ايماقتار • 21 اقپان، 2020

«سامۇرىق-قازىنا» سولتۇستىكپەن تىعىز ىنتىماقتاسادى

25 رەتكورسەتىلدى

كەشە پەتروپاۆل قالاسىنا «سامۇرىق-قازىنا» ۇاق» اق باسقارما توراعاسى احمەتجان ەسىموۆ جۇمىس ساپارىمەن كەلدى. وبلىس اكىمى قۇمار اقساقالوۆتىڭ الىپ جۇرۋىمەن ول الدىمەن «پزتم» اق جانە «كيروۆ اتىنداعى زاۋىت» اق جۇمىستارىمەن تانىستى.

سودان كەيىن ا.ەسىموۆ وبلىس اكىمدىگىنە كەلىپ، سالا باسشىلارى مەن بيزنەس بەلسەندىلەرى، باق وكىلدەرىنىڭ الدىندا  «سامۇرىق-قازىنا» ۇاق» اق مەن سولتۇستىك قازاقستان وبلىسىنىڭ ىنتىماقتاستىعى تۋرالى مەموراندۋمعا وبلىس اكىمى ق.اقساقالوۆپەن قول قويدى. تاراپتار وڭىردە جاڭا وندىرىستەردى اشۋدى ىنتالاندىرۋعا جانە الەۋمەتتىك-ەكونوميكالىق ىنتىماقتاستىقتى دامىتۋعا كەلىستى.

«سامۇرىق-قازىنا» اق  باسشىسى احمەتجان ەسىموۆ قور اسىرەسە، يمپورت الماستىرۋ باعدارلاماسى مەن «وففتەيك-شارتتار»  مەحانيزمى اياسىندا جاڭا وندىرىستەر قۇرۋدى قاراستىراتىن جوبالارعا كومەك كورسەتۋگە دايىن ەكەنىن اتاپ ءوتتى. «2018 جىلى ءبىز قوردىڭ ساتىپ الۋ جۇيەسىن جەتىلدىرۋ بويىنشا اۋقىمدى جۇمىستاردى باستاپ، وتاندىق تاۋار وندىرۋشىلەردى قولداۋدىڭ باسىمدىلىعىن اتاپ وتتىك. ناتيجەسىندە حولدينگ ىشىندەگى ساتىپ الۋ 25 ەسە قىسقاردى جانە 630 ملرد تەڭگەدەن استام قاراجات باسەكەلەس ورتاعا شىعارىلىپ، وتاندىق كاسىپكەرلەرگە بەرىلدى. وسى باسەكەلەستىك ورتانى قۇرۋ ارقىلى 36 ميللياردتان استام تەڭگە ۇنەمدەلدى»، - دەدى احمەتجان ەسىموۆ.

ايتا كەتەتىن بولساق، «وففتەيك-شارتتار» وندىرىلۋگە جوسپارلانعان ونىمگە الدىن الا تولەم جاساۋ ارقىلى ۇزاق مەرزىمدى تاپسىرىسقا كەپىلدىك بەرەدى. باستى شارت – ەلىمىزدە بۇرىن مۇنداي ءونىم ءوندىرىسىنىڭ بولماۋى جانە وعان قور كومپانيالارىنا ولاردىڭ قاجەتتىلىگى. 

سونداي-اق ا.ەسىموۆ قازىرگى ۋاقىتتا قور يمپورت الماستىرۋ باعدارلاماسى اياسىندا ەلىمىزدە جاڭا وندىرىستەر قۇرۋ بويىنشا 27 جوبانى ماقۇلداعانىن جانە وسى جوبالاردى ىسكە اسىرۋعا سالىنعان ينۆەستيتسيانىڭ جالپى كولەمى 215 ملرد تەڭگەدەن اسىپ، ول 1600-دەن استام جاڭا جۇمىس ورنىن اشاتىنىن جەتكىزدى. ماقۇلدانعان جوبالاردىڭ قاتارىندا سولتۇستىك قازاقستاننىڭ –  «پزتم» اق جانە «س.كيروۆ اتىنداعى زاۋىت» اق سياقتى ەكى كاسىپورىنىڭ ونىمدەرى بارى ايتىلدى. قوردىڭ پورتفەلدىك كومپانيالارى وسى زاۋىتتارمەن 8،5 ملرد تەڭگەدەن استام سومانىڭ شارتتارىنا قول قويعان. سونىڭ ىشىندە «پزتم» اق-مەن ارنايى تەحنيكانى جەتكىزۋ ءۇشىن 2،3 ملرد تەڭگە، جانە «كيروۆ اتىنداعى زاۋىت» اق  6،2 ملرد تەڭگەنىڭ كەلىسىمىنە قول قويىلدى.

