وتكەن جىلعى جۇمىس ناتيجەسىندە «اقىلدى» قالالاردىڭ رەيتينگى قۇرىلدى. بۇل رەيتينگ جارتى جىل سايىن جاڭارىپ وتىرادى.
وسى جىلى الدىمەن اكىمدىكتەر 112 جانە 109 قىزمەتتەرىن اياقتاۋى ءتيىس. ودان باسقا, قوعامدىق كولىكتەردە ەلەكتروندى بيلەتتەردى ەنگىزۋ تاجىريبەسىن ءارى قاراي تاراتۋ قاجەت.
پرەزيدەنت قاسىم-جومارت كەمەل ۇلى كەڭەيتىلگەن وتىرىستا ۆەنچۋرلىق ينۆەستيتسيا تارتۋ ماڭىزدى مىندەت ەكەنىن اتاپ ءوتتى. وعان قوسا, ادامي كاپيتالدى دامىتۋعا ەرەكشە ءمان بەرىلۋدە. قازىرگى ۋاقىتتا Astana Hub ات-ستارتاپتار تەحنوپاركى 100% تولتىرىلعان. وندا وتاندىق جانە شەتەلدىك اT-كومپانيالاردىڭ 17 عىلىمي-زەرتتەۋ زەرتحاناسى جۇمىس ىستەيدى.
90-نان استام ستارتاپ جوبا ىسكە اسىرىلىپ, مىڭنان استام جۇمىس ورنى قۇرىلدى. جوعارىدا كورسەتىلگەن بارلىق ءىس-شارا وتاندىق ستارتاپتارعا 18,8 ملرد تەڭگە كولەمىندە ينۆەستيتسيا تارتۋعا مۇمكىندىك بەردى.
«2020 جىلى كەم دەگەندە 2 تەحنوپاركتى قولداۋمەن ءبىز شامامەن 15 ملرد تەڭگە ينۆەستيتسيا تارتۋعا تىرىسامىز. بۇل جۇمىستى ءبىز بارلىق مەملەكەتتىك ورگاندارمەن جانە كومپانيالارمەن بىرلەسىپ جالعاستىرامىز», — دەدى ا. جۇماعاليەۆ.
جالپى, رەسپۋبليكالىق بيۋدجەتتەن 2 جىل ىشىندە 35 ملرد تەڭگە جۇمسالدى. تسيفرلاندىرۋ بويىنشا جۇرگىزىلگەن جۇمىستىڭ ەكونوميكالىق تيىمدىلىگى 803 ملرد تەڭگەنى قۇرادى.
يننوۆاتسيالىق ەكوجۇيەگە 32,8 ملرد تەڭگە تارتىلدى.
ارالاس سالالاردى ەسكەرە وتىرىپ, 120 مىڭ جۇمىس ورنى قۇرىلدى. ونىڭ 78 مىڭى 2019 جىلى پايدا بولدى.
قورىتىندىلاي كەلە, ا.جۇماعاليەۆ جوعارىدا كورسەتىلگەن مىندەتتەر بويىنشا بەلسەندى جۇمىستار جالعاستىرىلاتىنىن اتاپ ءوتتى.
