قازاقستاندىق ديپلوماتتار قىتايدىڭ 31 قالاسىنان 171 قر ازاماتىن, سونداي-اق, 40 قىرعىزستان ازاماتىن ەلگە الىپ كەلدى. ۇشاققا ءبىزدىڭ وتانداستارىمىزدىڭ بارلىق جەكە جۇكتەرى تيەلدى. ۇشار الدىندا بارلىق جولاۋشى ارنايى مەديتسينالىق تەكسەرۋدەن ءوتىپ, ەشكىمنەن دەنە قىزۋى نەمەسە كوروناۆيرۋس بەلگىلەرى انىقتالعان جوق.
جالپى, قازاقستاندىق ديپلوماتتار مەن مەديكتەردىڭ قىتاي بيلىگىمەن ۇيلەسىمدى جۇمىسى ناتيجەسىندە 3-13 اقپان ارالىعىندا وتكىزىلگەن 5 وپەراتسيا بارىسىندا قحر-دان قازاقستاننىڭ 479 ازاماتى, سونداي-اق, 64 شەتەلدىك ازامات (ارمەنيا, بەلارۋس جانە قىرعىزستان) قايتارىلدى.
قازىرگى تاڭدا قىتايداعى قر ەلشىلىگىنىڭ اقپاراتى بويىنشا قحر اۋماعىندا تاعى 455 قر ازاماتى بار (ونىڭ 271-ءى - ستۋدەنت).
«وسىعان بايلانىستى قىتاي تاراپىنا ءبىزدىڭ ازاماتتارىمىزدى ەلگە قايتارۋعا كورسەتكەن قولداۋى ءۇشىن العىس بىلدىرە وتىرىپ, قازاقستاندىقتاردىڭ اتىنان قىتاي حالقىنا شىنايى قولداۋ ءسوزىن جەتكىزگىمىز كەلەدى» دەلىنگەن حابارلامادا.
