ا. مامين قازاقستاندىق تاراپ باستاماشى بولعان كەدەرگىلەردى جويۋ تارتىبىنە تۇزەتۋلەردى جەدەلدەتىپ كەلىسۋ قاجەتتىگىنە باسا نازار اۋداردى, بۇل جۇگىنۋلەردىڭ قاراستىرىلۋ پروتسەسىن 3 ايعا دەيىن جىلدامداتۋعا مۇمكىندىك بەرەدى.
«بۇگىندە كەلىسىلگەن كەدەرگىلەر ءتىزىلىمى جۇرگىزىلىپ جاتىر. وندا 68 كەدەرگى كورسەتىلگەن. ءبىز 3 جىل بۇرىن بۇل ءتىزىلىمدى 60 كەدەرگىدەن باستاعان بولاتىنبىز. بۇل كورسەتكىشتى ازايتۋدىڭ ورنىنا, ءبىز وكىنىشكە وراي, جاڭا كەدەرگىلەر تۋىنداتىپ نەمەسە ولاردى جويۋدى كوپكە سوزىپ جىلدان-جىلعا ولاردىڭ سانىن كوبەيتىپ كەلەمىز», دەدى ا. مامين.
قازاقستان ۇكىمەتىنىڭ باسشىسى 2021 جىلدىڭ سوڭىنا دەيىن ەاەو ەلدەرىندە جۇرگىزىلەتىن مەملەكەتتىك ساتىپ الۋلاردى تولىق ەلەكتروندى فورماتقا كوشىرۋدى ۇسىندى.
«ەلەكتروندىق تسيفرلىق قولتاڭبالاردى ءوزارا مويىنداۋ ارقىلى ەلەكتروندى فورماتتا جۇرگىزىلەتىن مەملەكەتتىك ساتىپ الۋلارعا قاتىسۋدى قامتاماسىز ەتۋ – مەملەكەتتىك ساتىپ الۋلار نارىعىن دامىتۋدىڭ ماقساتتارىنىڭ ءبىرى», دەدى ا. مامين.
پرەمەر-مينيستر ەاەو تۋرالى شارتقا باسەكەلەستىكتىڭ جالپى ەرەجەلەرىن بۇزعان جاعدايدا بيزنەسكە كەلتىرىلگەن زالالدىڭ ورنىن تولتىرۋ بويىنشا وزگەرىستەر ەنگىزۋدى پىسىقتاۋ باستاماسىن كوتەردى.
«بۇگىندە ەاەو قۇقىعىنا سايكەس, باسەكەلەستىكتىڭ جالپى ەرەجەلەرىن بۇزعان كەزدە شارۋاشىلىق جۇرگىزۋشى سۋبەكتىگە ايىپپۇل سالىنعان جاعدايدا ايىپپۇل بۇزۋشىلىق جاساعان شارۋاشىلىق سۋبەكتىسى تىركەلگەن ەلدىڭ بيۋدجەتىنە اۋدارىلۋى ءتيىس. بۇل رەتتە زارداپ شەككەن تاراپ زالالدىڭ ورنىن تولتىرۋ مۇمكىندىگىنەن ايىرىلادى», دەدى ا. مامين.
قازاقستان ۇكىمەتىنىڭ باسشىسى ەاەو اياسىندا تسيفرلىق ەكونوميكا مەن قازىرگى جوعارى تەحنولوگيالى سالالاردى دامىتۋ, سونداي-اق پيراتتىق ونىمدەرمەن كۇرەسۋدىڭ بىرلەسكەن تاسىلدەرىن ازىرلەۋ بويىنشا بىرلەسكەن جۇمىستاردى كۇشەيتۋ قاجەتتىگىن اتاپ ايتتى.
وتىرىسقا قاتىسۋشىلار 2025 جىلعا دەيىنگى ەۋرازيالىق ەكونوميكالىق ينتەگراتسيانى دامىتۋدىڭ ستراتەگيالىق باعىتتارى جوباسىن ازىرلەۋ, ەاەو ىشكى نارىعىنىڭ جۇمىسى اياسىندا كەدەرگىلەردى جويۋ, ۇلتتىق اقپاراتتىق جۇيەلەر ينتەگراتسياسى, ەاەو-عا مۇشە مەملەكەتتەر اراسىندا ۇلتتىق ۆاليۋتاداعى اكەلىم كەدەن سالىقتارىن اۋدارۋ ءۇشىن ەسەپتەۋ-كليرينگ جۇيەسىن ەنگىزۋ, الكوگول نارىعىن رەتتەۋ تۋرالى كەلىسىم جوباسىن دايىنداۋ, ەاەو تسيفرلىق كولىك دالىزدەرىنىڭ ەكوجۇيەسىن قالىپتاستىرۋ جانە باسقا دا ماسەلەلەر بويىنشا جۇمىس بارىسىن قاراستىردى.
ەۇاك وتىرىستارىنىڭ قورىتىندىسى بويىنشا ءتيىستى شەشىمدەرگە, وكىمدەر مەن تاپسىرمالارعا قول قويىلدى.