سولتۇستىك قازاقستان وبلىسىنىڭ اكىمى قۇمار اقساقالوۆ بۇل ەكى زاۋىتپەن عانا ەمەس وڭىردەگى ىنتىماقتاستىق بويىنشا قورمەن قول قويىلعان بارلىق قۇجاتتاردىڭ وبلىس ەكونوميكاسىن دامىتۋداعى ماڭىزدىلىعىن اتاپ ءوتتى. «بۇگىن ءبىز «سامۇرىق-قازىنا» اق ءوڭىردى دامىتۋ بويىنشا بىرقاتار جۇيەلى شارالار بەلگىلەنگەن مەموراندۋمعا قول قويىپ وتىرمىز. قوردىڭ قولداۋىمەن ءۋاليحانوۆ سياقتى شالعاي اۋدانداردىڭ بىرىندە ۇيالى بايلانىس قىزمەتى دە كەڭەيتىلەدى»،- دەدى ول.

مەموراندۋم اياسىندا قور سولتۇستىك قازاقستان وبلىسىنىڭ تكش-سىن اۆتوماتتاندىرۋ، قالا قاۋىپسىزدىگىنىڭ مونيتورينگىن قامتاماسىز ەتۋ، 2020-2021 جىلدارى GSM جانە LTE ستاندارتتارىنىڭ 25 بازالىق ستانتسياسىن ىسكە قوسۋ سياقتى پەتروپاۆلدى «اقىلدى» قالالار قاتارىنا قوساتىن جوبالاردى دامىتىلاتىنى بەلگىلى بولدى.  

بۇلاردان باسقا الەۋمەتتىك سالادا دا بىرقاتار بىرلەسكەن جوبالار ىسكە اسىرىلادى. اتاپ ايتقاندا ولار – بالالاردى وڭالتۋ ورتالىعىن قۇرال-جاراقتارمەن جابدىقتاۋ، مەديتسينالىق پوەزدىڭ شالعاي ستانتسيالارعا تەگىن نەگىزدە قاتىناۋى، امبەباپ سپورت ويىنى الاڭدارىن سالۋ جانە ت.ب.

ال شاعىن جانە ورتا بيزنەستى دامىتۋ باعىتىندا 2020 جىلعا پوشتا جەلىسى مەن ەلەكتروندىق ساۋدانى كەڭەيتۋ بويىنشا 10 سەرىكتەستىك پوشتا بايلانىس بولىمشەسىن اشۋ جانە شوب كاسىپكەرلەرى ءۇشىن ەلەكتروندىق ساۋدا نەگىزدەرى بويىنشا سەمينارلار وتكىزۋ جوسپارلانعان.  

ءسويتىپ، «سامۇرىق-قازىنا» ۇاق سولتۇستىك قازاقستاننىڭ دامۋىنا ءوزىنىڭ مول ۇلەسىن قوسپاقشى. بۇل وبلىس تۇرعىندارىنىڭ كوڭىل-كۇيىن ارتتىرعان شەشىمدەر بولدى.

انىقتاما ءۇشىن ايتا كەتەتىن بولساق،  «سامۇرىق-قازىنا» ۇلتتىق ءال-اۋقات قورى» اق قازاقستان رەسپۋبليكاسىنىڭ ۇكىمەتى جالعىز اكتسيونەرى بولىپ تابىلاتىن قور. ول 2008 جىلى پرەزيدەنت جارلىعىمەن قۇرىلعان جانە ول ينۆەستيتسيالىق حولدينگ بولىپ سانالادى. ونىڭ ميسسياسى - قازاقستان رەسپۋبليكاسىنىڭ ۇلتتىق ءال-اۋقاتىن كوتەرۋ جانە ۇلتتىق ەكونوميكانى جاڭعىرتۋعا قولداۋ كورسەتۋ. قوردىڭ اكتيۆى 67 ملرد اقش دوللارى شاماسىندا. ونىڭ كومپانيالارىنىڭ قاتارىنا مۇناي-گاز، كولىك-لوگيستيكالىق سەكتورلاردىڭ، حيميا جانە اتوم ونەركاسىبى، تاۋ-كەن مەتاللۋرگيالىق كەشەننىڭ، ەنەرگەتيكا، ماشينا جاساۋ جانە جىلجىمايتىن م ۇلىك سالالارىنىڭ كاسىپورىندارى ەنەدى.

سولتۇستىك قازاقستان وبلىسى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار