كوشى-قون پوليتسياسى قىزمەتكەرلەرى ۇيىمداستىرعان رەيدتىك ءىس-شارالار بارىسىندا قازاقستاندىق زاڭنامانىڭ ءار ءتۇرلى بۇزۋشىلىقتارى ءۇشىن 320 شەتەلدىك اكىمشىلىك جاۋاپكەرشىلىككە تارتىلدى.
ماڭعىستاۋ وبلىستىق پد كقب قۇقىق بۇزۋشىلاردان 960 033 تەڭگە ءوندىرىپ الىندى, بۇل ءوندىرىپ الۋدىڭ 100% كورسەتكىشى بولىپ تابىلادى.
اكىمشىلىك قۇقىق بۇزۋشىلىق تۋرالى كودەكسىنە سايكەس 517-بابى, ياعني شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى بويىنشا 252 شەتەلدىك تارتىلدى. اقبتك-ءنىڭ 517-بابى 5-بولىگى بويىنشا 52 ازامات اكىمشىلىك سوتقا جىبەرىلدى.
سونىمەن قاتار اقبتك-ءنىڭ 518-بابىنا سايكەس, ياعني قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن شەتەلدىكتەر مەن ازاماتتىعى جوق ادامداردى قابىلدايتىن جەكە نەمەسە زاڭدى تۇلعالاردىڭ بۇزعانى ءۇشىن 64 ادام تارتىلدى.
ماڭعىستاۋ وبلىستىق كوشى-قون پوليتسياسى باسقارماسى ۇسىنعان تالداۋعا سايكەس, وڭىرگە كەلگەن شەتەلدىكتەردىڭ سانى وتكەن جىلمەن سالىستىرعاندا 69% - عا ازايدى.
بۇل رەتتە پاتەنتتەر بەرۋ جولىمەن شەتەلدىكتەردى زاڭداستىرۋ بويىنشا جۇمىستار بەلسەندى جۇرگىزىلۋدە (جەكە تۇلعالاردان جۇمىسقا رۇقسات بەرۋ), ناتيجەسىندە 8450 شەتەلدىك جاريا ەتىلدى, ونىڭ قورىتىندىسى بويىنشا بيۋدجەتكە 110 981 795 تەڭگەدەن استام قارجى ءتۇستى.
