قوعام • 15 اقپان، 2020

136 ءتارتىپ بۇزعان قارۋ يەلەرى انىقتالدى

156 رەتكورسەتىلدى

سولتۇستىك-قازاقستان وبلىسىندا قارۋ يەلەرىنىڭ اراسىندا 136 ءتارتىپ بۇزۋشىلىق انىقتالدى، – دەپ حابارلايدى Polisia.kz.

سولتۇستىك قازاقستان وبلىسى ءىىد اكىمشىلىك پوليتسيا باسقارماسىندا “قارۋ” اتتى وبلىستىق جەدەل-پروفيلاكتيكالىق ءىس-شاراسىنىڭ قورىتىندىسى شىعارىلدى. بەس كۇن ىشىندە اكىمشىلىك پوليتسيا مەن جەرگىلىكتى پوليتسيا قىزمەتكەرلەرى قارۋ يەلەرىن تەكسەرىپ، باستى نازاردا – قارۋدى ساقتاۋ، الىپ ءجۇرۋ جانە ۋاقىتىلى قايتا تىركەۋ ەرەجەلەرىن ساقتاۋ سياقتى قاعيدالار تەكسەرىلدى.

اكىمشىلىك پوليتسيا باسقارماسىنىڭ باستىعى، پوليتسيا پودپولكوۆنيگى جاسۇلان وماروۆتىڭ مالىمەتى بويىنشا، جەدەل-پروفيلاكتيكالىق ءىس-شاراعا 500 استام قىزمەتكەر جۇمىلدىرىلدى. ونىمەن قوسا 83 رەيدتىك توپتار جۇمىس اتقاردى. رەيدتىڭ ماقساتى – تىركەلگەن قارۋدى ۇرلاۋدىڭ الدىن الۋ، قارۋدى قولدانۋ ارقىلى قىلمىستار مەن قۇقىق بۇزۋشىلىقتاردىڭ جاسالۋىنىڭ الدىن الۋ، سونداي-اق قارۋدى ساقتاۋ، الىپ ءجۇرۋ، تاسىمالداۋ جانە پايدالانۋ ەرەجەلەرىن ساقتاۋ بولىپ تابىلادى.

ناتيجەسىندە 5 كۇندە 2730 قارۋ يەلەرى تەكسەرىلىپ، 136 ادام اكىمشىلىك جاۋاپكەرشىلىككە تارتىلدى. ونىڭ ىشىندە 109 – قارۋدى ساقتاۋ ەرەجەلەرىن بۇزعانى ءۇشىن، 27 – قارۋدى قايتا تىركەۋ مەرزىمدەرىن بۇزعانى انىقتالدى. قۇقىق بۇزۋشىلاردىڭ ارقايسىسىنان قارۋ ۋاقىتشا تاركىلەندى. ولار تەك ايىپپۇل تولەۋ عانا ەمەس، سونىمەن قاتار قايتا وقىتۋدان ءوتىپ، قارۋدى ودان ءارى پايدالانۋ ءۇشىن سىناق تاپسىراتىن بولادى.

اكىمشىلىك پوليتسيا باسقارماسىندا قارۋ كەز-كەلگەن ۋاقىتتا جوعارى قاۋىپ كوزى بولىپ تابىلاتىندىعىن اتاپ ءوتتى. بۇل سالاداعى قىلمىستار مەن قۇقىق بۇزۋشىلىقتاردىڭ الدىن الۋ، قارۋ اينالىمى  ماسەلەلەرى وبلىستىق پوليتسيا باسشىلىعى مەن ۋچاسكەلىك پوليتسيا ينسپەكتورلارىنىڭ  تۇراقتى باقىلاۋىندا.

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار