الايدا جۋىردا عانا جاتتىعۋ بارىسىندا GGG جاراقات الىپ قالدى. سول سەبەپتى دە قازاقستاندىق بوكسشىنىڭ كومانداسى ايتۋلى ۇيىم باسشىلارىنا ساۋىردە وتۋگە ءتيىس جەكپە-جەكتى بىرەر ايعا كەيىنگى شەگەرۋ جونىندە ءوتىنىشى ءبىلدىردى. ەگەر IBF قولداسا, وندا قوس مىقتى اراسىنداعى باسەكە مامىر ايىنىڭ سوڭىندا نەمەسە ماۋسىم ايىندا ءوتۋى مۇمكىن.
جالپى كاميل شەرەمەتا دا وسال بوكسشى ەمەس. 30 جاستاعى پولشانىڭ تۋماسى 2012 جىلدان بەرى كاسىپقوي رينگتە كۇش سىناسىپ ءجۇر. سول ارالىقتا 21 كەزدەسۋ وتكىزىپ, بارلىعىندا جەڭىسكە جەتتى. بەس كەزدەسۋدى مەرزىمىنەن بۇرىن اياقتادى. وسى تابىسىنىڭ ارقاسىندا ورتا سالماقتا ەۋروپا چەمپيونى دەگەن اتاققا قول جەتكىزدى. بۇگىنگى تاڭدا پولشا بوكسشىسى WBC پەن WBA نۇسقالارى بويىنشا ۇزدىك ۇشتىكتىڭ قاتارىندا.
