ايماقتار • 29 قاڭتار، 2020

وڭداسىن ورازالين: قارعالى اۋدانىندا كوپكە ۇلگى بولار ىستەر كوپ

64 رەتكورسەتىلدى

وبلىس اكىمى وڭداسىن ورازالين قارعالى اۋدانىنا ارنايى ىسساپارمەن بارىپ، اۋدان اكىمىنىڭ ءداستۇرلى ەسەپ بەرۋ جيىنىنا قاتىستى.

ەسەپ بەرۋ جيىنىنا اۋدان تۇرعىندارى، وبلىستىق، اۋداندىق ءماسليحات دەپۋتاتتارى، وبلىستىق باسقارما باسشىلارى، قۇقىق قورعاۋ ورگاندارىنىڭ قىزمەتكەرلەرى، جەرگىلىكتى كاسىپكەرلەر قاتىستى.

قارعالى اۋدانىنىڭ اكىمى اسقار جۇسىباليەۆ اۋداننىڭ 2019 جىلعى الەۋمەتتىك-ەكونوميكالىق دامۋىنىڭ قورىتىندىلارى مەن 2020 جىلعا الىنعان مىندەتتەر تۋرالى بايانداما جاسادى. 

جيىن بارىسىندا ايماق باسشىسى و.ورازالين اۋدان اكىمىنىڭ ەسەبىنە قاناعاتتانارلىق دەگەن باعا بەرىپ، اۋداننىڭ بۇدان دا زور جەتىستىكتەرگە جەتەتىن الەۋەتى مەن مۇمكىندىكتەرى زور ەكەنىن اتاپ ءوتتى.
ءوزىنىڭ ەسەپتىك بايانداماسىندا اۋدان اكىمى ا.جۇسىباليەۆ سوڭعى جىلدارى اۋدان كولەمىندە ءداستۇرلى ەمەس اۋىلشارۋاشىلىق ونىمدەرىن ءوندىرۋ بويىنشا جۇمىس ىستەلىپ جاتقانىنا كەڭىنەن توقتالدى.
وبلىس اكىمى و.ورازالين اۋدان اكىمىنىڭ ەسەبىن مۇقيات تىڭداپ، زالدا وتىرعان تۇرعىنداردىڭ ۇسىنىستارى مەن پىكىرلەرىن تىڭدادى. سونىمەن قاتار وتكەن جىلعى ەسەپتىك كەزدەسۋدە بەرىلگەن تاپسىرمالاردىڭ ورىندالۋىنا قاتىستى بىرقاتار سىن-ەسكەرتپە ايتىپ ءوتتى. جەرگىلىكتى اكىمدىككە حالىقپەن تىعىز بايلانىستا جۇمىس ىستەۋ بويىنشا ناقتى تاپسىرمالار بەردى. 

- بۇگىنگى كۇنى ەلىمىزدە قالىپتاسقان ساياسي تۇراقتىلىق پەن ايماق حالقىنىڭ بىرلەسكەن جۇمىسىنىڭ، سابىرلىلىق تانىتقانىنىڭ جەمىسىن كورىپ وتىرمىز. ءومىر بولعان سوڭ قوردالانعان ماسەلەلەر كوپ، بارلىعىنىڭ ءبىر كۇندە شەشىمىن تابۋ مۇمكىن دە ەمەس. اۋدان كولەمىندە كوپتەگەن جۇمىس اتقارىلدى. بۇل اۋدان اكىمدىگى مەن تۇرعىنداردىڭ بىرلەسكەن جۇمىسىنىڭ ناتيجەسى دەپ بىلەمىن. دەگەنمەن نارىق تالابى كۇن سايىن وزگەرىپ، جاڭا ۇسىنىستاردى العا تارتىپ وتىر. ەل جاستارى ۋاقىتپەن ەسەپتەسپەي، ناتيجەلى جۇمىس ىستەۋگە تالپىنۋى قاجەت. قولدا بار مۇمكىندىكتى دۇرىس پايدالانىپ، ەل ەرتەڭىنە ايانباي قىزمەت ەتۋىمىز قاجەت، - دەدى وبلىس اكىمى وڭداسىن ورازالين.

سونىمەن قاتار ايماق باسشىسى اۋدان تۇرعىندارىنان ءوزىنىڭ الەۋمەتتىك جەلىسىنە كەلىپ تۇسكەن بىرقاتار سۇراققا توقتالىپ ءوتتى. اۋدان باسشىلىعىنا اتالعان جۇمىستاردىڭ ورىندالۋ بارىسىن قاداعالاۋدى جانە شەشىمىن تاپقاندىعى جونىندە ەسەپ بەرۋدى تاپسىردى.

- كوتەرىلگەن ماسەلەلەردىڭ بارلىعى دا وزەكتى. جىل بويى اتقارىلعان جۇمىستاردىڭ وڭ ناتيجەسىن كورۋ ءۇشىن ناقتى جوسپارمەن جۇمىس ىستەۋ قاجەت. قارعالى اۋدانى تابيعاتى اسەم، ءتۋريزمدى دامىتۋعا وتە قولايلى ايماق. شەتەلدىك ينۆەستورلاردان تىس جول بويىنداعى كاسىپكەرلىكپەن اينالىساتىن تۇرعىندارعا جان-جاقتى قولداۋ كورسەتۋ قاجەت. جەرگىلىكتى حالىقتىڭ نەگىزگى تىرشىلىك كوزى اۋىلشارۋاشىلىق ونىمدەرى. وسى باعىتتا ناقتى جوسپارلاردى قولعا الۋ قاجەت. حالقىمىزدا اۋلاسىنا قاراپ، ازاماتىن تانيسىڭ دەگەن ءسوز بار. ازاماتتاردى ايانباي ەڭبەك ەتۋگە، ءوز اۋلامىز بەن تۋعان جەرىمىزدى كۇتىپ، باپتاپ، ەل سۇيسىنەتىن ەلگە اينالدىرۋ ءوز قولىمىزدا. تەك ۋاقىتىندا كومەك بەرە ءبىلۋىمىز قاجەت، - دەدى وبلىس باسشىسى. 

1

جيىن سوڭىندا وبلىس اكىمى اۋدان اكىمى مەن باسقارما باسشىلارىنا سۋارمالى جەرلەردى يگەرۋ، اۋىل، مالشارۋاشىلىق ونىمدەرىن ءوندىرۋ، ەگىستىك كولەمىن ءتيىمدى پايدالانۋدى ارتتىرۋ تۋرالى بىرقاتار ناقتى تاپسىرما بەردى.

سوڭعى جاڭالىقتار

كوروناۆيرۋسسىز قوستاناي

ايماقتار • كەشە

ۇقساس جاڭالىقتار