ءتيىستى قىزمەتتەردىڭ قارعىنعا قارسى ءىس-ارەكەتتەرىن حالىققا جەتكىزۋ ماقساتىندا وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنىڭ وكىلى ەۆگەني جۋراۆلەۆقا حابارلاسقان ەدىك.
ونىڭ ايتۋىنا قاراعاندا, ازىرگە سولتۇستىكتە ەشقانداي شۇعىل دايىندىق جوق, تەك قار شىعارۋ جۇمىستارى مەن تەحنيكالاردى دايىنداۋ شارالارى عانا جۇرگىزىلىپ جاتىر ەكەن. سونىڭ ىشىندە جەدەل ارەكەت ەتۋ ءۇشىن وبلىس اۋماعىندا قۇرامىندا 484 ادام, 155 بىرلىك تەحنيكا, 8 بىرلىك ءجۇزۋ قۇرالدارى جانە 72 بىرلىك موتوپومپا بار ىشكى ىستەر ورگاندارى اراسىنان كۇشتەر توبى قۇرىلعان. ال جەرگىلىكتى اتقارۋشى ورگاندار تاراپىنان, الدىن الا دەرەكتەر بويىنشا كوكتەمگى كەزەڭگە جەكە قۇرامنان 1619 ادام, 1163 بىرلىك تەحنيكا, ونىڭ ىشىندە 299 بىرلىك سۋ سورعىش تەحنيكا, 109 بىرلىك اۋىر ينجەنەرلىك تەحنيكا جانە 83 بىرلىك ءجۇزۋ قۇرالدارى, جانار-جاعارماي جانە ينەرتتى ماتەريالدار, قاپتار دايىندالىپتى.
ايتا قالارلىق شارانىڭ قاتارىندا 6637 اسكەري بولىمىندە توتەنشە جاعدايدا زارداپ شەككەندەرگە كومەك كورسەتۋ بويىنشا ساباقتار وتكىزىلگەن. سونداي-اق ۇلتتىق ۇلاننىڭ كۇشتەرى جەدەل كومەك كورسەتۋ ءۇشىن قۇرامىندا 60 ادام مەن 4 بىرلىك تەحنيكا بار كونتينگەنت بولگەن.
سولتۇستىك قازاقستان وبلىسى
