«اۋىل شارۋاشىلىعى قىزمەتكەرلەرىنىڭ الدىندا ۇنەمى ءونىم كولەمىن ارتتىرۋ سەكىلدى ۇلكەن مىندەت تۇر. وعان ەلدىڭ بىرلىگى, حالىقتىڭ ىنتىماعى جانە كوپشىلىكتىڭ قاجىرلى قىزمەتىنىڭ ارقاسىندا جەتۋدە.
2019 جىلى ماقتاارال اۋدانىنىڭ ديقاندارى 60 926 گەكتار جەرگە ەگىن ەكتى. ونىڭ ىشىندە 38 185 گەكتارى ماقتا, 11 502 گەكتارى باقشا, 3 178 گەكتارى داندىك جۇگەرى, 2 055,4 گەكتار جەرگە كوپجىلدىق ەكپە, 2 003 گەكتارى جاڭا جوڭىشقا, 1 827,6 گەكتارى ءتۇرلى كوكونىستەر, 1 615 گەكتارى كۇرىش, 500 گەكتارى سۇرلەمدىك جۇگەرى, 152 گەكتارى ماش, 47 گەكتارى جازدىق بيداي جانە 54,2 گەكتار جەرگە كارتوپ ەگىلگەن بولاتىن.
2018 جىلى اۋا-رايىنىڭ قولايسىزدىعى مەن ماقتا زيانكەستەرىنىڭ كوپ بولۋىنا قاراماستان, اق التىننان 96 مىڭ توننا ءونىم جينالعان ەدى. ورتاشا ونىمدىلىك 25 تسەنتنەرگە جەتكەن بولاتىن. ال, 2019 جىلى اۋدانداعى ماقتا قابىلداۋ بەكەتتەرىنە 99,5 مىڭ توننا اق التىن جينالىپ, ماقتالى وردانىڭ كورسەتكىشى 1,1 تسەنتنەرگە ارتتى.
ماقتاارال - قاۋىن-قاربىزدىڭ دا وتانى. بۇعان دالەل ماۋسىم كەزىندە كۇن سايىن 200-300-گە تارتا قاۋىن-قاربىز تيەلگەن جۇك كولىكتەرى تمد ەلدەرىنە, پريبالتيكا ەلدەرىنە, تۇركيا, گەرمانيا, گرەتسيا ەلدەرىنە جول تارتادى. شارۋالارىمىزدىڭ تىنىمسىز ەڭبەكتەرىنىڭ ارقاسىندا 2019 جىلى باقشا داقىلدارىنان 291 363 توننا ءونىم ءوندىرىلىپتى.
جاز ايلارىندا ماقتاارال اۋدانىنىڭ كىرەبەرىسىندەگى لوگيستيكالىق ورتالىق جۇك كولىكتەرىنە لىق تولدى. ەۋروپادان جانە باسقا دا ەلدەردەن كەلگەن كاسىپكەرلەر ءۇشىن ورتالىقتا بارلىق جاعداي جاسالعان. وسىلايشا قاۋىن-قاربىز بيزنەسى ماقتاارال اۋدانىندا تۇتاس ءبىر يندۋستريانىڭ دامۋىنا جول اشىپ وتىر.
سول سەكىلدى اۋدانىمىزدىڭ ەڭبەكقور ديقاندارى وتكەن جىلى 46 132 توننا كوكونىس, 62 775 توننا مال ازىقتىق داقىلداردى, 9 450 توننا كۇرىش, 234 توننا بيداي, 957 توننا ءجۇزىم, 667 توننا جەمىس-جيدەك, 299 توننا ماش وندىرگەن.
وسىلايشا 2019 جىلى جالپى اۋىل شارۋاشىلىعى ءونىمىنىڭ كولەمى 43,2 ميلليارد تەڭگەگە جەتتى. ونىڭ ىشىندە, وسىمدىك شارۋاشىلىعى 32,4 ميلليارد تەڭگە, مال شارۋاشىلىعى 10,7 ميلليارد تەڭگە, اۋىل شارۋاشىلىق قىزمەتى 462,1 ميلليون تەڭگەنى قۇرادى.
2019 جىلى جىلىجايلار كولەمىن قوسىمشا 5 گەكتارعا ۇلعايتۋ تاپسىرماسى بەرىلگەن بولسا, 5,9 گەكتار جەرگە جىلىجايلار قۇرىلىپ, تاپسىرما ارتىعىمەن ورىندالدى. سونداي-اق 60 گەكتار القاپقا جاڭادان ءجۇزىم كوشەتتەرىن وتىرعىزۋعا جانە 50 گەكتار القاپقا تامشىلاتىپ سۋارۋ تەحنولوگياسىن ەندىرۋگە تاپسىرما بەرىلىپ, ەكەۋى دە 100%-عا ىسكە استى. ال, 2019 جىلى 94 دانا اۋىل شارۋاشىلىعى تەحنيكالارىن الۋ تاپسىرماسى بەرىلگەن بولسا, جىل قورىتىندىسى بويىنشا 124 دانا تەحنيكا, قۇرال-جابدىقتار مەن ءتۇرلى اگرەگاتتار الىنىپ, جوسپار ارتىعىمەن ورىندالدى.
2019 جىلى «قۇلان» باعدارلاماسى بويىنشا 26 باس ءىرى قارا مالى الىنىپ, قوسىمشا 17 بىرلىك مال بورداقىلاۋ الاڭدارى, 7 شاعىن جانۇيالىق ءسۇت اۋلالارى اشىلعان. جىلدىڭ قورىتىندىسىمەن تاپسىرمالار ارتىعىمەن ورىندالعان» دەلىنگەن حابارلامادا.
