ءورت تۋرالى دابىل تاڭعى ساعات ون جارىم كەزىندە تۇسكەن. جانىپ جاتقان پاتەر كوشۋكوۆ كوشەسىندەگى №7 توعىز قاباتتى ءۇيدىڭ 3 قاباتىنداعى پاتەردەن ەكەنى انىقتالعان. دالاعا سۋماڭداپ جاتقان جالىندى كورگەن قىراعى كورشىلەر دەرەۋ دابىل قاققان ەكەن.
ءورت سوندىرۋگە پەتروپاۆلدىڭ № 1 جانە № 3 ءورت ءسوندىرۋ بولىمدەرىنىڭ قىزمەتكەرلەرى جەتكەندە جالىن ءۇي ءىشىن تەگىس جالماپ, لاپىلداپ جاتقانىن كورەدى. ءورت سوندىرۋگە جانتالاسىپ كىرىسكەن قىزمەتكەرلەر وتتان كورشى پاتەرلەردەگى 8 ادامدى, سونىڭ ىشىندە 2-ءۋى بالا بولعان, باسقىشپەن ءتۇسىرىپ, قۇتقارىپ العان.
الايدا, ءورت جىلدام سوندىرىلگەنىمەن ءۇيدىڭ ىشىنەن 1936 جىلى تۋعان ءۇي يەسى - ايەلدىڭ ءولى دەنەسى تابىلعان. قازىر 84 جاستاعى كەيۋانانىڭ نەدەن قايتىس بولعانى جانە ءورتتىڭ سەبەپتەرى انىقتالۋدا. ءورت سوندىرۋگە بارلىعى 20 شاقتى ادام مەن 6 تەحنيكا تارتىلعان.
ورتتەن پاتەردىڭ بارلىق مۇلكىن وت شالعان, بۇلدىرگەن اۋماعى 18 شارشى مەتردەي. ءۇيدىڭ ءىشىن تەگىس ءتۇتىن شارپىعان.
وسىندايدان امان بولۋ ءۇشىن ارقاشان دا ورتتەن ساق بولۋ كەرەك.
پەتروپاۆل
