«ەسەپتى كەزەڭدە №88 مەكتەپ اشىلدى, 550 ورىنعا ەسەپتەلگەن «پريگورودنىي» تۇرعىن الابىندا №24 مەكتەپكە قوسىمشا قۇرىلىس سالىندى. مۇندا ءبىز وقۋشىلار سارايىنىڭ فيليالىن اشتىق. سونداي-اق «سامۇرىق-ەنەرگو» اق تاراپىنان ە-321 كوشەسىندە سالىنعان 240 ورىندىق بالاباقشا اشىلدى. بۇل بالالار ءۇشىن تاعى 1 700 ورىندى قامتاماسىز ەتتى» دەدى اۋدان اكىمى.
ونىڭ ايتۋىنشا, اۋداندا 7 مەكتەپ وقۋشىلارعا تولى. «1 200 ورىنعا ەسەپتەلگەن مەكتەپتەر 2,5-3 مىڭ بالانى, 59 مەكتەپتە 4,2 مىڭ بالانى وقىتادى.
وسىعان بايلانىستى ءبىز وسى باعىتتا ۇلكەن جۇمىس جۇرگىزىپ كەلەمىز. كەلەسى جىلى 4 مەكتەپ پايدالانۋعا بەرىلەدى, سايكەسىنشە, بۇل بىزگە كوپتەگەن مەكتەپتەردى جەڭىلدەتۋگە مۇمكىندىك بەرەدى», - دەدى بەرىك جاكەنوۆ. سونىمەن قاتار, اۋداندا ءمجا بويىنشا بالاباقشا قۇرىلىسى جۇرگىزىلىپ جاتىر, سونداي-اق 600 ورىندىق مەكتەپ اشىلادى. اۋدان اكىمى وتكەن جىلى ىسكە قوسىلعان «Open Akimat» اشىق اكىمدىك الاڭى جايلى دا ءسوز قوزعادى. اتالعان ورتالىقتان 4 ايدىڭ ىشىندە 18 مىڭ ەسىل اۋدانىنىڭ تۇرعىنى ءوز ماسەلەلەرىن كوتەرىپ, جاۋاپ العان. ء«بىزدىڭ اۋداندىق اكىمدىك وتكەن جىلدان باستاپ «Open Akimat» جۇيەسىمەن جۇمىس ىستەۋدى باستادىق. ەگەر العاشقى كەزدە اكىمدىككە ءتۇرلى سۇراقتارمەن 250-300 ادام كەلسە, قازىر كۇنىنە 100 ادامداي كەلەدى.
بۇل دەگەنىمىز اتالعان جۇيەنىڭ تيىمدىلىگىن كورسەتەدى. ياعني ازاماتتار بۇرىنعىداي بىرنەشە سۇراققا جاۋاپ الۋ ءۇشىن بىرقاتار جەرگە بىرنەشە كۇن قاتارىنان كەلمەيدى. ءبىر كەلگەندە ءبىر جەردەن بىرنەشە ماسەلەنىڭ جاۋابىن الۋ مۇمكىندىكتەرى بار. ازاماتتاردىڭ قايتالانۋى قىسقاردى. 2019 جىلدىڭ قىركۇيەگىندە عانا اشىلعان اكىمدىكتىڭ اشىق الاڭىنا 18 مىڭ تۇرعىن ءوز سۇراقتارىنا جاۋاپ الدى. ونىڭ ىشىندە 3 مىڭى ناقتى ءبىزدىڭ اۋدان اكىمدىگىنە قاتىستى سۇراقتار» دەدى بەرىك جاكەنوۆ.
ودان بولەك, اۋدان اكىمى اكىمدىك تاراپىنان مۇقتاج جاندارعا بەرىلەتىن كومەك جايلى بايان ەتتى.
«اكىمدىك الدىنداعى باستى سۇراقتاردىڭ ءبىرى – كوپبالالى وتباسىلارعا قولداۋ كورسەتۋ. 2019 جىلى 470 ەسىلدىك كوپبالالى وتباسى قولداۋ سۇراعان. ونىڭ ىشىندە «Nur Otan» پارتياسىنىڭ اۋداندىق فيليالى مەن شاعىن جانە ورتا بيزنەس وكىلدەرىنىڭ قولداۋىمەن 368 وتباسىعا ازىق-ت ۇلىك, ءدارى-دارمەك, كيىمدەي جانە كومىر الىپ بەرۋ كومەگى بەرىلدى. سونداي-اق, «مەكتەپكە جول» اكتسياسى اياسىندا 241 بالا مەكتەپكە قاجەتتىلىكتەرمەن قامتىلدى. اۋدانىمىزدا 50-دەن استام وتباسىنىڭ بالاسى تەگىن تۇردە قوسىمشا ساباقتارعا قاتىسادى جانە تەگىن تاماق قاراستىرىلعان. جانە 20 وتباسىعا وتىن جاعىنان كومەك كورسەتىلدى»دەدى ول.
