قازاقستان • 18 اقپان، 2020

بىلتىر ينتەرنەت-دۇكەندەردە ساتىپ الۋ كولەمى 422 ملرد تەڭگەنى قۇرادى

24 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ەلەكتروندىق ساۋدانى دامىتۋ ماسەلەلەرى تۋرالى ساۋدا جانە ينتەگراتسيا ءمينيسترى باقىت سۇلتانوۆ، «قازپوشتا» اق باسقارما توراعاسى ساكەن سارسەنوۆ، تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ باياندادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ساۋدا جانە ينتەگراتسيا ءمينيسترى ب. سۇلتانوۆ بۇگىنگى تاڭدا بۇكىل الەمدە بولشەك ساۋداداعى ەلەكتروندىق كوممەرتسيا نارىعى ءداستۇرلى ساۋدانى ىعىستىرا وتىرىپ، وزىق قارقىنمەن ءوسىپ كەلەتىنىن اتاپ ءوتتى.

2019 جىلدىڭ قورىتىندىسى بويىنشا بولشەك ەلەكتروندىق ساۋدانىڭ الەمدىك كولەمى اۆياتاسىمالعا بيلەتتەر مەن ءىس-شارالارعا بيلەتتەر ساتۋدى ەسەپكە الماعاندا، $3،5 ترلن-نان استى. سوڭعى بىرنەشە جىلدا بۇل كورسەتكىشتىڭ جىلدىق ءوسۋ قارقىنى 20%-دان اسادى. بۇل نارىقتا جالپى ۇلەسى الەمدىك نارىقتىڭ 71،3% قۇرايتىن قىتاي جانە امەريكا قۇراما شتاتتارى كوشباسشىلار بولىپ تابىلادى.

ء«بىز ءىرى ساۋدا ورتالىقتارى ساۋدانىڭ ەلەكتروندىق فورماتىن بەلسەندى تۇردە دامىتىپ وتىرعانىن كورىپ وتىرمىز. سوڭعى 2 جىل ىشىندە اقش-تا 10 مىڭنان استام وففلاين دۇكەندەر جابىلدى»، — دەدى ب. سۇلتانوۆ.

ەلەكتروندىق كوممەرتسيادا ماركەتپلەيس دەگەن قۇرالدارعا سۇرانىس ارتىپ كەلەدى. بۇعان مىسال اlibaba جانە Amazon ەلەكتروندى پلاتفورمالارى، ولار قىتاي مەن اقش ونلاين نارىقتارىنىڭ جارتىسىنا يە.

ەلەكتروندىق ساۋدانىڭ تاعى دا ءبىر ترەندى – بۇل كوبىنە سمارتفوندار ارقىلى ساتىپ الۋ. سمارتفونداردىڭ كومەگىمەن تاپسىرىستاردى راسىمدەۋشى ساتىپ الۋشىلاردىڭ ۇلەسى بۇكىل الەمدە 54%-دى قۇرايدى. قازاقستاندا بۇل كورسەتكىش 65%-عا جاقىندادى.

قازاقستاندا ەلەكتروندىق ساۋدا نارىعىنىڭ كولەمى 2019 جىلى 1،8 ەسەگە ءوسىپ، 700 ملرد تەڭگەدەن استى. ەلەكتروندىق ساۋدانىڭ بولشەك ساۋداداعى ۇلەسى 1%-دىق تارماق قوسىپ، 3،7%-دى قۇرادى. بۇل ايتارلىقتاي ءوسۋ الەۋەتىن كورسەتەدى.

بۇل رەتتە، ىشكى نارىق قارقىندى دامۋدا. قازاقستاندىق ينتەرنەت-دۇكەندەردەن ساتىپ الۋ كولەمى 422 ملرد تەڭگەنى قۇرادى، حالىقارالىق ينتەرنەت-الاڭدارى بويىنشا — 280 ملرد تەڭگە.

ساتىپ الۋلار سانى 40،5 ملن-عا دەيىن ءوستى. بۇل رەتتە ىشكى نارىقتىڭ نەگىزگى ءوسىمى 2،5 ەسەگە اسىپ، 22 ملن دانانى قۇرادى.

2019 جىلى بەلسەندى ساتىپ الۋشىلاردىڭ سانى 72%-عا ارتىپ، 3،2 ملن ادامدى قۇرادى.

قازاقستاندا 2 مىڭنان استام ينتەرنەت-دۇكەن بار. الايدا، تابىس سالىعىن تولەۋدەن بوساتۋ تۇرىندە سالىق جەڭىلدىكتەرىن الۋ ءۇشىن 579 ينتەرنەت-دۇكەن تىركەلگەن.

سوندىقتان، ب. سۇلتانوۆتىڭ ايتۋىنشا، نارىقتىڭ رەتتەۋ راسىمدەرىن قاتاڭداتپاي، وسى سالانىڭ زاڭدى قىزمەتىن ىنتالاندىرۋ بويىنشا شارالار قابىلداۋ ماڭىزدى.

