تەننيس • 15 اقپان، 2020

تەننيس: ەلەنا رىباكينا جارتىلاي فينالعا شىقتى

111 رەتكورسەتىلدى

قازاقستاندىق تەننيسشى ەلەنا رىباكينا رەسەيدىڭ سانكت-پەتەربۋرگ قالاسىندا ءوتىپ جاتقان «WTA Premier» ءتۋرنيرىنىڭ جارتىلاي فينالىندا ونەر كورسەتۋ قۇرمەتىنە يە بولدى.

جۇلدە قورى 848 000 اقش دوللارىن قۇراعان جارىستىڭ العاشقى اينالىمىندا چەحيالىق كاتەرينا سينياكوۆاعا (59 راكەتكا) سان سوقتىرعان WTA تىزىمىندە 25 ساتىدا تۇرعان ەلىمىزدىڭ ءبىرىنشى راكتەكاسى كەلەسى كەزەڭدە فرانتسيالىق فيونا فەررودان (58 راكەتكا) باسىم ءتۇستى. بۇل باسەكەلەردىڭ ەكەۋىندە دە 6:3، 6:4 ەسەپتەرى تىركەلدى.

شيرەك فينالدا رىباكينانىڭ جولى تاعى ءبىر فرانتسۋز ويىنشىسى وسەان دودەنمەن (159 راكەتكا) قيىستى. العاشقى سەت تاي-برەيككە دەيىن جەتىپ، قارسىلاسىنىڭ پايداسىنان شەشىلگەنىمەن، قالعان ەكەۋىندە جەرلەسىمىز دەس بەرمەدى. ەسەپ - 6:7، 7:5، 6:2.   

ەستەرىڭىزگە سالا كەتەيىك، نەۆا جاعالاۋىنداعى جارىستا قازاقستاننىڭ ەكىنشى راكەتكاسى يۋليا پۋتينتسەۆا (34 راكەتكا) دا باق سىنادى. الايدا العاشقى اينالىمدا ول رەسەيلىك ۆەرونيكا كۋدەرمەتوۆاعا (38 راكەتكا) ەسە جىبەردى.

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار