سپورت • 18 اقپان، 2020

اۋىر اتلەتيكا: جۇلدەلەر سانى 12-گە جەتتى

211 رەت كورسەتىلدى

اۋىر اتلەتيكادان تاشكەنتتە ءوتىپ جاتقان جاستار مەن جاسوسپىرىمدەر اراسىنداعى ازيا بىرىنشىلىگىندە قازاقستان قۇراماسى ءوز تابىسىن ەسەلەۋدە.

بۇگىن ءبىز 81 كيلو سالماق دارەجەسىندە ونەر كورسەتكەن ەسەنكەلدى ءساپيدىڭ كۇمىس جانە 89 كيلو سالماقتا كۇش سىناسقان نۇرعيسا ادىلەت ۇلىنىڭ التىن مەدالدى يەلەنگەنى جايىندا جازعان ەدىك. جارىستىڭ كەشكى باعدارلاماسىندا قورجىنىمىز تاعى ءبىر باس جۇلدەمەن تولىقتى.

96 كيلو سالماقتا باق سىناعان زىلتەمىرشىلەردىڭ باسەكەسى ارتەم انتروپوۆتىڭ ايقىن جەڭىسىمەن اياقتالدى. ءوزىنىڭ بارلىق التى مۇمكىندىگىن ۇتىمدى پايدالانعان وتانداسىمىز قوسسايىستىڭ قورىتىندىسى بويىنشا 365 (155+210)، كيلو سالماقتا ەڭسەرىپ، جەڭىس تۇعىرىنىڭ ەڭ بيىك ساتىسىنا كوتەرىلدى. ول كۇمىس مەدالدى يەلەنگەن يران اتلەتى حادجاۆانت افشين تاحەريدەن 16 كيلو ارتىق كوتەردى. ءۇشىنشى ورىندا – سيريالىق الگافەر ەزەددين.

ءسويتىپ، قازاقستاننىڭ اۋىر اتلەتتەرىنىڭ جەڭىپ العان ۇلدەلەر سانى 12-گە جەتتى. سونىڭ جەتەۋى التىن مەدال. ساناۋلى ۋاقىتتان كەيىن تاعى ءبىر جەرلەسىمىز – راقات بەكبولات جارىس جولىنا شىعادى. ول 102 كيلو سالماق دارەجەسى بويىنشا سايىسقا تۇسەدى.

سوڭعى جاڭالىقتار

ۇقساس جاڭالىقتار