ەكونوميكا • 19 اقپان، 2020

ۆلاستيميل سامەك: بۇۇ 75 جىلدىعىن مەرەكەلەۋدە تسيفرلاندىرۋ مەن جاستاردى تارتۋعا ءمان بەرەدى

28 رەتكورسەتىلدى

سوناۋ 1945 جىلى 24 قازاندا حالىقارالىق بەيبىتشىلىك پەن قاۋىپسىزدىكتى، سونداي-اق مەملەكەتتەر اراسىنداعى ىنتىماقتاستىقتى دامىتۋ ءۇشىن قۇرىلعان بىرىككەن ۇلتتار ۇيىمى بيىل ءوزىنىڭ 75 جىلدىق مەرەيتويىنا اياڭداپ كەلەدى.

سۋرەتتى تۇسىرگەن: مارات جۇنىسبەكوۆ

وسى ايتۋلى وقيعا قارساڭىندا بۇۇ الماتىداعى كەڭسەسىندە قازاقستاندا تىركەلگەن بۇۇ اگەنتتىكتەرىنىڭ باسشىلارى مەن بۇقارالىق اقپارات قۇرالدارىنىڭ وكىلدەرى باس قوستى. جۋرناليستەر بۇۇ-نىڭ قازاقستانداعى اگەنتتىكتەرىنىڭ بيىلعى جوسپارىمەن تانىستى.

قازاقستان رەسپۋبليكاسىنىڭ سىرتقى ىستەر مينيسترلىگىنىڭ الماتى قالاسىنداعى وكىلدىگىنىڭ باسشىسى ەرلان ىسقاقوۆ، قازاقستاندىق مەديا اليانسىنىڭ توراعاسى ارمانجان بايتاسوۆ، بۇۇ-نىڭ قازاقستانداعى جاھاندىق كوممۋنيكاتسيالار دەپارتامەنتىنىڭ وكىلى ۆلاستيميل سامەك، يۋنەسكو-نىڭ قازاقستانداعى كلاستەرلىك بيۋروسىنىڭ ديرەكتورى كريستا پيككات ءسوز العان اتالمىش شارا ارا بۇۇ 75 جىلدىعى مەن بۇۇ-نىڭ قازاقستانداعى ءبىرىنشى وكىلدىگىنىڭ كەڭسەسىنىڭ رەسمي اشىلعان – 1993 جىلدىڭ 17 اقپانىنا سايكەس كەلدى.

ال  ۆلاستيميل سامەك بۇۇ-نىڭ 75 جىلدىعىن مەرەكەلەۋ ەكى باسىمدىققا – تسيفرلاندىرۋ مەن جاستاردى تارتۋعا ارنالعانىن ايتا كەلە: «وزدەرىڭىز بىلەسىزدەر، قازاقستان تسيفرلاندىرۋ سالاسىنداعى جەتەكشى ەلدەردىڭ ءبىرى بولىپ تابىلادى جانە ايماقتاعى ەلدەر مەن حالىقارالىق كومپانيالاردىڭ وكىلەتتى وكىلدەرىن تارتا وتىرىپ، اۋقىمدى ءىس-شارالاردى اتقارىپ وتىر. وسى جىلدىڭ قاڭتار ايىنىڭ سوڭىندا وتكىزىلگەن شارالاردىڭ بىرىنە بۇۇ باس حاتشىسىنىڭ ورىنباسارى فابريتسيو حوحشيلد تا قاتىستى. جاستاردى تارتۋ تاقىرىبى ەل ۇكىمەتىنىڭ كۇن تارتىبىندە دە وزەكتى، ماسەلەن 2019 جىل – «جاستار جىلى»، ال بيىلعى جىل  – «ەرىكتىلەر جىلى» دەپ جاريالاندى. قازاقستان بۇۇ اگەنتتىكتەرىنىڭ جۇمىسىنا بەلسەندى قاتىسادى جانە ەلەۋلى ۇلەس قوسىپ وتىر. ۇيىمنىڭ ايماقتىق ۇيىمدارمەن ديالوگ الاڭدارىنىڭ ءوزارا ءىس-قيمىلىنىڭ دامۋىنا ىقپال ەتەدى جانە بۇۇ-نىڭ نەگىزگى باعدارلامالىق قۇجاتتارىن جۇيەلى تۇردە جۇزەگە اسىرادى» دەدى.

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار