بوكس • 18 اقپان، 2020

الماتىدا كاسىپقوي بوكس كەشى ءوتتى

266 رەتكورسەتىلدى

الماتىداعى قازاق كولىك جانە كوممۋنيكاتسيا اكادەمياسىندا Tukeshov Boxing Promotions كومپانياسىنىڭ ۇيىمداستىرۋىمەن كاسىپقوي بوكس كەشى ءوتتى.

جارىس باعدارلاماسىنا ساي جەتى جەكپە-جەك ۇيىمداستىرىلدى. سولاردىڭ اراسىنان التى جۇپ كاسىپقوي رينگتەگى وزدەرىنىڭ تۇساۋكەسەر كەزدەسۋلەرىن وتكىزدى. وسى باسەكەلەردە زامانبەك دانابەكوۆ ەرنات كاراتاەۆتى، قاناعات قارتباەۆ اقىلباي ءبايداليدى، نۇربول سۇلتانباي بەكنۇر ابدىراشەۆتى، بەكەت قوجابەكوۆ الديار مانسۇربەكتى جانە ناميك نەفتاليەۆ رۋسيان گورنۋشەۆتى ۇتتى. كاسىپقويلار اراسىندا ءبىراز تاجىريبە جيىپ ۇلگەرگەن بەرىكباي نۇرىمبەتوۆ عالىمجان ديحاننان باسىم ءتۇستى.

سونىمەن قاتار ايەلدەر اراسىندا دا ءبىر جەكپە-جەك ۇيىمداستىرىلدى. قانات التاەۆ پەن داستان سادۋاقاسوۆ سىندى بىلىكتى باپكەرلەردەن ءتالىم-تاربيە العان «MTK Global Kazakhstan» كلۋبىنىڭ مۇشەسى  جانسايا راقىمبەردى گۇلميرا تولەپبەرگەننەن باسىم ءتۇستى.  

- وسىنداي بوكس باسەكەلەرىن ۇيىمداستىرۋداعى ءبىزدىڭ باستى ماقساتىمىز – كاسىپقوي رينگتە العاشقى قادامدارىن جاساپ جۇرگەن جاستارعا جول اشۋ. سولاردىڭ اراسىنان دارىندى جانە جالىندى جىگىتتەردى ىرىكتەپ الىپ، كەلەشەكتە ءدۇبىرلى دودالارعا قوسۋ، – دەيدى Tukeshov Boxing Promotion كومپانياسىنىڭ باسشىسى جالعاس تۇكەشوۆ.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار