سپورت • 18 اقپان، 2020

جەكپە-جەك: شاحمارال جەتپىسوۆ برازيليانىڭ الىبىمەن ايقاسادى

298 رەتكورسەتىلدى

11 ساۋىردە رەسەيدىڭ استاناسى – ماسكەۋ قالاسىندا Fight Nights Global كومپانياسىنىڭ ۇيىمداستىرۋىمەن ەرەجەسىز جەكپە-جەكتەن حالىقارالىق تۋرنير وتەدى.   

ايتۋلى جارىستىڭ باستى ەرەكشەلىگى – قاتىسۋشىلاردىڭ بويى 190 سانتيمەتردەن، سالماعى 120 كيلودان كەم بولماۋعا ءتيىس. وسى الىپتار اراسىنداعى ايقاستا قازاقتىڭ نار تۇلعالى ازاماتى، «الاش پرايد» كلۋبىنىڭ مۇشەسى شاحمارال جەتپىسوۆ ونەر كورسەتەدى. 35 جاستاعى قانداسىمىز جاۋىنگەرلىك سامبومەن اينالىسىپ، بىرقاتار ءدۇبىرلى دودالاردا جەڭىس تۇعىرىنا كوتەرىلدى. الەم بىرىنشىلىگىندە ەكى رەت قولا مەدالدى يەلەندى. ەرەجەسىز جەكپە-جەكتەن دە ءتۇرلى جارىستارعا قاتىسىپ، ءبىرشاما تابىستارعا قول جەتكىزدى. شاحمارالدىڭ بويى – 193 سم.، سالماعى 110 كيلو.

ماسكەۋدەگى تۋرنيردە قانداسىمىز برازيليالىق زۋلۋزينيۋمەن ايقاسادى. 41 جاستاعى سان-لۋيس قالاسىنىڭ تۋماسى ۆالە-تۋدونى جەتىك مەڭگەرگەن. ونىڭ بويى – 201 سم.، سالماعى – 180 كيلو. كەزىندە ونىڭ فەدور ەمەليانەنكو مەن انتونيو رودريگو نوگەيرو سىندى اتتارى اڭىزعا اينالعان ساڭلاقتارمەن جۇدىرىقتاسقانى دا ەسىمىزدە. ايقاس الاڭىندا بارلىعى 23 كەزدەسۋ وتكىزگەن زۋلۋزينيۋ 13 رەت جەڭىسكە جەتتى. 9 رەت ۇتىلىپ، تاعى ءبىر باسەكەنىڭ ناتيجەسى ەسەپكە الىنعان جوق.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار