سوڭعى تۋردا جەرلەستەرىمىز جارىس قوجايىندارى ءارى توپتا كوش باستاپ تۇرعان چەحيا قۇراماسىمەن كەزدەستى. چەحيا – قازاقستان اراسىنداعى ويىنعا دەيىن ءبىزدىڭ توپتاعى رۋمىنيا مەن سلوۆەنيا قۇرامالارى سىنعا ءتۇسىپ, ەكى قۇراما 4:4 ەسەبىمەن تەڭ وينادى. بۇل ماتچتىڭ تەڭ ناتيجەمەن اياقتالعانى قازاقستان قۇراماسى ءۇشىن ءتيىمدى ەدى. ويتكەنى چەحيانى جەڭەتىن بولسا, بىردەن الەم چەمپيوناتىنا جولداما الۋشى ەدى. جانە سولاي دا بولدى. كەزدەسۋ باستالا سالا ويىن تىزگىنىن قولدارىنا العان جەرلەستەرىمىز نەبارى ءتورت مينۋتتىڭ ىشىندە قارسىلاس قاقپاسىنا 3 گول سوقتى. 3-ءشى مينۋتتا دۋگلاس دۋبل اۆتورى اتانسا, ارادا ءبىر مينۋت وتكەندە تاينان ءۇشىنشى گولدى سوقتى. ءبىرىنشى تايم – 3:0 ەسەبىمەن اياقتالدى.
ەكىنشى تايمدى دا جەرلەستەرىمىز ءساتتى باستادى. 23-مينۋتتا دۋگلاس ويىنداعى ءۇشىنشى, قازاقستان قۇراماسىنىڭ ءتورتىنشى گولىن سوقتى. ال 36-مينۋتتا چەحيا قۇراماسى ەسەپتى قىسقارتۋعا مۇمكىندىك الدى. گول اۆتورى – ميحال گولى. بىراق ارادا ەكى مينۋت وتكەندە تاينان بەسىنشى گولدى سوعىپ, قازاقستان قۇراماسىنا تاريحي جەڭىس سىيلادى. ويىن اياقتالار تۇستا قاقپاشى يگيتانىڭ قاتەلىگىنەن كەيىن چەحيالىق يرجي ۆوكوۋن ءبىزدىڭ قاقپاعا ەكىنشى گولدى سوقتى. قورىتىندى ەسەپ – 5:2. وسىلايشا قازاقستان قۇراماسى بيىل 12 قىركۇيەك پەن 4 قازان ارالىعىندا ليتۆادا وتەتىن الەم چەمپيوناتىنا جولداما الدى.
