ولار وسى ارقىلى ارتىنا وشپەس مۇرا قالدىرعان حاكىمنىڭ شىعارماشىلىعىن ناسيحاتتاۋدى ماقسات ەتىپ وتىر. ۇلى ويشىلدىڭ سىرلى دا سازدى ليريكاعا تولى «جەلسىز تۇندە جارىق اي» ءانىن ناقىشىنا كەلتىرە ورىنداۋدا مەكتەپ باسشىلىعى مەن ۇجىمداعى ەر-ازامات ۇستازدار اسا بەلسەندىلىك تانىتقان.
ەستافەتانى قالامىزداعى اباي اتىنداعى قازاق سازدى دراما تەاترى, ف.دوستوەۆسكي اتىنداعى ورىس دراما جانە «داريعا - اي» جاستار تەاترلارى ۇجىمدارىنىڭ بىرلەسە ورىنداعان اۋەندەرىنەن كەيىن قابىل الدىق. اتالعان تەاتر ۇشتىگى ويشىل اندەرىن ورىنداۋ باستاماسىن بۇكىل قازاقستاندىقتارعا جولداپتى. ءبىز اباي اتامىزدىڭ ءانىن شىرقاۋ ارقىلى اقىنعا شىعارماشىلىعىنا دەگەن قۇرمەتىمىزدى بىلدىرگىمىز كەلدى. ماقساتىمىز – جاستارعا, شاكىرتتەرىمىزگە جول كورسەتۋ, وي سالۋ. ويتكەنى, ابايدىڭ تۋىندىلارى – ومىرشەڭ مۇرا. كەلەشەككە دە ەركىن جەتەرىنە كۇمان جوق, - دەيدى مەكتەپ ديرەكتورى باعدان قايىرجانوۆ.
مەكتەپ ۇجىمى ونەر ورداسى بولماسا دا, ءاندى جاندى داۋىستا ورىنداپ شىقتى. يگى باستامانى وسكەمەن, پاۆلودار قالالارىنداعى نازارباەۆ زياتكەرلىك مەكتەپتەرىنە جولداعان سەمەيلىكتەر چەللەندجدىڭ كەڭ قولداۋ تابارىنا سەنىمدى.
