بۇل ءۇي 1968 جىلى سالىنعان 5 قاباتتى «حرۋششەۆكا» تيپىندەگى ەسكى قۇرىلىس بولاتىن. پاتەرلەر سانى 120, ال تۇرعىندار سانى 400 دەي ادام ەكەن. توتەنشە جاعدايلار ماماندارىنىڭ الدىن الا بولجاۋلارىنا قاراعاندا, شاتىردىڭ اعاش كونسترۋكتسيالارى ءشىرىپ, جاۋعان قاردىڭ سالماعىن كوتەرە الماي سىنىپ كەتكەن. ونىڭ گۇرس ەتىپ سىنعان دىبىسى سول ءۇيدىڭ تۇرعىندارىنا عانا ەمەس كوشەدەگى ادامدارعا دا ەستىلگەن.
«كوشەدەن اۆتوبۋس ايالداماسىنا قاراي كەتىپ بارا جاتىر ەدىم, گۇرس ەتكەن دىبىستان شوشىپ كەتتىم. سويتسەم, دىبىس بيىك ءۇيدىڭ توبەسىنەن شىقتى»,- دەيدى ازامات سەرگەي كۋلاگين.
وقيعا ورنىن زەرتتەگەن مامانداردىڭ ايتۋىنا قاراعاندا, ب ۇلىنگەن توبەنىڭ اۋماعى 24 شارشى مەترگە جۋىق. قازىر ونىڭ نەگىزگى سەبەپتەرى انىقتالۋ ۇستىندە. سودان كەيىن كىمنىڭ كىنالى ەكەندىگى انىقتالماق. ەگەر كىنا قاردان عانا بولسا, وندا ءۇيدىڭ توبەسى قالالىق اكىمدىكتىڭ بيۋدجەتى ەسەبىنەن جوندەلەدى.
پەتروپاۆل