تاۋارلار مەن قىزمەتتەردىڭ اينالىمىنىڭ «اعارۋىن» دالەلدەۋ مىسالى رەتىندە ايتاتىن جايت، 2019 جىلعى قولما-قول اقشاسىز تولەمدەر كولەمى 2،3 ەسەگە ارتىپ، شامامەن 14،4 ترلن تەڭگەنى قۇرادى. بۇل ءوسىم POS-تەرمينالداردىڭ ينفراقۇرىلىمىنىڭ دامۋىنا، قازاقستان نارىعىنا Apple Pay جانە Samsung Pay ەنۋىنە، بانكتەردىڭ كليەنتتەردى بونۋستار مەن كەشبەكتەر ارقىلى ىنتالاندىرۋىنا، سونداي-اق قوعامدىق كولىكتىڭ بارلىق تۇرلەرىندە قولما-قول اقشاسىز تولەمدەردى بەلسەندى قولدانۋعا بايلانىستى.

2019 جىلى ەلەكتروندىق ساۋدادا 36،8 مىڭ جاڭا جۇمىس ورنى اشىلدى.

2019 جىلى ەلەكتروندىق كوممەرتسيانى دامىتۋدىڭ 2019-2025 جىلدارعا ارنالعان جول كارتاسى ازىرلەنىپ، قابىلداندى. بۇل قۇجاتتاعى شارالار 3 باعىت بويىنشا قۇرىلىمدالعان، اتاپ ايتساق: ەلەكتروندىق ساۋدادا ەكسپورتتى ارتتىرۋ، وتاندىق كاسىپكەرلەردى ەلەكتروندىق ساۋداعا تارتۋ جانە ينفراقۇرىلىمدى دامىتۋ، تۇتىنۋشىلاردىڭ قۇقىقتارىن قورعاۋ جانە ەلەكتروندىق ساۋدانى ىلگەرىلەتۋ.

«وتكەن جىلعى جازدا قويىلعان مىندەت ەلەكتروندىق ساۋدا ۇلەسىن 5%-عا دەيىن جەتكىزۋ بولدى. الايدا، ساۋدا جانە ينتەگراتسيا مينيسترلىگى قۇرىلعالى ءبىز تالداۋ جۇرگىزدىك. سونىڭ ناتيجەسىندە ەلەكتروندىق كوممەرتسيا ۇلەسىن 10%-عا دەيىن ارتتىرۋ دەگەن امبيتسيالىق ماقسات قويىلدى. وسىعان بايلانىستى، ءبىز قوسىمشا شارالار قابىلدادىق»، — دەدى ساۋدا جانە ينتەگراتسيا ءمينيسترى. 

بىرىنشىدەن، قازاقستاندىق كومپانيالاردى حالىقارالىق ەلەكتروندىق پلاتفورمالاردا ىلگەرىلەتۋ جونىندەگى شارالار.

«اتامەكەن» ۇلتتىق كاسىپكەرلەر پالاتاسىمەن بىرلەسىپ «ينتەرنەت-ەكسپورتتاۋشى مەكتەبى» باعدارلاماسى ىسكە قوسىلدى. ەلەكتروندىق ساۋدا الاڭدارىندا بيزنەستى جۇرگىزۋدىڭ پراكتيكالىق ادىسىنە 200 قاتىسۋشى وقىتىلدى.

باستاۋشى جانە تاجىريبەلى كاسىپكەرلەرگە ينتەرنەت-پلاتفورمالاردا ىلگەرىلەتۋ بويىنشا تىكەلەي قولداۋ كورسەتىلدى. ماسەلەن، Alibaba حالىقارالىق پلاتفورماسىنا «التىن جەتكىزۋشى» رەتىندە تىركەۋ ءۇشىن 50 كومپانيا ىرىكتەلدى. بۇل پرەميالدى مارتەبە جاھاندىق اۋديتورياعا قولجەتىمدىلىكتى، ماركەتپلەيس ىشىندە كەشەندى ىلگەرىلەتۋ مۇمكىندىگىن قامتاماسىز ەتەدى. 

ەكىنشىدەن، قازاقستانعا حالىقارالىق پلاتفورمالار تارتۋ جونىندە شارالار قابىلداندى.

وتكەن جىلى مينيسترلىك «Wildberries» حالىقارالىق كومپانياسىمەن ينۆەستيتسيالىق جوبانى جۇزەگە اسىرۋ تۋرالى مەموراندۋمعا قول قويدى. ونىڭ نەگىزگى ماقساتى – اتالعان پلاتفورما ارقىلى قازاقستاندىق تاۋارلاردىڭ ەكسپورتىن ارتتىرۋعا مۇمكىندىك بەرەتىن ينفراقۇرىلىمدى قۇرۋ جانە دامىتۋ. Wildberries كومپانياسى استانا حالىقارالىق قارجى ورتالىعىنىڭ قاتىسۋشىسى بولىپ تىركەلدى. بۇگىنگى تاڭدا 21 قازاقستاندىق كومپانيا رەسەي، بەلارۋس، قىرعىزستان جانە ارمەنيا سياقتى باعىتتار بويىنشا وسى پلاتفورماداعى تاۋاردىڭ 594 ءتۇرىن ساتادى.

