ايماقتار • 15 اقپان، 2020

اۋداندىق مۇراجاي جاستار تاربيەسىنە قىزمەت ەتپەك

90 رەتكورسەتىلدى

سولتۇستىك قازاقستان وبلىسىنىڭ شال اقىن اۋدانىندا جاستاردى ىشكى ىستەر قىزمەتىنىڭ تاريحىمەن تانىستىرىپ، ماڭىزىن كورسەتىپ، ەرلىك ىستەردى ۇلگى ەتۋ ماقساتىمەن ۆەدومستۆولىق مۇراجاي اشىلدى.

مۇراجايدىڭ اشىلۋ سالتاناتىنا وسى اۋداننان شىعىپ، ىشكى ىستەر قىزمەتىنىڭ رەسپۋبليكالىق دەڭگەيدەگى باسشىلارىنىڭ ءبىرى بولعان گەنەرال ءالىمجان احمادين قاتىسىپ، ءوزىنىڭ جەكە م ۇلىكتەرىن مۋزەي قورىنا تاپسىردى. «مەن ءتۇرلى لاۋازىمداردا قىزمەت اتقارىپ، ميليتسياعا قىرىق جىلدان استام ءومىرىمدى ارناعان اداممىن. ىشكى ىستەر ءمينيسترىنىڭ ورىنباسارى قىزمەتىنە دەيىن جەتتىم. تۋعان ولكەمە وسىمەن ەكىنشى مارتە الماتى قالاسىنان ات تەرلەتىپ كەلىپ وتىرمىن. مۇراجايعا ەستەلىك بولسىن دەگەن نيەتپەن ءوزىمنىڭ شينەلىمدى، پاپاحامدى، كيتەلىم مەن فۋراجكانى، بىلعارى ەتىگىمدى سىيعا تارتتىم»، - دەدى ول.

سونداي اق مۇراجايعا زاپاستاعى پوليتسيا پولكوۆنيگى ءسابيت ىسقاقوۆ، ميليتسيا ارداگەرى قوبىلان حامزيننىڭ جۇبايى ساقىپ قوسپانقىزى جانە ت.ب. باعالى ەكسپوناتتار تاپسىردى. مۇراجايدىڭ اشىلۋىمەن جينالعانداردى اۋدان اكىمى نۇرلان ەسىموۆ، وبلىستىق پوليتسيا دەپارتامەنتى باستىعىنىڭ ورىنباسارى، پولكوۆنيك قانات ايتباەۆ، اۋداندىق پوليتسيا ءبولىمىنىڭ باستىعى، پودپولكوۆنيك قابيدوللا نۇراحمەتوۆ جانە ت.ب. قۇتتىقتادى.

بۇل – وبلىس اۋداندارى پوليتسيا بولىمدەرىندە اشىلىپ وتىرعان بەسىنشى مۇراجاي ەكەن بۇل تۋرالى ءوزىنىڭ سوزىندە قانات ايتباەۆ اتاپ ءوتتى. «وسىنداي يگى ءداستۇردى باسقا اۋدانداردا دا جالعاستىرماقپىز»، - دەدى ول.

جاڭا مۇراجايعا قىزمەتتىك مىندەتتەرىن اتقارۋ كەزىندە قازا تاپقان، ۇلى وتان سوعىسىنا، اۋعان سوعىسىنا قاتىسقان قىزمەتكەرلەر، ءبولىم باسشىلارى، قىزمەت بابىندا ەرلىگىمەن ەرەكشەلەنگەن ساقشىلار تۋرالى ارنايى ەكسپوزيتسيالار قويىلعان.

سولتۇستىك قازاقستان وبلىسى

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار