بەلارۋس پرەمەر-ءمينيسترى س. رۋماسپەن كەزدەسۋدە ينۆەستيتسيالىق, يندۋستريالىق, اگروونەركاسىپتىك, ەنەرگەتيكالىق, ترانزيتتىك-كولىكتىك, اسكەري-تەحنيكا سالالارىنداعى, سونداي-اق ينتەگراتسيالىق بىرلەستىكتەر اياسىنداعى ەكىجاقتى ىنتىماقتاستىق ماسەلەلەرى قارالدى.
«بۇگىندە قازاقستان مەن بەلارۋس اراسىنداعى قارىم-قاتىناستار ەكىجاقتى جانە كوپجاقتى ءوزارا ءىس-قيمىلدىڭ تابىستى ءارى ءتيىمدى ۇلگىسىن كورسەتەدى. ءبىزدىڭ ەلدەرىمىزدىڭ اراسىندا قارقىندى ساياسي ديالوگ ورناتىلعان, تەرەڭ ەكونوميكالىق بايلانىستار قالىپتاسقان, ىنتىماقتاستىقتىڭ بارلىق سالالارىندا ءوزارا ءىس-قيمىل ءتيىمدى دامىپ جاتىر», — دەدى ا. مامين.
ەلدەر ونەركاسىپتىك كووپەراتسيا سالاسىنداعى بىرلەسكەن جوبالاردى تابىستى جۇزەگە اسىرىپ جاتىر. ولاردىڭ ىشىندە — «قازبەلاز» بك بازاسىندا «بەلاز» كارەرلىك تەحنيكاسىن قۇراستىرۋ, «اگروماشحولدينگ» بازاسىندا كومباين جانە «Hyundai Trans Auto» جشس بازاسىندا «ماز» اۆتوتەحنيكاسىن شىعارۋ, سونداي-اق «الاتاۋ» ليفت جاساۋ كومپانياسى» بازاسىنداعى ليفتىلەر ءوندىرىسى.
پرەمەر-مينيستر وندىرىستىك كووپەراتسيانى كەڭەيتۋگە جانە قازاقستان اۋماعىندا بىرلەسكەن وندىرىستەردى جەرگىلىكتەندىرۋ دەڭگەيىن ارتتىرۋعا قىزىعۋشىلىقتىڭ بار ەكەنىن جەتكىزدى.
مولدوۆا پرەمەر-ءمينيسترى ي. كيكۋمەن كەزدەسۋ بارىسىندا ەكىجاقتى ەكونوميكالىق ىنتىماقتاستىق پەن ەاەو فورماتىنداعى ءوزارا ءىس-قيمىلدىڭ پەرسپەكتيۆالارى تالقىلاندى.
ء«بىزدىڭ ەلدەر اراسىندا سەنىمدى ءارى اشىق ساياسي ديالوگ ورناعان, ساۋدا-ەكونوميكالىق ءوزارا ءىس-قيمىل مەن مادەني-گۋمانيتارلىق بايلانىستار نىعايا تۇسۋدە. ءار ءتۇرلى ايماقتىق الاڭداردا ءبىزدىڭ مەملەكەتتەر باسشىلارىنىڭ كەزدەسۋلەرىنىڭ تۇراقتى تۇردە ءوتۋى قازاقستان – مولدوۆا ىنتىماقتاستىعىن نىعايتۋعا ءوزارا مۇددەلىلىكتىڭ بار ەكەنىنىڭ ايعاعى», — دەدى ا. مامين.
قازاقستاندا مولداۆاندىق قاتىسۋىمەن 70-كە جۋىق زاڭدى تۇلعالار, بولىمشەلەر مەن وكىلدىكتەر جۇمىس ىستەيدى.
پرەمەر-مينيستر قازاقستاننىڭ مولدوۆامەن ساۋدا-ەكونوميكالىق, ينۆەستيتسيالىق, اگروونەركاسىپ جانە باسقا دا سالالارداعى ىنتىماقتاستىقتى دامىتۋى ءۇشىن ەلەۋلى الەۋەتتىڭ بار ەكەنىن اتاپ ءوتتى.
