الەكسەي موروزوۆ 42 جاستا. ول ماسكەۋ قالاسىندا تۋعان. سپورتتىق كارەراسىن جەرگىلىكتى «كرىليا سوۆەتوۆ» كلۋبىندا باستادى. امپلۋاسى – شابۋىلشى. 1998-2004 جىلدار ارالىعىندا ۇلتتىق حوككەي ليگاسىنداعى (ۇحل) «پيتتسبۋرگ پينگۆيز» كومانداسىندا ونەر كورسەتتى. ودان كەيىن قازاننىڭ «اق بارس» جانە ماسكەۋدىڭ تسسكا كلۋبتارىنىڭ جەيدەسىن كيدى.
كلۋبتىق دەڭگەيدەگى جارىستاردا ءۇش رەت رەسەي چەمپيونى, ەكى رەت گاگارين كۋبوگىنىڭ يەگەرى جانە ءبىر-ءبىر رەتتەن ەۋروپا چەمپيوندارى كۋبوگى مەن كونتينەنتالدى كۋبوكتى يەلەندى.
رەسەي قۇراماسى ساپىندا ناگانو وليمپياداسىنىڭ كۇمىس جۇلدەگەرى (1988) جانە ەكى دۇركىن الەم چەمپيونى (2008, 2009) اتاندى. 2007 جىلعى دۇنيەجۇزىلىك دودادا قولا مەدالدى موينىنا ءىلدى.
