ايماقتار • 20 اقپان، 2020

جاعا ۇستاتقان جات قىلىق

46 رەتكورسەتىلدى

ەگەر ادام جۇمىسسىز بولىپ نەمەسە جەكە باسىنداعى، وتباسىنداعى، قىزمەتىندەگى ءتۇرلى قيىنشىلىقتاردان كۇيزەلىسكە ءتۇسىپ، وزىنە ءوزى قول جۇمساسا وندايدى دا قوعامعا جات قىلىق سانايمىز. ال قول اياعى بالعاداي، قىزمەتى بار، كۇندەلىكتى ومىردە ازاماتتاردىڭ زاڭدى جولمەن ءجۇرۋىن، ادام ءومىرىنىڭ ساقتالۋىن، قوعامدىق ءتارتىپتىڭ  بۇزىلماۋىن قاداعالايتىن ءتارتىپ ساقشىسى وزىنە ءوزى قول جۇمساعاندىعى شەكتەن شىققان قىلىق ەكەندىگى داۋسىز.

جۋىردا پەتروپاۆل قالاسىندا وسىنداي ورەسكەل جاعداي ورىن الدى. 29 جاستاعى ءتارتىپ ساقشىسى وزىنە-ءوزى قول جۇمساپ، ومىردەن وتكەن. ونىڭ وبلىس ورتالىعىنان 40 شاقىرىم جەردە ورنالاسقان سميرنوۆو سەلوسىنىڭ تۇرعىنى ەكەنى انىقتالدى. پوليتسيا قاتارىندا ىستەپ جۇرگەنىنە ءبىر-اق جىل بولىپتى. ال وزىنە ءوزى قول جۇمساۋ فاكتىسى پەتروپاۆل قالاسىندا جاسالعانىمەن مارقۇم اققايىڭ اۋدانى پولتسيا بولىمىندە قىزمەت ىستەگەن. بۇل تۋرالى پد باس مامانى ءسان جۇماعازينا ايتتى. «قازىر سۋيتسيد جاساۋ بويىنشا وزىندىك قاۋىپسىزدىك باسقارماسى قىزمەتتىك تەكسەرىس جۇرگىزۋدە. تەرگەۋ بارىسى – سولتۇستىك قازاقستان وبلىستىق پد باستىعى، پولكوۆنيك مارات تولەباەۆتىڭ جەكە باقىلاۋىندا»، دەدى ول.

اتالعان فاكتى قىلمىستىق كودەكستىڭ 105-بابى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلگەن ەكەن. قازىر جىگىتتى مۇنداي قادامعا بارۋعا نە يتەرمەلەگەنى انىقتالىپ جاتىر.

باق-قا اقپارات بەرۋشى قىزمەتكەردىڭ وسىناۋ جالاڭ، قۇرعاق فاكتىلەرىنىڭ ار جاعىندا ادامنىڭ قيىن تاعدىرى جاتىر. ۇلى اباي 37-ءشى قاراسوزىندە: «ادام بالاسىن زامان وسىرەدى، كىمدە-كىم جامان بولسا، ونىڭ ءزامانداسىنىڭ بارى ۆينوۆات»، دەگەن عوي. ەندەشە تەپسە تەمىر ۇزەتىن ازاماتتىڭ مۇنداي جاعدايدا دەيىن بارۋىنا قورشاعان ورتانىڭ  ءبارى، سونىڭ ىشىندە قىزمەت ورىنى، باسشىلارى، ءۇي-ورمانى، جورا-جولداستارى – ءبارىنىڭ دە كىناسى بار ەكەندىگى ەسكەرىلسە عوي. «قيىندىققا شىدامادى، ءوزى كىنالى» دەگەن سياقتى ايتىلا-ايتىلا جاۋىر بولعان سوزدەرمەن جابا سالساق، مۇنداي وقيعالار الداعى ۋاقىتتاردا دا ۇزىلمەيدى. سوندىقتان بۇل ءىستىڭ ارتى تەرگەۋدەن باسقا باسقالاردىڭ ءبارى ساباق الاتىنداي ۇلكەن تالقىعا سالىنۋ كەرەكتىگى ءسوزسىز.

پەتروپاۆل

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار