قوعام • 18 اقپان، 2020

اۋىلدارعا جوعارى جىلدامدىقتى ءموبيلدى ينتەرنەتتى جۇرگىزۋ كەستەسى قۇرىلدى

31 رەتكورسەتىلدى

تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ سونىمەن قاتار بۇگىنگى كۇنى ەلەكتروندى ساۋدا قارقىندى دامىپ جاتقانىن اتاپ ءوتتى. ول ءۇشىن كەلەسى جۇمىستار جاسالۋدا: ساپالى ينتەرنەتپەن قامتۋ، تسيفرلىق ساۋاتتىلىقتى كوتەرۋ، قولما-قولسىز اقشا تولەمدەردى ارتتىرۋ.  بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

قازىرگى ۋاقىتتا 117 قالا جانە 250 ادامنان استام تۇرعىنى بار 3100-دەن استام اۋىل كەڭ جولاقتى ءموبيلدى ينتەرنەتكە قوسىلعان. جىل سوڭىنا دەيىن تۇرعىندار سانى 250-دەن اساتىن 1000-نان استام اۋىلدى جىلدامدىعى جوعارى ءموبيلدى ينتەرنەتپەن قامتۋ جوسپارلانعان. وسى ورايدا، اۋىلدارعا جوعارى جىلدامدىقتى ءموبيلدى ينتەرنەتتى جۇرگىزۋدىڭ جوسپار-كەستەسى قۇرىلىپ، بارلىق اكىمدىكتەرمەن كەلىسىلدى. 

ا. جۇماعاليەۆ وتكەن اپتادا بايلانىس وپەراتورلارى ءموبيلدى بايلانىس جەلىسىن بىرلەسىپ قۇرۋ تۋرالى مەموراندۋمعا قول قويعانىن حابارلادى. ەلىمىز ءۇشىن ماڭىزى زور جوبانى وپەراتورلار ءوز قاراجاتى ەسەبىنەن ىسكە اسىرادى.

2021-22 جىلدارى 250 ادامنان از تۇرعىنى بار 877 اۋىلدى كەڭ جولاقتى ينتەرنەتكە 3G/4G تەxنولوگياسىمەن جانە قالعان 930 اۋىلدى سپۋتنيكتىك ينتەرنەتكە قوسۋ جوسپاردا بار.

«بۇل جۇمىس xالىقتىڭ تسيفرلىق ساۋاتتىلىعىن ارتتىرۋعا كومەكتەسەدى. بۇل باعىتتا حالىقتى وقىتۋ باعدارلامالارى قايتا قارالدى جانە بەكىتىلدى. سونىمەن قاتار، بازالىق تسيفرلىق داعدىلار، EGOV، OPENGOV، E-COMMERCE، جانە اقپاراتتىق قاۋىپسىزدىك داعدىلارى كۋرستارى وتكىزىلۋدە»، — دەدى ا. جۇماعاليەۆ.

2019 جىلى اكىمدىكتەر تسيفرلىق قۇزىرەتتىلىكتەرگە 532 مىڭ ادامدى وقىتتى. بۇل بيزنەستى دامىتۋعا جانە تۇرعىنداردىڭ ءومىر ءسۇرۋىنىڭ جالپى دەڭگەيىن كوتەرۋگە مۇمكىندىك جاسادى. 

ينتەرنەت جەلىسىنىڭ ۇلعايۋى جانە تسيفرلىق ساۋاتتىلىقتىڭ ارتۋى قولما-قولسىز اقشا تولەمدەرىنىڭ دامۋىنا جول اشتى.

ناتيجەسىندە، قولما-قول اقشاسىز وپەراتسيالار كولەمى 2،3 ەسە ءوسىپ، 14،5 ترلن تەڭگەنى قۇرادى.

سونىمەن قاتار ا. جۇماعاليەۆ تسيفرلىق تەحنولوگيالاردى رەتتەۋ جونىندەگى زاڭ جوباسىندا جەدەل تولەمدەر جۇيەسىن ەنگىزۋ كوزدەلگەنىن ايتتى. ونىڭ ايتۋىنشا، سونىڭ ارقاسىندا قولما-قول اقشاسىز تولەمدەر دەڭگەيى ودان ءارى جوعارى قارقىنمەن ارتادى. كولەڭكەلى ەكونوميكا دەڭگەيى تومەندەيدى. بۇل وتاندىق ءوندىرىستى دامىتۋعا، «قاراپايىم زاتتار ەكونوميكاسىن» قۇرۋعا وڭ اسەرىن تيگىزەدى. اتالعان جۇمىس وتاندىق تاۋار وندىرۋشىلەرگە حالىقارالىق ساۋدا الاڭدارىنا شىعۋعا مۇمكىندىك بەرەدى. ارينە، بۇل ەلىمىزدىڭ ەكونوميكالىق وسىمىنە جاڭا سەرپىن بەرەدى. 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار