپتاسقانجاعدايدى شەشۋ جولدارىن قاراستىرۋ ءۇشىن جاۋاپتى تۇلعالارعا ناقتى تاپسىرمالار جۇكتەدى. بەردىبەك ساپارباەۆتىڭ اۋدانداعى جۇمىس ساپارى م.تولەباەۆ اتىنداعى ءونەر مەكتەبىندە قورىتىندىلاندى. اكتيۆ جيىنىندا جامبىل اۋدانىنىڭ اكىمى ساكەن ارۋباەۆ الداعى جوسپارلار تۋرالى باياندادى. ال، بەردىبەك ساپارباەۆ اۋداننىڭ الەۋەتى، ادامي كاپيتالى مەن تابيعي رەسۋرستارى وبلىس بويىنشا الدىڭعى قاتاردان كورىنۋگە زور مۇمكىندىك بەرەتىنىن اتاپ ءوتتى.

بەردىبەك ساپارباەۆ ت.رىسقۇلوۆ اۋدانىندا دا بولىپ، قۇلاندىق كوپشىلىكپەن كەزدەستى. اۋەلى قۇمارىق اۋىلىنداعى بولتاي باتىر ورتا مەكتەبىنە باردى. اۋدان اكىمىنىڭ ورىنباسارى بەيسەنبەك الپەيىسوۆ اۋدانداعى ءبىلىم بەرۋ سالاسىنىڭ جاي-كۇيىن باياندادى. الايدا، بولتاي باتىر اتىنداعى مەكتەپ سالىنعان 1991 جىلدان بەرى قاراي جوندەۋ كورمەگەن. بەردىبەك ساپارباەۆ توعىز جولدىڭ تورابىندا ورنالاسقان اۋىل مەكتەبىن كۇردەلى جوندەۋدەن وتكىزۋ ماسەلەسىن قاراستىراتىنىن ايتتى. سونداي-اق، بەيسەنبەك الپەيىسوۆ اۋدان ورتالىعى قۇلان اۋىلىنداعى مەكتەپتىڭ ورىن تاپشىلىعى تۋرالى اڭگىمەلەدى. 730 ورىندىق مەكتەپتە قازىر 1600 بالا وقيدى ەكەن. ال، اۋىلدىق مادەنيەت ۇيىندە اكىممەن كەزدەسكەن جۇرتشىلىق وزدەرىن مازالاپ ءجۇرگەن ءبىراز ماسەلەلەردى جەتكىزدى. قۇمارىق اۋىلىنىڭ تۇرعىنى مامىت راحيموۆ بالاباقشا قاجەتتىلىگىن ايتسا، اعايىندى مارات، جاندوس جازىقوۆتار اۋىلدا مال جاياتىن جەردىڭ جوق ەكەنىن، ءبارىنىڭ جەكەشەلەنىپ كەتكەنىن جانە 33 ادامنىڭ جەر ۇلەسىنىڭ جوق ەكەنىن ايتتى. بەردىبەك ساپارباەۆ پايدالانىلماي جاتقان جەرلەردىڭ مەملەكەت مەنشىگىنە قايتارىلاتىنىن جەتكىزدى. «ەشكىمنىڭ اكەسىنىڭ تاستاپ كەتكەن جەرى جوق. جەردى ءتيىمدى پايدالانۋ كەرەك. بولماسا قايتارۋ كەرەك»، دەدى اكىم.

1

بەردىبەك ساپارباەۆ قۇمارىق، كوكدونەن جانە قۇلان اۋىلدارىنا بارعاندا دا نەگىزىنەن كوپتىڭ تىلەگى جەر، باسپانا، كوگىلدىر وتىن، اۋىزسۋ ماسەلەلەرى تۋرالى بولدى. اۋدان اكىمى ەربولات سادىرقۇلوۆ تا «اۋدان ءۇشىن تۇرعىن ءۇي ماسەلەسى وزەكتى. اۋداندا وسى ۋاقىتقا دەيىن تۇرعىن ءۇي قۇرىلىسى جۇرگىزىلمەگەن. ايىنا ەكى رەت تۇرعىنداردى قابىلدايمىن. مەن ءۇشىن ەڭ اۋىر سۇراق وسى باسپانا ماسەلەسى»، دەدى. بۇدان كەيىن ءراحمانالى ءابدىحادىروۆ جاڭاتۇرمىس، قاراقىستاق اۋىلدارىندا گاز تارتىلا باستاپ، كەيىننەن توقتاپ قالعانىن ايتسا، كوپبالالى انا جاۋھار جۇماتاەۆا مۇمكىندىگى شەكتەۋلى ءبىر بالاسىنىڭ بار ەكەنىن ايتىپ، وبلىس اكىمىنەن تۇرعىن ءۇي الىپ بەرۋگە كومەك سۇرادى. سونىمەن قاتار، ۇمبەت ءجانادىلوۆ قاراقات اۋىلىندا ون جىلدان بەرى اۋىزسۋ جوق ەكەنىن جەتكىزسە، كوپبالالى انا، كاسىپكەر ساۋلە قابىلبەكقىزى قۇلان اۋىلىنداعى ءاليحان بوكەيحانوۆ اتىنداعى مەكتەپتىڭ دەنە تاربيەسى ءپانى مۇعالىمىنىڭ تارتىپسىزدىگى تۋرالى، جالپى، اۋداندىق قۇقىق قورعاۋ ورگاندارىنىڭ جۇمىسىنىڭ تومەن ەكەنىن اكىمگە جەتكىزىپ، ولارعا ءتيىستى شارا قولدانۋدى سۇرادى. ءوز سوزىندە بەردىبەك ساپارباەۆ جەر، تۇرعىن ءۇي سياقتى حالىق تاراپىنان قويىلعان بارلىق سۇراقتارعا جاۋاپ بەرىپ، ماسەلەلەردىڭ بارلىعى دا زاڭ اياسىندا، ۋاقىتىمەن شەشىلەتىنىن جەتكىزدى.

 

جامبىل وبلىسى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار