قازاقستان • 18 اقپان، 2020

الىس ەلدى مەكەندەرگە گازەت-جۋرنالدار درونمەن جەتكىزىلىپ جاتىر

40 رەتكورسەتىلدى

ساۋدانى دامىتۋدىڭ 2021-2025 جىلدارعا ارنالعان مەملەكەتتىك باعدارلاماسى تۇجىرىمداماسىنىڭ جوباسى ازىرلەندى، ول جول كارتاسىنىڭ شارالارىن جانە ساۋدا جانە ينتەگراتسيا مينيسترلىگى ۇسىنعان شارالاردى كوزدەيدى.  بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

بۇل قازاقستانعا ەكونوميكالىق ءوسۋدىڭ جوعارى الەۋەتىن ۇسىنا وتىرىپ جانە قازاقستاندىق تاۋارلاردى وتكىزۋ گەوگرافياسىن كەڭەيتە وتىرىپ، ەلدەگى ەلەكتروندىق كوممەرتسيانى دامىتۋعا قوسىمشا سەرپىن بەرەدى.

«قازپوشتا» اق باسقارما توراعاسى ساكەن سارسەنوۆ ءوز بايانداماسىندا قازاقستان رەسپۋبليكاسىندا ەلەكتروندىق ساۋدانى دامىتۋدىڭ 2019-2025 جىلدارعا ارنالعان جول كارتاسى شەڭبەرىندە قوعام ەكى تارماق بويىنشا، ياعني 11-تارماق «ەكسپورت مەكتەبى» بازاسىندا «كاسىپكەرلىك سۋبەكتىلەرىنە شەتەل ينتەرنەت-الاڭدارىندا قازاقستاندىق تاۋارلاردى ەكسپورتتاۋدىڭ نەگىزگى داعدىلارىن وقىتۋ» جانە 24-تارماعى بويىنشا «قاجەتتىلىكتەردى ەسكەرە وتىرىپ، قوسىمشا E-commerce ورتالىقتارىن اشۋ» نەگىزگى ورىنداۋشى، سونداي-اق 9-تارماقتى بىرلەسىپ ورىنداۋشى ەكەنىن جەتكىزدى. 

جول كارتاسىنىڭ بارلىق ءىس-شارالارى بەلگىلەنگەن مەرزىمدەردە ورىندالۋدا.

ەلەكتروندىق ساۋدانى دامىتۋ جانە جول كارتاسىن ىسكە اسىرۋ بويىنشا قابىلدانىپ جاتقان شارالار تۋرالى بايانداعان س. سارسەنوۆ قازىرگى تاڭدا قازپوشتا 3 857 بولىمشەدەن تۇراتىنىن، سونىڭ ىشىندە 520-سى فرانچايزينگ مودەلى شەڭبەرىندە ەكەنىن ايتتى. جەلى تۇرعىنداردىڭ 100%-ىن قامتيدى.

قوعام پوشتا ينفراقۇرىلىمىن بەلسەندى دامىتۋدا.

وتكەن جىلى اۆتوماتتاندىرىلعان ىرىكتەۋ جەلىسى 18 ميلليوننان استام پوشتا جونەلتىمىن وڭدەدى. الىس ەلدى مەكەندەرگە گازەتتەر مەن جۋرنالداردى دروندارمەن جەتكىزۋ جالعاسۋدا.

قولجەتىمدىلىكتى دامىتۋ ماقساتىندا كومپانيا سالەمدەمەلەر سۋپەرماركەتى جەلىسىن دامىتۋدا. قازپوشتانىڭ قازىر ەلىمىز بويىنشا 248 سالەمدەمەلەر سۋپەرماركەتى مەن 351 پوشتاماتى جۇمىس ىستەيدى.

بيىل ەلىمىز بويىنشا 2 كۇن ىشىندە 85% پوشتا جونەلتىمىن جەتكىزۋ مۇمكىن بولدى. بۇل پوشتا ينفراقۇرىلىمىن دامىتۋ بويىنشا قابىلدانىپ جاتقان شارالاردىڭ ناتيجەسى. 

ەلەكتروندىق كوممەرتسيا ورتالىقتارى جۇمىستارىن جالعاستىرۋدا. وسى ورتالىقتاردا شاعىن جانە ورتا بيزنەس وكىلدەرىن ينتەرنەت-دۇكەندەردى جاساۋعا، تاۋارلاردى ساتۋعا ۇيرەتەدى. بۇگىنگى تاڭدا ە-كوم ورتالىقتارى نۇر-سۇلتان، الماتى، قاراعاندى جانە شىمكەنت قالالارىندا اشىلعان. 2019 جىلى وسى ورتالىقتاردا 2 400-دەن استام بيزنەس وكىلدەرى وقۋدان ءوتتى. ەكسپورت مەكتەبى شەڭبەرىندە 2 مىڭنان استام شاعىن جانە ورتا بيزنەس وكىلدەرى وقىتتىلدى.

2019 جىلى نۇر-سۇلتان، الماتى جانە اقتوبە قالالارىندا فۋلفيلمەنت ورتالىقتارى اشىلدى. مۇندا ينتەرنەت-دۇكەندەردىڭ يەلەرىنە تاۋارلاردى قابىلداۋ، وڭدەۋ، ساقتاۋ، قاداعالاۋ جانە تۇپكى تۇتىنۋشىعا دەيىن جەتكىزۋ سياقتى قىزمەتتەر كورسەتىلەدى. سونىمەن بىرگە، ينتەرنەت-دۇكەندەر لوگيستيكا، قويمانى جالعا الۋ، پەرسونالعا جۇمسالاتىن شىعىندار جانە باسقا دا شىعىندارىن ۇنەمدەيدى. سونداي-اق سالەمدەمەلەردى جەتكىزۋ مەرزىمى ايتارلىقتاي قىسقارادى. 2019 جىلدىڭ قورىتىندىسى بويىنشا اينالىمداعى تاۋارلار كولەمى 8 ميليوننان استى، سالىستىرمالى تۇردە 2018 جىلى 1،2 ملن بولدى.

«جالپى، ءبىز 2025 جىلعا قاراي قازاقستاننىڭ بارلىق وبلىس ورتالىقتارىن فۋلفيلمەنتپەن قامتاماسىز ەتۋدى جوسپارلايمىز. وسىلايشا، 2020 جىلى نۇر-سۇلتان، الماتى، شىمكەنت، سارىاعاش قالالارىندا 4 ورتالىق اشۋ كوزدەلۋدە»، — دەدى س. سارسەنوۆ.

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار