وسى باعىتتا قازاقستاندا جاساندى ينتەللەكت بويىنشا ۇلتتىق كلاستەر قۇرۋ جوسپارلانىپ وتىر. قازىرگى كەزدە بارلىق مەملەكەتتىك ورگاندار مەن كومپانيالاردا جاساندى ينتەللەكتى قولدانۋ بىرتە-بىرتە جۇزەگە اسا باستاعان. 2030 جىلعا دەيىن جاساندى ينتەللەكتى پايدالانۋ تيىمدىلىگى ەكونوميكا سالالارىندا 5 ترلن اقش دولارىن قۇرايتىن بولادى.
بۇگىندە ساۋدا, كولىك, لوگيستيكا, تاۋ-كەن ءوندىرىسى سالالارىندا ايتارلىقتاي جەتىستىكتەر بايقالادى. بولجام بويىنشا, جاساندى ينتەللەكتى پايدالانۋدىڭ جالپى ەكونوميكالىق تيىمدىلىگى جىلىنا 25 ملرد دوللاردى قۇراۋى مۇمكىن.
اسىرەسە, قىزمەت كورسەتۋ سالاسى جىلىنا 15 ملرد دوللار, تاۋ-كەن ءوندىرىسى جىلىنا 9 ملرد دوللاردى قۇرايتىن بولادى. قازىرگى كەزدە نازارباەۆ ۋنيۆەرسيتەتىندە جاساندى ينتەللەكتى دامىتۋ باعىتىندا جۇمىستار جولعا قويىلۋدا. وسىدان ەكى جىل بۇرىن حالىقارالىق Astana Hub تەحنوپاركى قۇرىلسا, وتكەن جىلى قىركۇيەك ايىندا يننوۆاتسيالىق يت ۋنيۆەرسيتەتى اشىلدى.