ۇشىنشىدەن، ەلەكتروندىق ساۋدا نارىعى ەكوجۇيەسىنىڭ ينفراقۇرىلىمىن دامىتۋ جونىندەگى شارالار.

بۇگىنگى تاڭدا نۇر-سۇلتان، الماتى جانە اقتوبە قالالارىندا كۇن سايىن 350 مىڭنان استام پوشتا جونەلتىمدەرىن وڭدەيتىن 3 فۋلفيلمەنت-ورتالىق جۇمىس جاساۋدا. 2025 جىلعا قاراي ولاردىڭ سانى 19-عا دەيىن وسەدى. بۇل پوشتا جونەلتىمدەرى كولەمىن 82،8 ملن داناعا دەيىن ۇلعايتۋعا جانە مىڭنان استام ينتەرنەت-دۇكەندەردىڭ قىزمەتتەرىمەن قامتاماسىز ەتۋگە مۇمكىندىك بەرەدى.

سونىمەن قاتار، تاۋار وتكىزۋ ينفراقۇرىلىمدى قۇرۋ شەڭبەرىندە اگرو-لوگيستيكالىق جانە كوتەرمە-تاراتۋ ورتالىقتارى جەلىسىن تسيفرلاندىرۋ جوسپارلانىپ وتىر. ماسەلەن، ولاردىڭ نەگىزىندە فەرمەرلەر مەن كوتەرمە ساتىپ الۋشىلار ءۇشىن ەلەكتروندىق ساۋدا الاڭدارى قۇرىلادى. اقپاراتتىق جۇيە بىزگە تاۋار اعىندارىن قاداعالاۋعا مۇمكىندىك بەرەدى جانە تەڭدەستىرىلگەن وڭىرارالىق اعىنداردى قامتاماسىز ەتەدى.

تورتىنشىدەن، قازاقستاندىق تسيفرلىق ساۋدا الاڭدارىن قۇرۋدى قولداۋعا باعىتتالعان شارالار.

بۇگىندە نارىقتا شامامەن 13 دامۋشى قازاقستاندىق ساۋدا الاڭى جۇمىس ىستەيدى. Kaspi.kz، flip.kz، chocofamily، mechta.kz باسقا دا ماركەتپلەيستەر تاۋارلار مەن قىزمەتتەردىڭ شامامەن 20 ساناتى بار.

ازىق-ت ۇلىك ساۋداسىن دامىتۋ ماقساتىندا «Onay Bazar» جانە «HappyFood.kz» ەلەكتروندىق پلاتفورمالارىن دامىتۋعا قولداۋ كورسەتىلدى. ولار تۇتىنۋشىعا ۇيدەن شىقپاي-اق تاۋار ساتىپ الۋعا مۇمكىندىك بەرەدى. ماسەلەن، بازارداعى ءسابىز 100 تەڭگەدەن ساتىلسا، Onay Bazarدا 85 تەڭگە عانا تۇرادى.

فەرمەرلەردىڭ وتاندىق ءونىمدى باسەكەگە قابىلەتتى باعامەن ساتۋى ءۇشىن «Agro Labs» پلاتفورماسى ازىرلەنىپ جاتىر.

«جالپى، ساۋدانى تسيفرلاندىرۋ ازىق-ت ۇلىك باعاسىن تومەندەتۋگە، سونداي-اق باعا بەلگىلەۋدى اشىق ەتۋگە مۇمكىندىك بەرەدى دەپ ويلايمىز»، — دەدى ب. سۇلتانوۆ. 

بەسىنشىدەن، قوعامدى ەلەكتروندىق ساۋداعا بەلسەندى قاتىسۋعا تارتۋ.

قوعامدىق ساۋدانى ەلەكتروندىق فورماتقا اۋىستىرۋ، ازىق-ت ۇلىك تاۋارلارىنىڭ باعاسىن باقىلاۋ ماقساتىندا مينيسترلىكتىڭ قولداۋىمەن «BTS Digital» كومپانياسى «PRICE SCANNER» قوسىمشاسىن ازىرلەۋدە. بۇل الەۋمەتتىك ماڭىزدى ءارى ازىق-ت ۇلىك تاۋارلارىنا باعانى مونيتورينگتەۋگە مۇمكىندىك بەرەدى. 

بۇدان باسقا، مينيسترلىك تۇتىنۋشىلاردىڭ قۇقىقتارىن قورعاۋ تۋرالى جاڭا زاڭ جوباسى شەڭبەرىندە ء«بىر تەرەزە» قاعيداتى بويىنشا شاعىمداردى قابىلداۋدىڭ بىرىڭعاي اقپاراتتىق جۇيەسىن قۇرۋ كوزدەپ وتىر. بۇل جۇيە تۇتىنۋشىعا ينتەرنەت ارقىلى شاعىم بەرۋگە جانە ءوزىنىڭ بۇزىلعان قۇقىقتارىن قالپىنا كەلتىرۋگە مۇمكىندىك بەرەدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار